I gcás éigeandála:
glaoigh ar 1800 372 999
Céard é micrighineadóir?
Foinse fuinnimh leictrigh is ea micrighineadóir a fheidhmíonn i gcomhthreo le córas ísealvóltais (LV) ESB Networks chomh hard leis na rátaí seo a leanas (agus iad sin san áireamh):
- 25 aimpéar (≈6 chileavata) ar voltas íseal [230 volta] nuair is nasc aon phas atá ann
- 16 aimpéar (≈11 chileavata) ar voltas íseal [230/400 volta] nuair is nasc trí phas atá ann
Cineálacha micrighineadóirí
Seo a leanas roinnt samplaí de chineálacha éagsúla micrighineadóirí:
- Cumhacht ghaoithe (Tuirbíní)
- Grianchumhacht (Grianphainéil)
- Scéimeanna beaga hidrileictreachais
- Micrea-chomhghiniúint teasa agus cumhachta (CHP)
- Comhchórais in-athnuaite micrighineadóra agus stórais
Treoir chéim ar chéim
Céim 1 – Cuir eolas ar an bpróiseas
Más mian leat micrighineadóir a nascadh leis an líonra leictreachais, ní mór na céimeanna atá sa doiciméid Na coinníollacha a rialaíonn nascadh agus oibriú micrighiniúna. Is fearr é sin a léamh roimh thosú.
Na coinníollacha a rialaíonn nascadh agus oibriú micrighiniúna | Féach ar an PDF | 518 KB
Céim 2 – Déan iarratas
Déan iarratas ar líne
Nó
Déan iarratas as líne
Tabhair do d’aire, ón 3 Márta 2025 ar aghaidh, nach bpróiseálfaimid iarratais mhicrighiniúna a chuirtear isteach chuig ESB Networks tríd an ríomhphost a thuilleadh. Ní bheidh aon athrú ar iarratais mhicrighiniúna a chuirtear chugainn tríd an ngnáthphost.
Íoslódáil an fhoirm fógra NC6 (PDF | 135 KB) nó cuir glao ar 1800 372 757 le cóip a iarraidh.
Seol an fhoirm chomhlánaithe tríd an r-phost chuig networkservicesbureau@esb.ie, nó seol tríd an bpost í chuig:
ESB Networks CGA
Fógraí Mhicrighiniúna NC6
Naisc nua
Bóthar an tSáirséalaigh
Wilton
Corcaigh
T12 E367
Céim 3 - Suiteáil an mhicrighineadóra
Níor cheart duit leanúint ar aghaidh má thug ESB Networks fógra duit (laistigh den scála ama sonraithe) nach ceadmhach duit leanúint ar aghaidh le suiteáil an mhicrighineadóra.
Tá sé de dhualgas ortsa a chinntiú gur conraitheoir leictreachais cláraithe a dhéanfaidh an micrighineadóir a shuiteáil de réir chaighdeái Safe Electric.
Ní mór don ghineadóir (inbhéartóir) a bheith i gcomhréir le IS EN50549-1 agus caithfidh na socruithe Éireannacha a bheith roghnaithe ann. Ní mór deimhniú tástála cineáil le haghaidh an mhicrighineadóra, ina luaitear go bhfuil sé i gcomhréir le IS EN50549-1, a bheith i dteannta d'fhoirme iarratais.
Ceadófar duit tús a chur leis an tsuiteáil a luaithe a bheidh na coinníollacha thuas ar fad comhlíonta.
Céim 4 – Méadar cliste a shuiteáil
I gcás go bhfuil custaiméir i dteideal méadar cliste sa chéim seo den chlár, déanfaidh ESB Networks a dhícheall méadar cliste a shuiteáil tráth nach déanaí ná ceithre mhí tar éis do ESB Networks foirm bhailí NC6 a phróiseáil. Déanfaidh ESB Networks teagmháil leat roimh shuiteáil do mhéadair chliste.
Chun tuilleadh eolais a fháil faoi rolladh amach méadar cliste, féach an nasc seo An t-uasghrádú chuig méadair chliste..
Céim 5 – Déan socruithe íocaíochta easpórtála
Níl baint ar bith ag ESB Networks CGA le ceannach ná díol leictreachais. Déantar é sin trí sholáthraí leictreachais.
Is é an Coimisiún um Rialáil Fóntas (CRU) a chinneann critéir incháilitheachta maidir le híoc as leictreachas arna easpórtáil chuig an eangach.
Le tuilleadh eolais a fháil maidir le cén chaoi a bhfaighidh custaiméirí íocaíocht as leictreachas easpórtáilte, agus cathain ba cheart dóibh a bheith ag súil leis sin, féach láithreán gréasáin an CRU ar an nasc seo Luach saothair d’fhéintomhaltóirí fuinnimh in-athnuaite as leictreachas easpórtáilte.
Nótaí faisnéise
Maidir le clárúchán siarghabhálach micrighiniúna
I gcás inar shuiteáil tú micrighiniúint roimhe seo ach nár chuir tú an fhoirm fógra maidir le micrighiniúint NC6 ar aghaidh ag an am, tabhair cuairt ar Clárúchán siarghabhálach micrighiniúna.
Maidir le leictreachas a dhíol leis an eangach
Ní féidir gineadóirí cúltaca a úsáid chun leictreachas a dhíol leis an eangach leictreachais. Más mian leat gineadóir a nascadh a bhfuil aschur níos mó aige ná mar a bhíonn i gceist i gcás micrighiniúna, téigh chuig Mionghiniúint.
Maidir le haonaid mhicrighiniúna a sháraíonn an teorainn sainmhínithe 25A
Cuireadh in iúl dúinn le déanaí go bhfuil roinnt aonad micrighiniúna á suiteáil a bhfuil sruthanna aschuir acu a théann níos airde ná an teorainn a cheadaítear do Shruth Rátaithe (de réir Tástála Cineáil) 25A, de réir dhoiciméad ESB Networks dar teideal Na coinníollacha a rialaíonn nascadh & Oibriú micrighiniúna.
Aithnímid go bhféadfadh sé gur ceannaíodh agus gur suiteáladh aonaid bunaithe ar thagairtí samhlacha an mhonaróra seachas faisnéis shonrach ar bhileog sonraí. Chun aghaidh a thabhairt ar an gceist seo ar bhealach réasúnta agus chun soiléireacht iomlán a chinntiú, cuirimid in iúl anois go leanfaimid ar aghaidh ag glacadh le hiarratais ar aonaid dá dtagraítear mar 6kW, ach a bhfuil Sruth Rátaithe (de réir Tástála Cineáil) chomh hard le haon phas 28A ar a mhéad, go dtí an 31 Bealtaine 2023, ach ón dáta sin ar aghaidh, aon aonad ag a bhfuil Sruth Rátaithe (de réir Tástála Cineáil) os cionn 25A, ní bheidh sé incháilithe lena nascadh faoin mbealach iarratais ar nascadh micrighiniúna NC6
Ceisteanna coitianta
Cá bhfuil an t-eolas maidir le trealamh cáilitheach agus lucht suiteála Micrighineadóirí?
Níl aon fheidhm ag ESB Networks maidir le trealamh nó lucht suiteála a cháiliú. Mar sin féin, mar chuid den iarracht chun faisnéis a chur ar fáil do chustaiméirí maidir le trealamh agus lucht suiteála cáilithe ar mian leo an taraif a fháil, beidh liostaí ag Údarás Fuinnimh Inmharthana na hÉireann de tháirgí agus lucht suiteála cláraithe a bhfuil na caighdeáin agus an creidiúnú ábhartha á gcomhlíonadh acu.
Tá an liostaí á gcur le chéile faoi láthair agus beidh siad ar fáil go gairid ar shuíomh gréasáin Údarás Fuinnimh Inmharthana Éireann anseo:
Ba cheart do sholáthraithe agus do lucht suiteála ar mian leo clárú teagmháil a dhéanamh go díreach leis an Údarás:
Nó seol r-phost chuig:
An mbeidh athrú ar mo bhille leictreachais tar éis an gineadóir a shuiteáil?
D'fhéadfadh laghdú a theacht ar do bhille toisc nach mbíonn an oiread céanna cumhachta á tarraingt agat ón líonra leictreachais agus a bhíodh.
Mar sin féin, ní bheidh aon athrú ar an mbuanmhuirear.
Cén costas atá ar mhicrighineadóir a nascadh leis an líonra leictreachais?
Níl aon mhuirear ann chun micrighineadóir a nascadh le líonra ESB ar an gcoinníoll gur micrighiniúint atá ann ar féidir a nascadh faoin bpróiseas ‘cuir in iúl agus suiteáil’, is é sin, aon phas suas le 6kVA nó trá phas suas le 11kVA.