Méadair Chliste 

Mar chuid den Phlean Gnímh don Aeráid, tá ESB Networks chun 2.4 milliún méadar den chéad ghlúin eile a shuiteáil i dtithe, feirmeacha agus gnóthais ar fud na hÉireann. Tá an teicneolaíocht nua seo in úsáid cheana féin i mbreis agus 700 milliún áitreabh ar fud na cruinne agus beidh buntáistí i gceist léi don chustaiméir, don chomhshaol agus don gheilleagar.

Buntáistí don chustaiméir: Ó 2021 ar aghaidh, tabharfaidh do mhéadar cliste faisnéis níos cruinne duit maidir leis an bhfuinneamh a úsáideann tú, rud a chuirfidh ar do chumas d'ídiú fuinnimh a bhainistiú ar bhealach níos fearr. Cuirfidh na méadair chliste le hiomaíocht sa mhargadh freisin agus méadóidh raon na dtáirgí agus na seirbhísí a bheidh á gcur fáil. Ón mbliain 2021 ar aghaidh, beidh na méadair chliste in ann léamha méadair a sheoladh go huathoibríoch chuig ESB Networks, rud a fhágann go mbeidh ré an bhille mheasta nach mór thart.

Buntáistí don chomhshaol agus don gheilleagar: Cumasóidh na méadair chliste an t-aistriú chuig líonra leictreachais ísealcharbóin, forbairt eangacha cliste, agus tacóidh le leictriú córas téimh agus iompair, giniúint in-athnuaite áitiúil, agus micrighiniúint.

Ina theannta sin, is féidir le méadair chliste cabhrú linn an méid leictreachais a úsáidimid a laghdú agus leictreachas dár gcuid féin a ghiniúint, go háirithe ag buaicuaireanta, rud a chabhróidh linn a bheith níos tíosaí ar fhuinneamh agus ár n-astaíochtaí carbóin a laghdú.

Thosaíomar ag soláthar méadair chliste i bhfómhar 2019 agus tá os cionn 800,000 méadar cliste suiteáilte againn ar fud na tíre ó shin. Tá na méadair chliste á suiteáil réigiún ar réigiún agus táimid ag obair faoi láthair sna contaetha seo : Baile Átha Cliath, Corcaigh, an Clár, Laois, Lú, Cill Dara, an Mhí, Cill Mhantáin, Luimneach, Sligeach, Liatroim, Ceatharlach, Gaillimh, Uíbh Fhailí, Dún na nGall, Ros Comáin, Ciarraí, Port Láirge, Cill Mhantáin, Muineachán agus Cill Chainnigh. 

Tá sé beartaithe againn tosú ag obair i gceantair nua i mBaile Átha Cliath agus sna contaetha seo a leanas sna míonna amach romhainn: an Cabhán, an Iarmhí, Maigh Eo agus Tiobraid Árann. Tabharfaimid neart fógra duit nuair a bheimid ag teacht chun do cheantair. Suiteálfar méadar cliste i dtithe agus gnóthais freisin i gcás go mbeidh nasc nua 24 uair an chloig le cur ar bun, deisiúcháin lochta le déanamh nó méadar le hathsholáthar sa ghnáthchúrsa.

Is féidir le custaiméirí iarraidh ar ESB Networks nó ar a soláthraí leictreachais méadar cliste a shuiteáil mar thosaíocht. Beidh d'uimhir MPRN 11 digit de dhíth ort nuair a dhéanfaidh tú teagmháil linn. Is féidir í sin a fháil ar do bhille leictreachais agus tosaíonn sí ar '10' i ngach cás.

Tá bearta breise crutha i bhfeidhm againn mar fhreagairt ar Covid-19 le sábháilteacht ár gcuid custaiméirí, ball foirne agus conraitheoirí a chinntiú i rith an phróisis athsholáthair méadar.  Tá tuilleadh eolais faoi na bearta seo le fáil anseo (PDF | 187 KB).

Seo thíos na céimeanna a bheidh i gceist le hathsholáthar do mhéadair:

• Gheobhaidh tú litir cúpla seachtain roimh athsholáthar do mhéadair.
• Má tá do mhéadar leictreachais lasmuigh de do theach in áit ar féidir teacht air go héasca, ní bheidh ort a bheith sa bhaile agus an t-athsholáthar á dhéanamh againn.
• Má tá do mhéadar suite taobh istigh, déanfaimid coinne leat.
• Tiocfaidh teicneoir ESB Networks nó conraitheoir leictreachais ag obair thar ár gceann chuig d'áitreabh chun an méadar atá ann cheana a bhaint agus an méadar cliste nua a chur ina ionad.  Bíonn cárta aitheantais fhótagrafaigh ag gach duine dár gcuid oibrithe.
• Beidh orainn do sholáthar leictreachais a mhúchadh go ceann thart ar 45 nóiméad leis an obair a dhéanamh go slán sábháilte.
• Déanfaimid measúnú sábháilteachta freisin ar shuiteáil ghinearálta an mhéadair, agus de réir mar is gá, déanfaimid oibreacha breise leasúcháin gan chostas breise duitse.

Cuir eolas ar do mhéadar cliste nua (PDF | 230 KB)

Teicneoir de chuid ESB Networks nó conraitheoir leictreachais ag obair thar ár gceann a dhéanfaidh an obair.  Bíonn cárta aitheantais fhótagrafaigh ag gach duine dár gcuid oibrithe.

Bíonn cárta aitheantais fhótagrafaigh ag teicneoirí de chuid ESB Networks agus ag na conraitheoirí atá ag obair thar ár gceann.  Ar an gcárta aitheantais feicfidh tú grianghraf den duine agus lógó na cuideachta, agus luafar air go soiléir go bhfuil an té ag obair do ESB Networks nó thar ár gceann.  Má bhíonn aon imní ort, is féidir leat glao a chur ar ESB Network ar 1800 928 123 nó 01 698 5005.

Ní ghearrfar aon táille bhreise ort as uasghrádú do mhéadair.  Amhail cláir eile uasghrádaithe méadar, tá an costas san áireamh sna táillí a íocann tú cheana féin as an líonra leictreachais a úsáid.

Beidh an méadar cliste nua san áit chéanna le do mhéadar reatha.

Ní dhéanfaidh, beidh ESB Networks ag suiteáil méadar nua do gach custaiméir, is cuma cén soláthraí leictreachais atá aige nó aici.

Déanfaidh ESB Networks teagmháil leis na custaiméirí go léir is eol a bhfuil cúnamh speisialta ag teastáil uathu le coinne a dhéanamh leo leis an méadar nua a shuiteáil. 

Le clárú mar chustaiméir a bhfuil cúnamh speisialta de dhíth air, faigh do MPRN (is uimhir a bhíonn ar do bhille leictreachais agus a thosaíonn ar '10' i ngach cás) agus déan teagmháil le do sholáthraí leictreachais.  Cinnteofar leis sin gur féidir le ESB Networks aire a thabhairt duitse agus do bhaill do theaghlaigh i gcás go mbeadh gearradh cumhachta i do cheantar agus nuair a bheidh do mhéadar le hathsholáthar.

Tar éis a shuiteála, beidh do mhéadar cliste nua ag feidhmiú láithreach bonn agus ní bheidh ort aon rud eile a dhéanamh. Faoi cheann 30 lá, beidh nasc déanta ag do mhéadar leis an líonra cumarsáide slán atá ag ESB Networks.

A luaithe a bheidh an próiseas sin curtha i gcrích, léifear do mhéadar go cianda agus, uaidh sin amach, beidh fáil agat ar na seirbhísí cliste atá á gcur ar fáil ag soláthraithe leictreachais.

Tar éis do do mhéadar cliste nua nascadh lenár líonra cumarsáide cliste, tosóidh sé ag seoladh léamha chugainn go huathoibríoch.  Roinnfear na léamha méadair le do sholáthraí ansin le ligean dó bille cruinn a ullmhú duit, go díreach mar a dhéantar faoi láthair.

Seans nach bhféadfaí méadair a léamh ó chian in amanna agus, dá réir sin, bheadh bille measta ann dá thoradh sin.

Is éasca an rud é léamh méadair a dhéanamh.  Le do mhéadar a léamh, breac síos na huimhreacha a thaispeántar ar an bpríomhscáileán digiteach.  Ní gá duit brú ar chnaipe ar bith ar an méadar féin.

• Aimsigh na digití roimh "kWh" ar an scáileán agus léigh ó chlé go deis iad. Ná déan dearmad gach digit a chur san áireamh i do léamh.
  

Más mian leat do léamha méadair a fheiceáil don oíche, don lá nó don am buaicéilimh, caithfidh tú an cnaipe gorm ar do mhéadar a bhrú:

• An scáileán taispeána:  Do léamh carnach
• An chéad bhú:  An dáta agus an t-am
• An dara brú:  Do léamh carnach
• An tríú brú:  Léamh méadair 'oíche'.  Beidh "A+T1" le feiceáil sa chúinne ar dheis ag an mbarr
• An ceathrú brú:  Léamh méadair 'lae'.  Beidh "A+T2" le feiceáil sa chúinne ar dheis ag an mbarr
• An cúigiú brú:  Léamh méadair 'ama buaicéilimh'.  Beidh "A+T3" le feiceáil sa chúinne ar dheis ag an mbarr.
  

Cén chaoi do mhéadar a léamh:

Is féidir leat tú teagmháil a dhéanamh le do sholáthraí leictreachais reatha nó le haon chuideachta eile soláthair leictreachais le heolas a fháil ar na seirbhísí cliste atá ar fáil duit.

D'fhéadfá bille measta a fháil ó do sholáthraí ar roinnt cúiseanna éagsúla.

• Tar éis shuiteáil do mhéadair, tógfaidh sé suas le 30 lá air nasc a dhéanamh leis an líonra cumarsáide slán atá againn.  A luaithe a bheidh an próiseas sin curtha i gcrích, tosóidh do mhéadar ag seoladh léamha chugainn go huathoibríoch.  Murar suiteáladh do mhéadar cliste ach le deireanas, b'fhéidir gur cruthaíodh an bille sular thosaíomar ag glacadh léamha uathoibríocha.
• Seans go bhfuil an nasc le do mhéadar á chailleadh againn anois is arís de bharr go bhfuil an soláthraí líonra teileachumarsáide ag déanamh obair chothabhála ar an líonra i do cheantarsa, de bharr go bhfuil bacainn fhisiceach sa bhealach ar an gcomhartha, nó de dheasca drochaimsire.
• B'fhéidir go bhfuil do mhéadar suite in áit lagnascachta nach féidir leis nascadh lenár líonra cumarsáide slán.  Is féidir linn roinnt seiceálacha a dhéanamh lena dhéanamh amach an é sin an fhadhb.
  

Déanfaimid iarracht léamh uathoibríoch a fháil ó do mhéadar an chéad uair eile. Má fhaigheann tú billí measta arís fós féin, déan teagmháil linn ar: 

1800 928 123 nó 01 6985005 le gur féidir linn an scéal seo a fhiosrú duit.

Tar éis shuiteáil do mhéadair, tógfaidh sé 30 lá air nasc a dhéanamh leis an líonra cumarsáide slán atá ag ESB Networks.  A luaithe a bheidh an próiseas sin curtha i gcrích, beidh fáil agat ar na seirbhísí cliste atá á gcur ar fáil ag soláthraithe leictreachais.

B'fhéidir nach nascfaí do mhéadar lenár líonra cumarsáide slán i líon beag cásanna de bharr go bhfuil do mhéadar suite i gceantar lagnascachta nó go bhfuil bacainn fhisiciúil sa bhealach air.

Mura féidir linn nascadh go cianda le do mhéadar cliste, is féidir leat na táillí caighdeánacha ama úsáide a fháil trí do chuideachta soláthair leictreachais mar sin féin. Chuige sin, beidh ar léitheoir méadar cuairt a thabhairt ar d'áitreabh le do mhéadar a léamh.  Cuirfidh táillí ama úsáide ar do chumas d'ídiú leictreachais a aistriú chuig na hamanna den lá a mbíonn praghas an leictreachais níos ísle. 

Má insíonn do sholáthraí leictreachais duit nach bhfuil do mhéadar ag nascadh lenár líonra cumarsáide slán, déan teagmháil linn ar: 

1800 928 123 nó 01 698 5005

Is tábhachtaí le ESB Networks do shláinte agus sábháilteacht.  Beidh na méadair chliste sábháilte agus comhlíonfaidh gach ceanglas agus caighdeán idirnáisiúnta is gá.  Tá measúnú déanta ag údaráis sláinte ar fud an domhain, an Eagraíocht Dhomhanda Sláinte (WHO) ina measc, ar an bhfianaise eolaíochta atá ann agus níl éifeachtaí cruthaithe sláinte ag baint le méadair chliste, a úsáideann teicneolaíocht atá cosúil lena bhfuil i d'fhón póca.

Breathnaigh ar a thuilleadh faisnéise maidir le méadair chliste agus sláinte