Loga Nochta SF (Saoráil Faisnéise)

Tá cóip á lorg agam de na doiciméid, tuairiscí, taifid ó bhéal, taifid ríomhphoist, taifid phoist, meamraim, nó taifid i bhfoirm ar bith eile a bhaineann le gearáin nó sonraí faoi spící líonra soláthair/borradh cumhachta/cur isteach/ardvoltais/voltais ísle/ fabhtanna/éifeachtaí.

Is é an ceantar a bhfuil suim againn ann ná an baile fearainn Páirc an Phaoraigh, Feadamair, Co. Luimnigh, ar an 26, 27 agus 28 Feabhra 2022.

Tá mé i mo chónaí i sráidbhaile Eachroim, Co. Chill Mhantáin. Le 6 nó 7 mí anuas, ar an drochuair, bhí thart ar 7 bhfabht againn ó fhostáisiún Chill Modhíoga, rud a chuireann isteach ar bhreis is 2,000 custaiméir gach aon uair. Ba mhaith liom a fháil amach (An tAcht um Shaoráil Faisnéise 2014) cén fáth a bhfuil an fabht seo ag tarlú chomh minic sin agus cad atá beartaithe ag ESB chun an fhadhb seo a réiteach. Bheadh sé tairbheach dá mbeifeá an fhaisnéis a sholáthar agus an gearán agus an cheist a chlárú gan úsáid a bhaint as an Acht um Shaoráil Faisnéise. 

Dhá uair le coicís anuas, bhí orainn déileáil le bristeacha cumhachta inár gceantair. Cuireann sé isteach chomh mór sin ar ár ngnóthaí sráidbhaile go mbíonn orthu dúnadh. Bíonn orainn 35 ciliméadar a thiomáint san iomlán chun bia te a fháil. 

Mar phobal, táimid i dteideal a fháil amach cad is cúis leis na fabhtanna seo agus cén chaoi agus cathain a réiteofar é le huasghrádú srl ar stáisiún Chill Modhíoga.

1.  Gach taifead a bhaineann le bristeacha gléasra agus línte ag fostáisiún Glassmore, as ar tháinig dínascadh níos mó ná 1000 custaiméir, sa tréimhse ó 00:00 ar an 16 Meán Fómhair 2022 go dtí 23:59 ar an 16 Eanáir 2023, agus an fhaisnéis seo a leanas a thabhairt maidir le gach briseadh:

a.  am tosaithe agus am críochnaithe an bhriste;

b.  an leibhéal sa líonra ag ar tharla an briseadh, 110 kV , 38kv;

c.  an chúis shonrach a bhaineann leis an mbriseadh;

d.  cibé an raibh aon ghléasra nó línte iomarcacha ábhartha as seirbhís tráth an bhriste agus cibé acu ar chuir sé sin leis an mbriseadh nó nár chuir;

e.  cibé an ndearnadh aon mholtaí chun laghdú a dhéanamh ar an dóchúlacht go dtarlóidh bristeacha comhchosúla arís agus, má rinneadh, ar cuireadh na moltaí sin i bhfeidhm nó an bhfuil sé beartaithe iad a chur i bhfeidhm;

f.  cibé an féidir na scoradáin tuislithe a dhúnadh in aghaidh lánualaigh nó an gcaithfidh scoradáin ar leibhéal níos ísle a bheith a oscailt ar dtús; agus

g. cibé an féidir na scoradáin iomchuí a dhúnadh go cianda, nó an gá criú a chur amach, agus cad as a dtagann an criú de ghnáth.

2.  Na taifid go léir a bhaineann le cibé an bhfuil aon iomarcaíocht sa ghléasra agus sna línte a sholáthraíonn limistéar Lusca ó Glassmore agus a shainaithníonn pointí aonair teipe sa soláthar go Lusca.

1.  Líon iomlán na gcuntas a thit i riaráiste idir 20/02/22 agus 11/01/23.

2.  Cé mhéad airgid a chaith ESB ar sheirbhísí bailithe fiachais idir 20/02/22 agus 11/01/23 de réir na míosa.

3.  Cé mhéad airgid a d’aisghabh cuideachtaí bailithe fiachais don ESB idir 20/02/22 agus 11/01/23.

4.  Ainmneacha na gcuideachtaí atá á n-úsáid ag ESB le haghaidh seirbhísí bailithe fiachais.

Ba mhaith liom iarratas a dhéanamh ar gach comhfhreagras idir bainistíocht shinsearach ESB Networks DAC agus na heintitis chorparáideacha a rialaíonn réamhchúirteanna garáiste in Éirinn. Is mian liom iarratas a dhéanamh ar chomhfhreagras a bhaineann go sonrach leis an bpraghas atá i gceist le naisc a sholáthar don chóras dáileacháin do phointí luchtaithe leictreacha. (I mbeagán focal, tuigim go raibh plé ann maidir leis an bpraghas atá á ghearradh ag ESB ar réamhchúirteanna garáistí go náisiúnta chun pointí luchtaithe a shuiteáil do charranna leictreacha agus tá mé ag iarraidh an doiciméadú sin a iarraidh.)

 Is mian liom go gclúdódh an t-iarratas seo an tréimhse ón 1 Eanáir 2022 go dtí an lá atá inniu ann.

Gach comhfhreagras idir ESB agus stáisiúin seirbhíse (.i. miondíoltóirí peitril agus díosail) i bPoblacht na hÉireann maidir le pointí luchtaithe a shuiteáil do charranna leictreacha ar réamhchúirteanna. Is mian liom go gclúdódh an t-iarratas seo an tréimhse ón 1 Eanáir 2021 go dtí an lá atá inniu ann. Ba mhaith liom go n-áireofaí san iarratas seo gach litir agus ríomhphost.

Cóip den DPIA a bhaineann le bailiú sonraí faoi theaghlaigh trí mhéadair chliste ag ESB Networks.

Ba mhaith liom a iarraidh, faoin Acht um Shaoráil Faisnéise, gach taifead agus comhfhreagras atá i seilbh ESB/idir an ESB agus cuideachtaí teicneolaíochta faoi ullmhúcháin, pleanáil theagmhasach agus aon phleananna, straitéisí, ábhair imní nó pléití maidir le lándorchú féideartha an geimhreadh seo.

Na sonraí agus an comhfhreagras uile a bhaineann leis an láithreán ag an bhfostáisiún de chuid ESB ag Garrán an Bháin Ghlais, léarscáileanna, nótaí cuairte láithreáin, r‑phoist maidir le díol an láithreáin, comhairle nó tuairimí a lorg an forbróir nó idir rannáin in ESB nó in ESB Networks maidir leis an iarratas bunaidh pleanála nó iarratais dá éis, agus an fhorbairt ar bun ag an láithreán san áireamh, doiciméid maidir le haon mheasúnuithe a rinne ESB ar na pleananna le haghaidh na ceardlainne caithimh aimsire nó ar aon athruithe eile a rinneadh faoin gcead pleanála bunaidh a deonaíodh, iarratais ón bhforbróir le haghaidh cruinnithe ag an láithreán, nótaí achoimre dá éis sin faoi aon chruinnithe a d’fhéadfadh a bheith reáchtáilte tar éis na gcruinnithe ar an láithreán, comhfhreagras, más ann dó, leis an bhforbróir nó le haon tríú páirtithe i ndáil le péinteáil an fhostáisiúin nó oiriúnacht an láithreáin ó thaobh forbartha de, agus aon chomhfhreagras ginearálta ina ndéantar tagairt don suíomh seo, e.g. an rannóg dlí, innealtóirí, slándáil, srl. idir an 22 Feabhra 2022 agus an 10 Deireadh Fómhair.

An ráiteas oifigiúil agus na cúiseanna oifigiúla go raibh briseadh cumhachta i mBóthar Shíol Bhroin, Luimneach ar an 2 Deireadh Fómhair 2022.