I gcás éigeandála:
glaoigh ar 1800 372 999
Athshuigh mionbhosca
I gcásanna áirithe, d’fhéadfadh sé go mbeadh gá le mionbhosca a athshuí. D’fhéadfadh sé go mbeadh gá le mionbhosca a athshuí ar chúiseanna éagsúla:
- Má tá sé beartaithe agat maoin a thógáil nó síneadh a chur le maoin, d’fhéadfadh an mionbhosca a bheith sa bhealach, de réir do phleananna tógála.
- D’fhéadfadh mionbhosca a bheith suite in áit a gcruthódh riosca sábháilteachta, mar shampla ró-ghar do chabhsán nó in áit ina mbíonn tuilte.
- Tá sé ríthábhachtach a chinntiú gur féidir teacht ar an mionbhosca go héasca chun é a chothabháil agus chun deisiú éigeandála a dhéanamh air. Má fhágann tírdhreachú nó struchtúir eile go bhfuil sé deacair teacht air, seans gur ghá é a athshuí.
Treoir chéim ar chéim
1 - Faigh léarscáil suirbhéireachta ordanáis agus plean láithreáin
Faigh léarscáil Suirbhéireachta Ordanáis (scála 1:2500-1:10560) de do láithreán agus plean mionsonraithe láithreáin (scála 1:100-1:500) a léiríonn leagan amach aon fhoirgneamh nua nó aon fhoirgneamh atá ann cheana féin. Ansin úsáid peann dearg le suíomh cruinn na líne nó an mhionbhosca atá le haistriú a mharcáil.
I gcásanna ina n-éilítear ort cead pleanála a fháil don obair, ní mór duit sonraí faoin gcead sin a chur ar fáil.
2 - Déan iarratas
nó
Íoslódáil an fhoirm iarratais le suíomh cuaille nó líne a athrú (NW1) nó glao ar 1800 372 757 nó +353 21 2386555 ó thaobh amuigh d’Éirinn chun cóip a iarraidh.
Seol an fhoirm chomhlánaithe, i dteannta na léarscáile Suirbhéireachta Ordanáis agus an phlean láithreáin, chuig:
ESB Networks CGA
Naisc nua
Bóthar an tSáirséalaigh
Wilton
Corcaigh
T12 E367
Éire
Nó is féidir an fhoirm a sheoladh tríd an r-phost chuig networkservicesbureau@esb.ie
3 - Measúnú ar iarratas
Seolfar d'iarratas chuig oifigeach deartha i d'oifig áitiúil de chuid ESB Networks. Déanfaidh an t-oifigeach deartha an t-iarratas a mheas agus déanfaidh teagmháil leat ansin le plé a dhéanamh ar na chéad chéimeanna eile agus ar an táille, más bainteach.