An bord 

Ceapadh Marguerite Sayers ina stiúrthóir agus ina cathaoirleach ar Bhord ESB Networks CGA i mí Iúil 2022.

Tá sí ina leas-phríomhfheidhmeannach freisin ar ESB agus roimhe sin, bhí sí ina stiúrthóir feidhmiúcháin ar Réitigh do Chustaiméirí ESB agus ina stiúrthóir bainistíochta ar ESB Networks CGA.

D’oibrigh sí i bpoist theicniúla agus bhainistíochta éagsúla le ESB le breis agus 30 bliain, lena n-áirítear bainisteoir giniúna agus ceann bainistíochta sócmhainní do ESB Networks.

Tá céim bainte amach aici san Innealtóireacht Leictreach ó Choláiste na hOllscoile, Corcaigh. Is innealtóir cairte í, chomh maith le bheith ina comhalta agus iar-Uachtarán ar Innealtóirí Éireann, comhalta d'Acadamh na nInnealtóirí, ball de Bhord Energy UK agus gobharnóir ar Iontaobhas an Irish Times.

Ceapadh Michael Nolan ina stiúrthóir neamhspleách ar Bhord ESB Networks CGA i mí na Bealtaine 2022.

Is céimí de chuid Ollscoil na Gaillimhe, Choláiste na Tríonóide agus Ollscoil Oxford é Michael, agus tá cúlra aige i mbonneagar agus oibríochtaí iompair.

Bhí sé ina phríomhfheidhmeannach agus ina chomhalta boird ar Bhonneagar Iompair Éireann (2015-2020), agus ina cheann ar mhórthionscadail agus chláir chaipitil ag an Údarás um Bóithre Náisiúnta (2007-2015). D’oibrigh Michael i róil éagsúla Údaráis Áitiúil, mar cheannaire ar thionscadail mhótarbhealaigh idiruirbeacha éagsúla go príomha. Chaith sé tamall freisin ina chathaoirleach ar Ghrúpa Oibre Choimisiún Forbartha an Iarthair ag forbairt Innéacs Soghluaisteachta Inbhuanaithe. Tá Michael ina chomhalta freisin de bhord an chláir BusConnects. In 2021, cheap an taire Caiteachais Phoiblí agus Athchóirithe Michael ina chathaoirleach ar an nGrúpa Comhairleach um Mórthionscadail. Is innealtóir cairte é Michael agus is comhalta d’Innealtóirí Éireann é freisin.

Ceapadh Caroline Spillane ina stiúrthóir neamhspleách ar Bhord ESB Networks CGA i mí na Bealtaine 2019.

Is í Caroline Príomhfheidhmeannach Institiúid na Stiúrthóirí in Éirinn. Thosaigh sí sa ról i mí Iúil 2022. D’oibrigh Caroline i roinnt róil ceannaireachta sinsearaí, lena n-áirítear an ról is déanaí a bhí aici mar Ard-Stiúrthóir Innealtóirí Éireann (an comhlacht gairmiúil uile-Éireann d’innealtóirí), chomh maith le Príomhfheidhmeannach Chomhairle na nDochtúirí Leighis in Éirinn (an rialtóir reachtúil neamhspleách do bhreis is 25,000 cleachtóir leighis), agus Stiúrthóir Cúnta Náisiúnta Fheidhmeannacht na Seirbhíse Sláinte.

Tá taithí ag Caroline mar stiúrthóir neamhfheidhmiúcháin agus d’fhóin sí mar chomhalta ar Bhord an Údaráis um Fhaisnéis agus Cáilíocht Sláinte (HIQA) agus ar Bhord Thaighde Déantúsaíochta na hÉireann. Chomh maith leis sin, tá sí páirteach i nGrúpa Comhairleach do Balance for Better Business, is grúpa athbhreithnithe neamhspleách gnóthreoraithe ar bhunaigh an rialtas é le cothromaíocht inscne a fheabhsú i measc an lucht ceannaireachta sinsearaí in Éirinn.

I measc na gcáilíochtaí atá ag Caroline tá Baitsiléir Ealaíon ó Choláiste na hOllscoile, Corcaigh agus Máistreacht ó Ollscoil Teicneolaíochta Bhaile Átha Cliath. Tá sí ag gabháil do chlár Dochtúireachta le hOllscoil Teicneolaíochta an Oirdheiscirt faoi láthair.

Ceapadh Ian Talbot ina stiúrthóir neamhspleách ar Bhord ESB Networks CGA i mí na Bealtaine 2019.

Tá Ian ina phríomhfheidhmeannach ar Chambers Ireland agus ina ard-rúnaí ar Chomhlachas Idirnáisiúnta Tráchtála Éireann (ICC). Roimh na ceapacháin sin, d’oibrigh Ian mar stiúrthóir ar Citigroup agus JP Morgan Chase in Éirinn ar feadh 18 mbliana.

Bhain sé cáilíocht amach mar chuntasóir cairte le Price Waterhouse, agus d’oibrigh sé in oifigí na cuideachta sin i mBaile Átha Cliath agus i Lucsamburg. Tá céim MA agus BBS bainte amach aige ó Choláiste na Tríonóide, Baile Átha Cliath.

Tá sé ina leas-uachtarán ar Eurochambres, ina bhall den Chomhairle Náisiúnta Eacnamaíoch agus Shóisialta, agus ina stiúrthóir ar Skillnet Ireland.

Tá Marie Sinnott ina rúnaí cuideachta ar ESB Networks CGA, agus ina rúnaí cuideachta grúpa ar ESB.

Sular ceapadh in 2019 í, bhí Marie ina Ceannaire Grúpa ar Chomhlíonadh agus Bainistíocht Riosca Fiontair in BSL agus roimhe sin, d’oibrigh sí i roinnt ról bainistíochta sinsearaí ar fud na heagraíochta.

Is céimí tráchtála de chuid an Choláiste Ollscoile, Baile Átha Cliath, agus bhain sí MSc amach sa Staidéar Beartas Eacnamaíoch ó Choláiste na Tríonóide, Baile Átha Cliath agus Dioplóma Iarchéime i Rialachas Corparáideach ó Scoil Chéimithe Gnó Michael Smurfit UCD. Tá Marie ina ball d’Údarás Rialaithe Ollscoil Chathair Bhaile Átha Cliath, agus ina stiúrthóir agus ina rúnaí cuideachta ar Bhord na hInstitiúide Gnóthaí Idirnáisiúnta agus Eorpacha.