Gineadóirí sioncronaithe os cionn 6 kW (aon phas) nó 11 kW (trí phas) a nascadh.

Teastóidh uait léarscáil ón tSuirbhéireacht Ordanáis (scála 1:2500-1:10560), ar a léirítear suíomh an ghineadóra nua. Marcáil an suíomh le peann dearg.

Beidh plean láithreáin mionsonraithe (scála 1:100-1:500) ar a léirítear an gineadóir nua ag teastáil uait freisin.

Féach na critéir incháilitheachta le haghaidh próiseála lasmuigh de GPA i dtreoir CER/09/099 ón gCoimisiún

​

Dá mba rud é go bhféadfadh an t-iarratas bheith incháilithe lena phróiseáil lasmuigh den GPA:

Úsáid an Fhoirm Iarratais ar Ghineadóir Nua a Nascadh (NC5) (PDF | 737 KB) chun iarratas a dhéanamh. Má roghnaíonn tú an t-iarratas a phróiseáil lasmuigh den GPA, ní bheidh an t-iarratas faoi réir ag déine iomlán na rialacha grúp-phróiseála.

​

Más rud é nach bhfuil d’iarratas incháilithe lena phróiseáil lasmuigh den GPA:

Úsáid an Fhoirm Iarratais ar Ghineadóir Nua a Nascadh (NC5A) (PDF | 548 KB) (chun iarratas a dhéanamh (is leagan giorraithe d’fhoirm iarratais NC5 atá ann). Más rud é go seoltar isteach foirm NC5A agus go gcuimsítear an t-iarratas faoi gheata lena phróiseáil, eiseofar tairiscint nasctha bunaithe ar shonraí measta. Na torthaí a d’fhéadfadh a bheith ar thairiscint a bhunú ar shonraí measta, tá siad leagtha amach in Aguisín 7, foráil 2 de threoir CER maidir le Geata 3 (CER/08/260).

Más mian leat Comhaontú Nasctha a leasú (mionathrú)

Má tá nasc agat cheana féin agus más mian leat mionathrú a dhéanamh, úsáid an Fhoirm Iarratais Fhorlíontach (PDF | 374 KB)

​

Tabhair do d'aire:
In go leor cásanna, ní mór foirm NC5 (PDF | 737 KB) nó NC5A (PDF | 548 KB) nuashonraithe a chur isteach in éineacht le Foirm Iarratais Fhorlíontach (PDF | 374 KB). Féach Táillí agus Próiseas Comhpháirteach DSO TSO chun Tairiscint Nasctha a Mhionathrú (PDF | 330 KB) chun tuilleadh sonraí a fháil.

Is féidir na foirmeacha iarrtais seo a leanas a íoslódáil ónár rannán foilseachán.

•  Iarratas ar Ghineadóir Nua a Nascadh (NC5) (PDF | 737 KB)

• Iarratas ar Ghineadóir Nua a Nascadh (NC5A) (PDF | 548 KB)
• Foirm Iarratais Fhorlíontach le haghaidh Mionathruithe ar Thairiscintí Nasctha Giniúna (PDF | 374 KB)

Nó is féidir glaoch ar 1850 372 757 nó +353 21 2386555 chun cóip chrua d’fhoirm a iarraidh.

Seol an fhoirm iarratais chomhlánaithe i gcomhar leis an íocaíocht agus gach doiciméad riachtanach chuig an seoladh seo a leanas:

​

Suimeanna íocaíochta

Ní mór do chustaiméirí ata ag cur isteach ar ghineadóir leabaithe a nascadh táille iarratais nó éarlais neamh-in-aisíoctha a íoc as an iarratas a phróiseáil. Bíonn méid na táille ag brath ar an Uasacmhainn Easpórtála (MEC) bheartaithe nó ar an méadú beartaithe ar MEC (i gcás ina bhfuil comhaontú nasctha reatha i bhfeidhm). Tá liosta iomlán na dtáillí ar fail i Sceideal na dTáillí Faofa ar Iarratais agus Mionathruithe (PDF | 106 KB).

​

Pointí tábhachtacha:

• I gcás gur lú an táille iarratais ná €7,000 (lena n-áirítear CBL @23%), ba cheart an táille iarratais iomlán a chur isteach in éineacht le foirmeacha iarratais NC5 nó NC5A maidir le gineadóirí.
• I gcás gur mó an táille iarratais ná €7,000 (lena n-áirítear CBL @23%), ba cheart éarlais neamh-in-aisíoctha €7,000 (lena n-áirítear CBL @23%) a chur isteach.
• Ní mheasfar go bhfuil d'iarrtais críochnaithe go dtí go mbeidh an íocaíocht íosta riachtanach faighte againn, agus ní thosófar ar iarrtais neamhchríochnaithea próiseaíl go dtí go mbeidh an íocaíocht faighte.  
• I gcás go bhfuil an togra le próiseáil mar chuid de GPA agus go n-íoctar éarlais, gearrfar iarmhéid na táille iarratais sa bhliain ina bpróiseáiltear an t-iarratas gineadóra lena nascadh nó de réir cibé treoir a thugann CER.
• Más rud é go ndéileálfar le do thogra lasmuigh den GPA, ní mór an táille iarratais iomlán a íoc sula ndéanfar é a phróiseáil.  
• Is ceart do sheiceanna a bheith iníoctha le ESB Networks CGA.
• Seol ríomhphost chuig DSOGenerators@esb.ie chun sonraí an chuntais bainc a fháil más mian leat íoc le ríomhaistriú airgid (EFT). Ba cheart cód tagartha na híocaíochta EFT a lua san iarratas chun admháil a fháil.

Nuair a bheidh an t-iarratas bailí agus an íocaíocht faighte againn, seolfaimid litir deimhnithe chugat laistigh de 20 lá oibre ina mbeidh uimhir thagartha agus sonrasc don íocaíocht.

Bain úsáid as an uimhir thagartha seo nuair a dhéanann tú teagmháil le ESB Networks maidir le d’iarratas.

Cur Chuige Grúp-Phróiseála

Faoin gCur Chuige Próiseála Grúpa, déanann ESB Networks líon réamhshainithe d’iarratais a phróiseáil ag an am céanna. Tá na céimeanna seo a leanas i gceist:

​

1. Déantar iarratais chomhlánaithe a phróiseáil in aon bheart amháin.
2. Ag brath ar an leibhéal idirghníomhaíochta agus ar an suíomh geografach, déanann EirGrid agus ESB Networks na hiarratais sa Gheata a roinnt ina nGrúpaí chun iad a phróiseáil. D’fhéadfadh go mbeadh roinnt foghrúpaí d’iarratais i gceist le gach Grúpa freisin.
3. Déanann ESB Networks agus EirGrid iniúchadh ar na Grúpaí ar fad maidir le sruth an lóid agus le gearrchiorcaid. Bunaithe ar na staidéir sin, déantar an modh nasctha éadomhain (.i. dhírigh) agus na hatreisithe doimhne gaolmhara (tarchur agus dáileachán araon) a aithint i gcomhair gach iarratais laistigh de Ghrúpa nó d’Fhoghrúpa.
4. Roghnaítear an modh nasctha éadomhain is oiriúnaí is cuma cé acu ESB Networks nó EirGrid a fuair an fhoirm iarratais ar an gcéad dul síos. Mar thoradh air sin, d’fhéadfadh sé go bhfaigheadh iarratais a cuireadh faoi bhráid ESB Networks tairiscintí nasctha ó EirGrid, agus a mhalairt.