Clár ‘Líonra Náisiúnta, Naisc Áitiúla’ 

• Tá pleananna seachadta an Chláir ‘Líonra Náisiúnta, Naisc Áitiúla’ ar fáil lena léamh anseo.
• Ó seoladh in 2021 é, thugamar isteach na chéad mhargaí solúbthachta áitiúla in Éirinn agus rinneamar an tsolúbthacht a mhéadú chun réitigh nua um shlándáil an tsoláthair a chur ar fáil.

I ngach áit sa chlár, tá réimse de tháirgí, seirbhísí agus tionscnaimh nuálacha tugtha isteach chun freastal níos fearr a dhéanamh ar ár gcustaiméirí. Seo cuid de na buaicphointí:

• Margaí solúbthachta áitiúla: Tá na chéad mhargaí solúbthachta áitiúla seolta againn agus fuascailtí nach sreanga iad ag baint leo. Cuidiú atá sna margaí seo leis an éileamh áitiúil ar leictreachas a bhainistiú agus le feabhas a bhaint amach ar an bhfreagra a thugaimid ar fhabhtanna sa líonra nó gearrthacha seirbhíse i dtrí limistéar ar fud na tíre.
• Rialacha nua don mhargadh solúbthachta: Tá na rialacha simplithe againn le gur fusa a bheidh sé páirt a ghlacadh sna táirgí nua solúbthachta seo.
• Táirgí don éileamh solúbtha: Tá táirgí don éileamh solúbtha tugtha isteach againn do chustaiméirí tráchtála agus custaiméirí tí chun tacaíocht slándála fuinnimh a thabhairt sa gheimhreadh sna blianta atá le teacht.
• Teicneolaíocht thuarthach: Déanann an teicneolaíocht nua seo atá againn rátaí éilimh agus giniúna a thuar le gur fusa a bheidh sé ag custaiméirí plé leis an margadh mórdhíola agus na seirbhísí a bhaineann leis an gcóras DS3.
• Monatóireacht níos fearr ar an líonra Tá monatóireacht, samhaltú agus mapáil líonra ísealvoltais feabhsaithe againn ionas go mbeidh coinníollacha líonra áitiúil níos infheicthe duit. Dá bharr, is fearr a bheidh árais chónaithe agus gnólachtaí beaga in ann páirt a ghlacadh sa tsolúbthacht ar scála mór amach anseo.
• Samhail oibriúcháin na heangaí amach anseo: Táimid ag obair ar shamhail oibriúcháin don eangach amach anseo, prótacail úra san áireamh a bhainfidh le monatóireacht, réamhaisnéis, oibríochtaí margaidh, pleanáil oibríochtúil agus gníomhachtú.

Foilsíodh ár bplean ilbhliantúil (atá leagtha amach anseo) in 2023. Baineadh an‑leas as aiseolas ó pháirtithe leasmhara agus ó chustaiméirí agus é á chur le chéile. Mar chuid den chlár ‘Líonra Náisiúnta, Naisc Áitiúla’, beifear fós ag cur táirgí agus seirbhísí solúbtha nua ar fáil i gcomhar le páirtithe leasmhara agus eagraíochtaí. Féachfaidh ár dtionscnaimh taighde custaiméara, oideachais agus earcaíochta le rannpháirtíocht agus feasacht custaiméirí ar na táirgí agus na seirbhísí seo a mhéadú. Tá tuilleadh eolais faoin tsolúbthacht le fáil anseo.

Tá na garspriocanna seo a leanas i measc na ngarspriocanna atáimid ag iarraidh a bhaint amach faoi láthair:

• Táirge nua a sheoladh chun solúbthacht a bheidh suíomhshonrach agus meántréimhseach (mar shampla suiteálacha stórála tráchtála) a spreagadh bunaithe ar chonarthaí ilbhliantúla.
• Táirgí nua a sheoladh a dhíríonn ar éileamh solúbtha ó úsáideoirí ollmhóra fuinnimh, ó chustaiméirí tionsclaíochta nó ó chustaiméirí tráchtála a bhfuil saoráidí teasa leictreacha acu faoi láthair nó beartaithe acu.
• Ceanglais chaighdeánacha teicneolaíochta um ullmhacht solúbthachta a thabhairt isteach le haghaidh suiteálacha iompair leictreacha nua, lena n‑áirítear luchtairí feithiclí leictreacha poiblí agus príobháideacha.
• Forbairt tosaigh a dhéanamh ar tháirgí trasearnála, ag tosú le hanailís chomhoibríoch chun an acmhainneacht le haghaidh cúpláil leictreachais‑gáis, leictreachais‑teasa, leictreachais‑iompair agus leictreachais‑uisce a shainaithint.
• Bealaí chuig an margadh a chruthú do phobail fuinnimh le bheith rannpháirteach i margaí áitiúla solúbthachta.
• Naisc solúbtha a thabhairt isteach do chustaiméirí stórála agus éilimh.

• Sheol ESB Networks an clár Líonra Náisiúnta, Naisc Áitiúla in 2020 chun forbairt a dhéanamh ar na córais agus na hacmhainní a theastódh san aistriú in Éirinn go saol saor ó charbón. An sprioc atá ann ná an úsáid a bhaintear as fuinneamh in‑athnuaite a mhéadú go 80% den úsáid iomlán in Éirinn. Thairis sin, féachfar leis an éileamh ar leictreachas sna buaicthréimhsí a laghdú agus leis an mbainistiú ar éileamh a fheabhsú i gcomhréir le Plean na hÉireann don Ghníomhú ar son na hAeráide. 

• Clár fíorthábhachtach atá anseo má táthar chun leas a bhaint as úsáid fuinnimh in‑athnuaite chun spriocanna aeráide na hÉireann a bhaint amach. Táthar ag dul i ngleic ar an gclár leis an bhfás ar an éileamh toisc go bhfuil réimsí teasa agus iompair á leictriú agus, san am céanna, táthar ag féachaint lena dheimhniú go mbeidh soláthar leictreachais slán sábháilte ann. 

• Tionscadal ilbhliantúil atá sa chlár ‘Líonra Náisiúnta, Naisc Áitiúla’ a athróidh ó bhonn an chaoi a ndéantar bainistiú ar leictreachas in Éirinn. Sna deich mbliana amach romhainn, glacfaidh custaiméirí—idir ghineadóirí fuinnimh in‑athnuaite agus úsáideoirí móra, árais chónaithe, fheirmeacha agus ghnólachtaí—le teicneolaíochtaí, táirgí agus seirbhísí nua, rud a athróidh an chaoi a ndéanann siad leictreachas a ghiniúint, a stóráil agus a úsáid. Agus béim ar leictreachas in‑athnuaite á ghiniúint go háitiúil, déanfaidh an clár a chinntiú go mbeifear in ann an chumhacht a thuar, a mhonatóiriú agus a bhainistiú ar an leibhéal áitiúil. 

• Tá fás ag teacht de réir a chéile ar an ról atá ag custaiméirí agus ag pobail lena n‑úsáid leictreachais a bhainistiú. Chuige sin, tá córas dáileacháin slán sábháilte á fhorbairt againn ina gcuirfear riachtanais nua áitiúla agus réigiúnacha san áireamh chun tionchar dearfach a imirt sa chomhrac i gcoinne an athraithe aeráide. 

Tá an Plean um Ghníomhú ar son na hAeráide dírithe ar an gcaoi a mbaineann daoine aonair agus pobail úsáid as fuinneamh, fuinneamh in‑athnuaite go háirithe, seachas ar ghiniúint ar an mórscála amháin. Táimid tar éis gníomhaíochtaí sonracha a ghlacadh ar fud earnálacha den tsochaí, lena n‑áirítear:

Teas:

• Úsáid caidéil teasa agus téamh in‑athnuaite eile a chur chun cinn.
• Fáil réidh de réir a chéile le córais teasa breosla iontaise, amhail ola agus gás.

Iompar:

• Tionscnaimh chun tacú leis an aistriú chuig feithiclí leictreacha.
• Infheistíocht i leictriú na n‑iarnród.

Giniúint cumhachta:

• Tacú leis an micrighiniúint in Éirinn.
• Ár spleáchas ar fhoinsí fuinnimh in‑athnuaite a mhéadú go 80%.
• Teicneolaíochtaí nua fuinnimh in‑athnuaite a éascú agus tacú leo ar an gcósta agus amach ón gcósta.
• Fáil réidh de réir a chéile leis an nginiúint leictreachais le gual agus móin.

Custaiméirí a chumhachtú:

• Pobail a spreagadh chun fuinneamh in‑athnuaite a úsáid go háitiúil, idir thithe, chlubanna spóirt, ionaid phobail agus eaglaisí
• Seirbhísí nua á dtabhairt isteach chun tacú le gníomhaíochtaí pobal fuinnimh in‑athnuaite agus pobal fuinnimh saoránach. Táimid ag cur “infheictheacht” ar fáil do chustaiméirí ar a bhfoinsí fuinnimh in‑athnuaite áitiúla, ar dhéine carbóin, agus ar an tionchar a bhíonn ag an gcaoi a ndéanann siad a n‑éileamh ar leictreachas a bhainistiú.

Tacóidh na hathruithe seo le leictriú méadaithe táirgí agus seirbhísí do thithe, feirmeacha agus gnólachtaí ar fud na hÉireann.

• Tá tionscnaimh um éileamh solúbtha tugtha isteach againn chun giniúint in‑athnuaite a mhéadú agus chun ár spleáchas ar bhreoslaí iontaise a laghdú. Tá ESB Networks ag obair chun córas dáileacháin atá cliste agus inbhuanaithe a chur ar fáil, a chumasóidh pleanáil, oibríochtaí agus solúbthacht níos cliste mar aon le hacmhainn líonra a sholáthar chun a chinntiú go mbeidh líonra slán, iontaofa agus athléimneach ann do chách. 

• Tacaíonn, tá an Clár ‘Líonra Náisiúnta, Naisc Áitiúla’ ag forbairt réitigh líonra atá níos cliste agus níos solúbtha. Tá ESB Networks ag leanúint ar aghaidh ag iniúchadh margaí solúbthachta dár gcustaiméirí atá in ann agus toilteanach smacht a fháil ar an méid leictreachais a ghineann siad nó a úsáideann siad. Chun tuilleadh eolais a fháil ar sholúbthacht agus ar an gcaoi a bhfuil ESB Networks ag tacú, cliceáil anseo.