Gineadóir a nascadh a oibreoidh i gcomhar leis an líonra leictreachais

Teastóidh uait léarscáil ón tSuirbhéireacht Ordanáis (scála 1:2500-1:10560), ar a léirítear suíomh an ghineadóra nua. Marcáil an suíomh cruinn le peann dearg. Beidh plean láithreáin mionsonraithe (scála 1:100-1:500) ar a léirítear an gineadóir nua ag teastáil uait freisin.

Déan iarratas tríd an bpost - Foirm Iarratais (NC5) (PDF | 737 KB) nó cuir glao ar 1850 372 757 nó ar +353 21 2386555 le cóip a iarraidh.
Seol an fhoirm chomhlánaithe, i dteannta na léarscáile Suirbhéireachta Ordanáis agus an Phlean Láithreáin, chuig:

Tabhair do d'aire: Má tá tú ag cur isteach ar athrú ar nasc atá ann cheana féin, ní mór duit MPRN reatha an láithreáin a thabhairt freisin. Ní mór  d’oifig an cheantair áitiúil aon athrú ar an MIC reatha a scrúdú go géar, agus d’fhéadfaí moill a chur ar eisiúint an Chomhaontaithe Nasctha dá bharr. Táille ar bith a bhaineann leis an MIC a mhéadú/a laghdú cuimseofar sa Chomhaontú Nasctha é.

Eiseoimid meastachán duit bunaithe ar ár dTáillí Caighdeánacha Gineadóra (PDF | 106 KB), mar aon le Comhaontú Nasctha, laistigh de thríocha lá.

Cuimseofar na nithe seo a leanas leis an gComhaontú Nasctha:

• Uasacmhainn Iompórtála (MIC) an naisc.

• Uasacmhainn Easpórtála (MEC) an naisc (sa chás seo, is ionann é agus náid cileavoltaimpéar (kVA). Is éard atá i gceist leis an Uasacmhainn Easpórtála (MEC) ná an méid iomlán leictreachais is féidir leat a easpórtáil chuig an eangach náisiúnta.

Cuimseofar sa Chomhaontú freisin an acmhainn giniúna leabaithe agus na riachtanais cosanta comhéadain éigeantacha (ar a dtugtar Cosaint Comhéadain Giniúna Leabaithe nó EGIP) nach mór cloí leo.

Ní mór do bhall foirne de chuid ESB Networks bheith i láthair agus an chosaint comhéadain á tástáil. Seol ríomhphost chuig dsogenerators@esb.ie nó cuir glao 1850 372 757 nó ar +353 21 2386555 chun coinne a dhéanamh don tástáil.

Tá na sonraí ar fail sna Coinníollacha a Rialaíonn Nascadh leis an gCóras Dáileacháin (PDF | 473 KB).

Chomh luath agus a bheidh do mheastachán agat, beidh tú in ann íocaíocht a dhéanamh ar an mbealach is fearr a fheileann duit:

• Íoc trí EFT
• Íocaíocht ar líne
• Íoc ar an bhfón - cuir glao ar 1850 372 757 nó ar+353 21 2386555
• Íoc tríd an bpost - Seol seic, dréacht bainc nó ordú poist chuig:

ESB Networks
Rannóg na gCuntas Infhála
Bóthar an tSáirséalaigh
SAORPHOST
Uimh. an Ceadúnais FCK 724
Wilton
Corcaigh

Déanfar na sonraí teicniúla ón iarratas comhlánaithe a mheas chun a chinntiú nach bhfuil aon easnaimh theicniúla ná chosanta ann a d’fhéadfadh a bheith le réiteach roimh dháta na tástála fianaithe.

Ba chóir na sonraí sin a sheoladh isteach sé seachtaine ar a laghad roimh aon Dáta Tástála Fianaithe aontaithe. Ní mór réamh-thorthaí na dtástálacha ar chosaint shuiteáilte an chomhéadain a sheoladh isteach freisin. Tabhair faoi deara nach féidir an Dáta Tástála Fianaithe a shocrú go dtí go mbeidh an Comhaontú Nasctha gaolmhar, ina léirítear an ghiniúint leabaithe atá á suiteáil, sínithe ag an gCustaiméir agus curtha ar ais aige/aici.