Leabhair oibre acmhainneachta 

Cuireann an leabhar oibre seo acmhainneacht tháscach "spás cloiginn" ar fáil d’éileamh ar naisc nua ag fostáisiúin 110kV agus 38kV atá ann cheana féin. Cuirtear réamhaisnéisí ar fáil le haghaidh gach bliain suas go dtí 2030, agus ansin le haghaidh gach cúig bliana ina dhiaidh sin go dtí 2050. Léiríonn an leabhar oibre an acmhainneacht spártha nó “spás cloiginn” atá ar fáil ag stáisiún faoi cheithre chás dhifriúla i ndáil le ráta fáis. Tabhair do d'aire gur fhaisnéis tháscach í an fhaisnéis a chuirtear ar fáil: D’fhéadfadh teorainneacha líonraí réamhtheachtacha a bheith ann ar fhothairí Ardvoltais (HV) agus ar fhothairí córais tarchurtha a chuirfidh teorainn leis an acmhainneacht ag fostáisiúin áitiúla. Chun acmhainneacht a chinntiú le haghaidh nasc nua, moltar do chustaiméirí an próiseas iarratais ar nasc nua atá ar fáil ar shuíomh gréasáin ESB Networks www.esbnetworks.ie a leanúint.

Áirítear le leagan 1.0 de na Leabhair Oibre Acmhainneachta maidir le hÉileamh tionscadail atá beartaithe don tréimhse Athbhreithniú 5 ar Phraghsanna (PR5). Eiseofar leagan 2.0 de na leabhair oibre Acmhainneachta in 2025 agus áireofar iontu tionscadail atreisithe atá beartaithe don tréimhse PR6 go dtí 2030. Tabharfaidh na tionscadail seo aghaidh ar go leor de na srianta acmhainneachta atá ag teacht chun cinn.

Gach 5 bliana cuireann ESB Networks aighneacht faoi bhráid an Choimisiúin um Rialáil Fóntas (CRU) chun na riachtanais chaiteachais ar an líonra dáileacháin a leagan amach. Maireann an tréimhse PR5 ó 2021 go 2025. Maireann an tréimhse PR6 ó 2026 go 2030. Eiseoidh an CRU cinneadh maidir le tréimhse PR6 in 2025. 

Cuireann an leabhar oibre seo acmhainneacht tháscach "spás cloiginn" ar fáil le haghaidh naisc nua le gineadóirí ag fostáisiúin 110kV agus 38kV atá ann cheana féin. Cuirtear réamhaisnéisí ar fáil le haghaidh gach bliain suas go dtí 2030, agus ansin le haghaidh gach cúig bliana ina dhiaidh sin go dtí 2050. Léiríonn an leabhar oibre an acmhainneacht spártha nó “spás cloiginn” atá ar fáil ag stáisiún faoi cheithre chás dhifriúla i ndáil le ráta f��is. Tabhair do d'aire gur fhaisnéis tháscach í an fhaisnéis a chuirtear ar fáil. D’fhéadfadh teorainneacha líonraí réamhtheachtacha a bheith ann ar fhothairí Ardvoltais (HV) agus ar fhothairí córais tarchurtha a chuirfidh teorainn leis an acmhainneacht ag fostáisiúin áitiúla. Chun acmhainneacht a chinntiú le haghaidh nasc nua, moltar do chustaiméirí an próiseas iarratais ar nasc nua atá ar fáil ar shuíomh gréasáin ESB Networks www.esbnetworks.ie a leanúint. 

Is é atá in acmhainneacht dhocht ná an acmhainneacht is féidir le stáisiún HV a choinneáil ar bun thar thréimhse fhada faoi oibríocht ghnáth-fhotha agus le linn ghearradh cumhachta mar gheall ar fhabht nó cothabháil claochladáin ag stáisiún. Is é atá in acmhainneacht neamhdhocht ná acmhainneacht bhreise de bhreis ar an acmhainneacht dhocht a d’fhéadfaí a sholáthar ag stáisiún freisin. Le linn ghearradh cumhachta ar chlaochladán, bíonn acmhainneacht neamhdhocht ar fáil má tá socruithe leordhóthanacha aistrithe lóid i bhfeidhm chun éileamh a aistriú chuig stáisiúin in aice láimhe nó má tá lód solúbtha ag an stáisiún ar féidir é a úsáid chun éileamh a laghdú laistigh den achar ama riachtanach.

Cuirtear ceithre chás maidir le ráta fáis i láthair sna leabhair oibre, an dearcadh coimeádach, an bonn-dearcadh, an dearcadh dian agus an dearcadh is fearr. Tá na cásanna sin bunaithe ar thoimhdí éagsúla maidir le fás an lóid reatha agus an lóid a bheidh ann amach anseo, fás eacnamaíoch agus tráchtála, leictriú iompair agus teasa agus forbairtí nua tithíochta. Tá roinnt éiginnteachta ann maidir le rátaí fáis a thuar ós rud é go mbraitheann siad ar roinnt fachtóirí, mar shampla an ráta fáis eacnamaíoch, ráta na tógála tithíochta nua agus an ráta oiriúnaithe maidir le spriocanna um leictriú teasa agus iompair faoin bPlean um Ghníomhú ar son na hAeráide ( CBT). Déanfar na cásanna fáis seo a nuashonrú agus a fhorbairt tuilleadh le haghaidh na leabhair oibre acmhainneachta v2.0 atá le heisiúint i R4 2025.

Déanfar na leabhair oibre acmhainneachta a nuashonrú ar bhonn bliantúil.

Tá an DNDP le foilsiú in 2025 agus déanfar é a nuashonrú gach dhá bhliain ina dhiaidh sin. Is éard atá sa DNDP ná an tuarascáil faoi spás cloiginn líonra (leabhair oibre acmhainneachta) in éineacht le Tuarascáil Forbartha maidir leis an Líonra Dáileacháin (DNDR). Is é is aidhm don DNDP ná trédhearcacht a sholáthar do chustaiméirí faoi na pleananna forbartha meántéarmacha agus fadtéarmacha don líonra. Tabharfar breac-chuntas sa Tuarascáil Forbartha maidir leis an Líonra Dáileacháin (DNDR) ar na pleananna atreisithe don bhonneagar CAPEX agus léireofar freisin réimsí den líonra ina mbeidh seirbhísí solúbthachta ag teastáil.

Spreagtar custaiméirí chun dul i dteagmháil go luath le ESB Networks má tá forbairt nua á pleanáil acu a mbeidh nasc leis an líonra leictreachais ag teastáil ina leith.

Chun acmhainneacht a chinntiú le haghaidh nasc nua, moltar do chustaiméirí an próiseas iarratais ar nasc nua atá ar fáil ar shuíomh gréasáin ESB Networks www.esbnetworks.ie a leanúint. Cineálacha nasc nua

Ní mór do phleanálaithe líonra ESB Networks staidéar líonra mionsonraithe a dhéanamh maidir le gach iarratas sula n-eiseofar nasc.

Le tuilleadh eolais a fháil, féach ar an leathanach seo éileamh solúbtha.

• Tugtar sampla anseo d’fhostáisiún tipiciúil 38 kV/MV.
• Cumraíocht tipiciúil de stáisiún 38 kV i suíomh uirbeach is ea go mbíonn dhá chlaochladán 10 MVA suiteáilte.
• Maidir leis an stáisiún 2x10 MVA seo, is é 20 MVA an acmhainneacht iomlán suiteáilte, is é 15 MVA an acmhainneacht dhocht agus is é 18 MVA an acmhainneacht neamhdhocht.
• Nuair a tharlaíonn fabht ag claochladán, bíonn claochladán amháin fós ag feidhmiú sa stáisiún. Tugtar Cás N-1 air seo.
• Má tharlaíonn fabht N-1 tarlú ag claochladán 10 MVA, is féidir an claochladán atá fágtha a lódáil suas le 180% (18 MVA) dá acmhainneacht ar feadh tréimhse ghearr. Ní mór an lód a aistriú tríd an gcóras MV a chur ar siúl go hoibríochtúil chuig stáisiúin in aice láimhe chun an lód a laghdú go 15 MVA (150%). Is féidir leis an gclaochladán an 15 MVA seo a iompar ar bhonn timthriallach ar feadh roinnt laethanta go dtí go ndéanfar an dara claochladán a dheisiú nó a athsholáthar. Is é seo acmhainneacht dhocht an stáisiúin.
• Más 10 MVA atá sa bhuaicéileamh ar an stáisiún 38 kV, léireoidh na leabhair oibre acmhainneachta go bhfuil acmhainneacht dhocht 5 MVA nó acmhainneacht neamhdhocht 8 MVA ar fáil ag an stáisiún.

• Tá na torthaí i ndáil le hacmhainneacht dhocht agus neamhdhocht bunaithe ar chás ina dtarlaíonn gearradh cumhachta mar gheall ar fhabht ag claochladán amháin i socrú caighdeánach stáisiúin dhá chlaochladán le linn am buaicéilimh ar an gcóras.
• Tarlaíonn buaicéileamh ar an gcóras thart ar an tréimhse 5pm go 7pm tráthnóna geimhridh i mí na Nollag nó i mí Eanáir, de ghnáth, agus is é an cás is tromchúisí nó an “cás is measa” é.
• De ghnáth, beartaítear gearradh cumhachta chun cothabháil a dhéanamh nuair a bhíonn na lóid ar an gcóras níos ísle.
• Go ginearálta, oibríonn claochladáin ar an ngnáthbhealach agus is annamh a tharlaíonn fabhtanna am buaicéilimh ar an gcóras.
• I gcás ina dtarlaíonn fabht, is féidir an lód a aistriú go ginearálta chuig stáisiúin in aice láimhe chun an lódáil ar chlaochladán a laghdú.
• Má léiríonn leabhar oibre go bhfuil acmhainneacht dhocht dhiúltach (-3 MVA) ag stáisiún 38 kV/MV (2x10 MVA), ciallaíonn sé sin go bhfuil 18 MVA ar an stáisiún ag buaic-amanna.
• Ciallaíonn sé sin go mbíonn buaicéileamh 9 MVA ar gach claochladán 10 MVA ag an mbuaic-am i mí na Nollag/mí Eanáir.
• Ní fadhb a bhíonn ansin, de ghnáth.
• Ní bhíonn fadhb i gceist ach amháin má tharlaíonn fabht ag 6pm. Ansin ní mór an lód a laghdú go 15 MVA (acmhainneacht dhocht 150%) laistigh de 30 nóiméad agus ina dhiaidh sin is féidir é sin a iompar ar feadh roinnt laethanta.
• Mar sin féin, is táscaire maith é toradh diúltach ar acmhainneacht spás cloiginn go bhfuil gá le tionscadal atreisithe líonra nua chun acmhainneacht a chur leis an líonra agus chun naisc bhreise custaiméirí a éascú.
  

Tugann an teasléaráid déine acmhainneachta léiriú ar an acmhainneacht atá ar fáil ar an líonra ag an bpointe ama reatha. Soláthraíonn na leabhair oibre réamh-mheastachán ar an acmhainneacht spás cloiginn a bheidh ann ag stáisiúin sa todhchaí bunaithe ar chásanna rátaí fáis éagsúla. Is féidir na teasléaráidí déine acmhainneachta a fháil anseo fáil ar theasléaráid déine acmhainneachta.