I gcás éigeandála:
glaoigh ar 1800 372 999
Bearradh Crann agus Fálta ar do chuid Talún
An bhfuil sé i gceist agat crainn nó fálta a bhearradh ar do chuid talún? Bíodh a fhios agat gur ábhar guaise don tsábháilteacht aon fhásra atá ag fás gar do shreanga leictreachais nó trealamh de chuid ESB Networks. Tá sé de chumas sa leictreachas gníomhú trasna bearnaí agus ní gá go ndéanfá teagmháil dhíreach le sreang bheo, ná le trealamh leictreach, le bheith i ngarbhaol bháis nó fiú go marófaí thú. Má tá an fásra atá le bearradh faoi fhad 6 mhéadar nó níos lú ó shreanga leictreachais nó ó threalamh leictreach, is féidir iarratas a dhéanamh ar líne ar mheasúnú bearrtha crann saor an aisce trí do Chuntas ar Líne ESB Networks.
Déan iarratas ar Mheasúnú Bearrtha Crann Inniu
Má tá na crainn atá le bearradh faoi fhad 6 mhéadar nó níos lú ó shreanga leictreachais nó ó threalamh leictreach, is féidir iarratas a dhéanamh ar líne ar mheasúnú bearrtha crann saor in aisce trí do Chuntas ar Líne ESB Networks. A luaithe agus atá an t-iarratas curtha isteach agat, déanfaimid socrú leat chun go dtiocfaidh criú bearrtha crann chun measúnú a dhéanamh ar an láthair laistigh de 4-6 seachtaine. Cinnfidh an measúnú sin cé acu an mbeidh na crainn le bearradh agatsa, an custaiméir, nó ag ESB Networks.
Tabhair do d’aire go bhféadfadh moill a bheith ann i rith mhíonna an gheimhridh de dheasca drochaimsire.
Déan iarratas inniuCleachtadh a Fháil ar Línte Leictreachais Lasnairde ESB Networks a aithint
Go minic, ní thuigeann daoine an difríocht atá ann idir línte leictreachais agus línte teileafóin. Is féidir línte leictreachais a aithint mar seo a leanas:
- Bíonn pláta guaise buí greamaithe de thaobh an chuaille.
- Ní bhíonn aon teannta coise ag barr an chuaille.
Seo a leanas samplaí tipiciúla de línte leictreachais ESB Networks:
Gréasán leictreachais
-network_4593f708-a0ee-426b-809a-fe1834f15c47.jpg?sfvrsn=763c0079_6)
Gréasán teileachumarsáide (eir)
Treoirlínte Sábháilteachta do Bhearradh Crann agus Fálta
Ba chóir do do chonraitheoir bearrtha crann an chomhairle sábháilteachta seo a leanas a chur san áireamh ina mheasúnú riosca sábháilteachta sula gcuirtear tús leis na hoibreacha.
- Na bearr crainn ná fálta faoi fhad 6 mhéadar nó níos lú ó threalamh leictreach gan dul i dteagmháil le ESB Networks ar dtús. Déan iarratas ar mheasúnú saor in aisce trí do Chuntas ar Líne ESB Networks chun comhairle a fháil. Chun do shábháilteacht a áirithiú, b’fhéidir go mbeadh gá ann an soláthar leictreachais a dhíscor ar feadh tamaill sula gcuirfear tús leis an mbearradh.
- Ná dearmad go bhfuil sé de chumas sa leictreachas gníomhú trasna bearnaí agus ní gá go ndéanfá teagmháil dhíreach le sreang bheo, nó le trealamh leictreach, le bheith i ngarbhaol bháis nó fiú go marófaí thú.
- Déan teagmháil i gcónaí le crannlia / gairmí bearrtha crann eile roimh ré. Is gníomhaíocht dhainséarach an bearradh crann.
- Má tá crann á leagan agat, bí cinnte go mbeidh achar sábháilteachta ar a laghad dhá oiread airde an chrainn idir an crann agus aon chuaille leictreachais nó línte lasnairde atá i ngar dó.
- Sula dtosaíonn an obair bhearrtha, ba chóir guaischrios a leagan amach atá ar laghad faoi fhad 6 mhéadar ó na cuaillí agus línte leictreachais atá sa timpeallacht. Ná bíodh aon obair ar siúl laistigh den ghuaischrios.
- Bí an-chúramach go deo agus fásra á bhearradh agat in airde.
- Is é an cleachtas is fearr gan crann a phlandáil faoi línte cumhachta lasnairde. Cinnteoidh sé seo nach dtiocfaidh an crann in aice nó i dteagmháil le línte leictreachais sa todhchaí, agus cabhróidh sé linn an gréasán leictreachais a choinneáil slán, agus laghdófar líon na ngearrthacha cumhachta dá bharr.
- Ba chóir oibreacha bearrtha crann a dhéanamh le linn an lae i gcónaí..
Comhairle shábháilteachta
Ba chóir aon chás dainséarach, amhail crann atá ag brú in aghaidh sreanga leictreachais, nó craobhacha briste nó damáiste atá ar crochadh os cionn línte leictreachais, a chur in iúl do ESB Networks láithreach bonn ar 1800 372 999 or 021 2382410.. Níor chóir i gcás ar bith go ndéanfadh tú féin nó tríú páirtí ag gníomhú ar do shon iarracht an ghuais a réiteach.
Ceisteanna coitianta
Tá línte leictreachais ag dul trí chrainn ar m’áitreabh – an féidir liomsa iad a ghearradh?
Níor cheart duit iarracht a dhéanamh i gcás ar bith iad a ghearradh siar tú féin. D’fhéadfá teacht i dteagmháil leis na sreanga beo a d’fhéadfadh thú a leictriú. Is speisialtóirí iad conraitheoirí gearrtha crann a úsáidtear chun déileáil le sreanga beo agus iad ag gearradh crann.
Le tuilleadh eolais a fháil faoi bhearradh crann agus fálta ar do thalamh, cliceáil anseo.
An féidir liom féin iad a ghearradh siar?
Níor cheart duit féin iarracht a dhéanamh in imthosca ar bith iad a ghearradh siar. D’fhéadfá teacht i dteagmháil leis na sreanga beo a d’fhéadfadh thú a leictriú. Is speisialtóirí iad conraitheoirí gearrtha crann a úsáidtear chun déileáil le sreanga beo agus iad ag gearradh crann.
Le tuilleadh eolais a fháil faoi bhearradh crann agus fálta ar do thalamh, cliceáil anseo.
An ndéanfaidh tú na crainn a ghearradh anuas go hiomlán nó an é nach ndéanfaidh tú ach na craobhacha a bhearradh siar píosa?
De ghnáth, déanaimid na craobhacha a bhearradh siar chuig achar sábháilte. Mar sin féin, má bhíonn bail éagobhsaí ar na crainn agus má bhíonn contúirt ann go bhféadfaidís titim ar an líne leictreachais, gearrfaimid anuas go hiomlán iad.
Le tuilleadh eolais a fháil faoi bhearradh crann agus fálta ar do thalamh, cliceáil anseo.
An mbeidh orm táille a íoc as aon chrainn a ghearrfar?
Ní bheidh. Ní ghearrfar aon táille ort as gearradh riachtanach crann.
Le tuilleadh eolais a fháil faoi bhearradh crann agus fálta ar do thalamh, cliceáil anseo.
Cad é a dhéantar leis an adhmad ó na crainn?
Más mian leat an t-adhmad a choinneáil, déanfaidh ár gconraitheoirí gearrtha crann na craobhacha a ghearradh duit agus a chur in áit stórála chuí. Má shocraíonn tú gan é sin a dhéanamh, gheobhaidh na conraitheoirí féin réidh leis an adhmad.
Le tuilleadh eolais a fháil faoi bhearradh crann agus fálta ar do thalamh, cliceáil anseo.
Tá crainn chostasacha taispeántais agam. An féidir liom mo rogha féin crannlia a earcú le hiad a ghearradh siar?
Is féidir, ach ar do chostas féin a bheidh sé. Caithfidh tú teagmháil a dhéanamh linn roimh ré ar aon nós. Tá seans ann go mbeidh orainn na línte a dhínascadh go sealadach le go mbeifear in ann an obair a dhéanamh.
Déan teagmháil linn
Le tuilleadh eolais a fháil faoi bhearradh crann agus fálta ar do thalamh, cliceáil anseo.
Cá fhad a thógfaidh sé ar ESB Networks teacht amach go dtí an láthair agus na crainn nó na craobhacha a bhearradh?
Déanfar é seo a phlé lenár dTeicneoir Gréasáin le linn an mheasúnaithe ar an láthair.
Le tuilleadh eolais a fháil faoi bhearradh crann agus fálta ar do thalamh, cliceáil anseo.
Cad ba chóir dom a dhéanamh faoi chrainn a bheidh ag cur isteach ar líne leictreachais lastuas roimh i bhfad?
Le seirbhís gearrtha crann a iarraidh, déan teagmháil linn ar 1800 372 757 nó +353 21 2386555. Déanfaidh ár bhfoireann socrú le go dtabharfaidh criú gearrtha crann cuairt ort le breathnú ar an áit. Má dhearbhaíonn siadsan gur gá na crainn a ghearradh, beidh sé mar aidhm againn an obair a chur i gcrích taobh istigh de 3 nó 4 seachtaine. Mar sin féin, má chinneann siad nach gá iad a ghearradh láithreach ar mhaithe le sábháilteacht an phobail ná an líonra, cuirfear gearradh na gcrann sin san áireamh inár gcláir sceidealta gearrtha crann.
Le tuilleadh eolais a fháil faoi bhearradh crann agus fálta ar do thalamh, cliceáil anseo.