Printíseachtaí

Mar Phrintíseach Leictreora/Teicneora Líonra le ESB Networks, is féidir leat a bheith ag súil le:

• Oiliúint den chéad scoth, pá iomaíoch agus buntáistí iontacha
• Lascaine ar leictreachas do bhaill foirne
• Ballraíocht de Chiste Coigiltis Leighis ESB, ar ciste neamhbhrabúis

Tá do shábháilteacht, do shláinte agus d'fholláine mar Phrintíseach tábhachtach dúinn agus tá do dhul chun cinn ag brath orthu.

Cuirimid timpeallacht oibre éagsúil, ionchuimsitheach ar fáil, a fhágann gur féidir cothromaíocht mhaith oibre is saol a bhaint amach. Beidh fáil agat am ar bith ar thacaíocht duine le duine ó chomhghleacaí oilte faoinár gClár Cúnaimh d'Fhostaithe chomh maith. Coinneofar é seo go hiomlán faoi rún.>

Cuirimid na nithe seo a leanas ar fáil, freisin

• Scagthástáil Leighis
• Vacsaíní Fliú
• Comhairle Phearsanta

Gheobhaidh tú neart deiseanna scileanna nua a fhorbairt agus líonrú a dhéanamh.

• Tabharfar deis duit obair dheonach a dhéanamh inár scéim léitheoireachta do scoileanna áitiúla, ‘Time to Read’
• Páirt a ghlacadh inár n-obair charthanachta - Electric Aid
• Ballraíocht i gceann dár gclubanna agus dár gcumann m.sh. Sportsco, an club reathaíochta, Tai Chi, clubanna teanga, srl.
• Dul san iomaíocht in gcomórtais thraschuideachta, ar nós an ESB Power Challenge

Beidh an fhoirm iarratais le haghaidh Chlár Printíseachtaí Leictreachais 2025 ar fáil ar líne ó Dé Sathairn, an 1 Márta go dtí Dé Domhnaigh, an 6 Aibreán. 

Más mian leat tuilleadh eolais a fháil faoi céard go díreach atá i gceist leis an gclár, cén chaoi cur isteach air, agus cibé an é an rud ceart duitse é, ná bíodh aon drogall ort r-phost a sheoladh chugainn ag apprentices@esb.ie.

Is féidir le haon duine a mbeidh 17 bliana nó níos mó slánaithe aige nó aici ar an 1 Meitheamh 2025 iarratas a chur isteach ar Phrintíseacht ESB Networks. Ciallaíonn sé sin go raibh do dháta breithe ar an 1 Meitheamh 2008 nó roimhe.

Má tá an aois íosta slánaithe agat, is féidir leat iarratas a dhéanamh ar ár gClár Printíseachta ar an gcoinníoll go bhfuil an Teastas Sóisearach, an Ardteistiméireacht nó an Ardteistiméireacht Fheidhmeach bainte amach agat. Le tuilleadh eolais a fháil - nó sa chás gur bhain tú cáilíocht amach lasmuigh d'Éirinn - féach ar an 

 

Lámhleabhar do Phrintísigh

Seiceáil d'iarratas go cúramach sula seolfaidh tú isteach é. Ní ghlacfaimid le haon athrú ar an iarratas tar éis duit é a sheoladh isteach chugainn. Más féidir ar chor ar bith é, iarr ar dhuine éigin athbhreithniú a dhéanamh ar d'iarratas lena chinntiú go bhfuil gach réimse comhlánaithe agat agus go bhfuil na sonraí atá luaite ann cruinn ceart.

Faighimid go leor iarratas agus déanaimid iniúchadh ar gach ceann acu, rud a fhágann nach féidir linn a rá go baileach cathain a gheobhaidh tú scéala uainn maidir le stádas d'iarratais.

 

Seiceáil bosca isteach an tseolta ríomhphoist a thug tú dúinn go rialta . Déanfar gach cumarsáid leat faoi d’iarratas tríd an seoladh r-phoist seo.

Má tá fadhb agat a d’fhéadfadh moill a chur ar d’iarratas, seol ríomhphost chuig  apprentices@esb.ie. Nuair a bheidh an spriocdháta thart, ní bheimid in ann aon chúnamh a sholáthar.

Iarraimid ar gach iarratasóir a n-éiríonn leis nó léi dul faoi scrúdú leighis don chorp iomlán, tástáil súl san áireamh, lena s(h)láinte fhisiciúil a mheas. Is ball deimhnithe d'fhoireann Ionad Sláinte ESB a dhéanfaidh an scrúdú sin.

Ní mór d'iarratasóirí dul faoi mheasúnú ar líne a mhairfidh uair an chloig. Ní mór é seo a dhéanamh tráth nach déanaí ná cúig lá tar éis duit an r-phost a fháil ina bhfuil an measúnú. Scoirfidh aon seisiún nach mbíonn gníomhach ar feadh cúig nóiméad agus ní bheidh tú ábalta é a chur i gcrích. Déan cinnte. mar sin, go bhfuil nasc Wi-Fi láidir á úsáid agat agus go bhfuil tú ag obair i láthair chiúin shuaimhneach.

Má bhíonn aon cheist eile agat, nó má bhíonn soiléiriú ag teastáil uait maidir le haon rud atá luaite sa Lámhleabhar Printíseachta, ná bíodh drogall ort r-phost a sheoladh chugainn ag apprentices@esb.ieagus gheobhaidh tú freagra tapa ó dhuine dár bhfoireann.

 

Lámhleabhar do Phrintísigh