Déantar measúnú nasctha ar thionscadail faoi stiúir an phobail sula n-eisítear an comhaontú nasctha, áit a mbíonn an modh nasctha agus na costais bhainteacha nasctha leagtha amach. Beidh an measúnú nasctha sin bailí go ceann dhá bhliain ón dáta eisiúna agus tabharfaidh sé an deis duit d'iarratas ar chead pleanála a chur chun cinn. Mura bhfaigheann tionscadal cead pleanála laistigh de dhá bhliain, rachaidh an measúnú nasctha in éag, agus b'fhéidir go gcaithfí staidéar nua a dhéanamh ar an tionscadal, rud bhféadfadh modh nasctha difriúil agus athrú ar na costais bhainteacha a bheith mar thoradh air.

Is é an Coimisiún um Rialáil Fóntas a shocraíonn na critéir incháilitheachta a bhaineann le híocaíochtaí a fháil as leictreachas a easpórtáil chuig an eangach. Le tuilleadh faisnéise a fháil ar na critéir incháilitheachta, féach láithreán gréasáin an Choimisiúin ag Luach saothair d’fhéintomhaltóirí fuinnimh inathnuaite as leictreachas easpórtáilte.