I gcás éigeandála:
glaoigh ar 1800 372 999
Faigh duaiseanna as smacht a fháil ar d’úsáid fuinnimh
Tá an clár ‘An am maith é seo?’ de chuid ESB Networks ag cur deis ar fáil do rannpháirtithe duaiseanna a fháil as páirt a ghlacadh in ‘imeachtaí fuinnimh’ nuair a iarrtar orthu é. Má ghlacann tú páirt sna himeachtaí sin, ní hamháin go mbeidh tú ag cur le todhchaí níos inbhuanaithe, ach gheobhaidh tú duaiseanna as gníomh a dhéanamh freisin.
Faigh a thuilleadh eolais faoi imeachtaí fuinnimh, agus féach cén chaoi a mbeidh tú in ann duaiseanna a thuilleamh thíos.
Tuilleadh eolais faoi ‘An am maith é seo?’Cad is imeacht fuinnimh ann?
Is éard is imeacht fuinnimh ann ná nuair a bhíonn go leor fuinnimh in-athnuaite ar fáil againn lena úsáid, nó nuair a bhíonn méid níos lú fuinnimh in-athnuaite ar fáil againn.
Is ann do dhá chineál imeachta fuinnimh:
- Buaic‑imeachtaí
- Imeachtaí solúbthachta
Buaic‑imeachtaí
- Is éard is Buaic-imeacht ann ná nuair a bhíonn an-chuid daoine ag úsáid leictreachais ag an am céanna agus nach mbíonn go leor fuinneamh in-athnuaite á ghiniúint le freastal ar an éileamh sin ar leictreachas.
- Ciallaíonn sé sin go mbíonn an leictreachas níos costasaí agus níos déine ó thaobh carbóin de i rith buaic-imeachtaí, agus seans nach bhféadfaí brath ar sheasmhacht an tsoláthair mar a d’fhéadfaí de ghnáth.
Imeachtaí solúbthachta
Tarlaíonn ‘imeacht solúbthachta’ in dhá chás faoi leith agus d’fhéadfaimis iarraidh ort ansin a bheith solúbtha i dtaobh cén chaoi agus cén t-am a n-úsáideann tú leictreachas:
- Nuair a bhíonn barrachas giniúna leictreachais in-athnuaite ann, d'fhéadfaimis tú a spreagadh chun leas a bhaint as an bhfuinneamh in-athnuaite atá ar fáil toisc nach mbíonn sé chomh costasach ná chomh dian ar charbón ag an am seo agus a bhíonn de ghnáth.
- Nuair a bhíonn méid níos lú fuinneamh in-athnuaite ar fáil, am maith é chun smacht a fháil ar d’úsáid leictreachais agus chun fearais atá dian ar leictreachas a sheachaint, mar shampla an triomadóir rothlaim, an miasniteoir, agus an t-iarann.
Cén chaoi duaiseanna a fháil
- Nuair a bheidh tú cláraithe, déanfaimid teagmháil leat anois is arís tríd an ríomhphost nó trí SMS chun a fháil amach an féidir leat gníomh molta a dhéanamh i rith imeachtaí fuinnimh.
- Tarlaíonn na himeachtaí fuinnimh sin nuair a bhíonn go leor fuinnimh in-athnuaite ar fáil lena úsáid, nó nuair a bhíonn méid níos lú fuinnimh in-athnuaite ar fáil againn.
- Má thugann tú faoin ngníomh molta nuair a iarrtar ort agus má tá do MPRN nasctha le do chuntas ar líne ESB Networks, is féidir suirbhé gairid a chomhlíonadh tar éis na himeachta chun bheith istigh ar dhuais i bhfoirm dearbháin.