Seirbhís athshreangaithe
I gcás éigeandála:
glaoigh ar 1800 372 999
Seirbhís athshreangaithe
Lena chinntiú go gcomhlíonann do shuiteáil leictreachais na caighdeáin shábháilteachta agus feidhmíochta is déanaí, cuireann ESB Networks seirbhís ar fáil le sreangú do mhéadair leictreachais a uasghrádú, is é sin le rá na “deirí” a cheanglaíonn do mhéadar le do shuiteáil leictreachais.
Roimh duit leanúint ar aghaidh
Is iondúil nach mbíonn gá lenár Seirbhís Athshreangaithe ach:
- tar éis cithfholcadán leictreach nua a shuiteáil.
- tar éis an clár inmheánach fiúsanna a uasghrádú i d’áitreabh.
- i gcásanna áirithe tar éis luchtaire feithiclí leictreacha a shuiteáil a dteastaíonn lasc aonrúcháin uaidh.
Eolas breise
- Ní mór duit clárú le haghaidh chuntas ar líne ESB Networks ar dtús agus MPRN an áitribh a bhfuil an obair athshreangaithe de dhíth ann a nascadh leis an gcuntas.
- Ní dhéantar plé le rud ar bith eile seachas uasghrádú ‘dheirí’ an mhéadair leictreachais mar chuid den tseirbhís uasghrádaithe seo.
- Déanfaidh do chonraitheoir leictreachais an obair is gá ar do shuiteáil nó ar shreangú d’áitribh, agus nuair a bheidh an obair sin críochnaithe aige, cuirfidh sé Deimhniú Safe Electric isteach. .
- A luaithe a bheidh an deimhniú faighte againn agus an t-iarratas curtha isteach agat trí do chuntas ar líne ESB Networks déanfaimid ‘deirí’ an mhéadair a uasghrádú lena chinntiú gur féidir leo éileamh do shuiteála uasghrádaithe a sheasamh.
- Féadfaidh uasghrádú ‘dheirí’ an mhéadair sábháilteacht agus iontaofacht do sholáthair leictreachais a fheabhsú, agus a chinntiú go gcomhlíonann sé na caighdeáin is déanaí dá bhfuil ann agus gur féidir leis éileamh do shuiteála a sheasamh.
- Tabhair do d’aire go bhfuil táille €200.00 (gan CBL a áireamh) i gceist leis an tseirbhís seo agus gur féidir an táille a íoc trí do chuntas ar líne ESB Networks
An tseirbhís athshreangaithe céim ar chéim
1 - Déan teagmháil le conraitheoir leictreachais
Déan socrú le conraitheoir leictreachais deimhnithe agus iarr air an tsuiteáil atá agat faoi láthair a mheas agus comhairle a thabhairt duit faoi na cineálacha uasghrádaithe atá ag teastáil.
2 - Déan na socruithe cuí le ESB Networks trí do chuntas ar líne ESB Networks
A luaithe a bheidh idir an deimhniú agus an íocaíocht faighte ag ESB Networks, déanfaimid an t-uasghrádú ar ‘dheirí’ an mhéadair a sceidealú. Tabhair do d’aire go mbeidh ort an t-iarratas a dhéanamh trí do chuntas ar líne ESB Networks. Ní thógfaidh sé ach 5-10 nóiméad ort an t-iarratas a chur isteach
3 - An t-uasghrádú féin
Cinnteoidh ESB Networks go ndéanfar na ‘deirí’ ag an méadar a uasghrádú agus go mbeidh siad i gcomhréir leis na rialacháin is déanaí.
Buntáistí an uasghrádaithe
Sábháilteacht fheabhsaithe
Laghdaíonn na caighdeáin shreangaithe is déanaí an riosca go dtarlódh fabhtanna leictreacha.
Iontaofacht fheabhsaithe
Cinntítear go mbeidh do chóras leictreachais in ann don éileamh san am i láthair agus san am atá le teacht.
Comhlíonadh
Coinnigh do shuiteáil leictreachais cothrom le dáta leis na caighdeáin agus na rialacháin is déanaí.
Le tuilleadh eolais a fháil nó le huasghrádú a chur in áirithe, logáil isteach i do chuntas ar líne ESB Networks
Seirbhísí i do Chuntas ar Líne