I gcás éigeandála:
glaoigh ar 1800 372 999
Is mór againn gur féidir muinín a chur ionainn
Is mór againn go bhfuil caidreamh cothaithe againn lenár gcuid custaiméirí agus páirtithe leasmhara le himeacht na mblianta agus, dá réir sin, gur féidir leo muinín a chur ionainn. Mar a thagann athrú ar an gcaoi a n-úsáidtear an líona leictreachais, tuigimid cé chomh tábhachtach is atá sé na riachtanais atá acu a choinneáil i gcroílár a ndéanaimid. Tá súil againn go gcuirfidh an rannpháirtíocht leanúnach seo ar ár gcumas ár gcaidreamh lenár gcuid custaiméirí agus páirtithe leasmhara ar fad a fhorbairt agus a fheabhsú tuilleadh.
Straitéis agus pleananna maidir le rannpháirtíocht páirtithe leasmhara
Caithimid dúthracht le bheith go hiomlán trédhearcach lenár gcuid páirtithe leasmhara
Leagtar amach inár straitéis rannpháirtíochta an chaoi a gcuirimid ár gcur chuige in oiriúint dár mbonn leathan páirtithe leasmhara a bhíonn ag athrú de shíor mar gheall ar a thapa atá cúrsaí ag athrú ar fud na hearnála fuinnimh. Caithimid dúthracht le bheith go hiomlán trédhearcach lenár gcuid páirtithe leasmhara. Foilsímid ár bpleananna bliantúla rannpháirtíochta, ina ndéanaimid cur síos ar an gcaoi a mbíonn sé beartaithe againn dul i gcomhar lenár bpáirtithe leasmhara le himeacht na bliana, agus iarraimid orthu aiseolas a thabhairt dúinn orthu chomh maith.