I gcás éigeandála:
glaoigh ar 1800 372 999
Roimh duit tosú
Baineann Uasacmhainn Iompórtála (MIC) le gach pointe nasctha ar an líonra leictreachais. Déanaimid ár líonra a dhearadh le soláthar leictreachais a chur ar fáil duit de réir an MIC atá sonraithe.
- Má chuir tú síneadh mór le do theach le déanaí nó má chuir tú trealamh leictreachais nua isteach ag d'áitreabh a bhfuil tuilleadh cumhachta de dhíth air, b'fhéidir nach leor do MIC reatha do do chuid riachtanas a thuilleadh. D'fhéadfadh sé go mbeadh MIC méadaithe ag teastáil ina leithéid de chásanna.
- Má tá tú tar éis roinnt trealamh leictreachais a bhaint de d'áitreabh gnó, ba chóir go ndéanfaí athbhreithniú ar do leibhéal reatha MIC de bharr go mb'fhéidir go mbeadh ort iarratas a dhéanamh le do MIC a laghdú. D'fhéadfadh táillí a bheith i gceist.
Tabhair do d'aire
Mura bhfuil méadú suntasach tagtha ar an méid leictreachais a úsáideann tú ach tá fadbhanna iomlaoide voltais ag cur as duit mar sin féin, seans go bhfuil fadhb voltais i d’áitreabh nó ar ár líonra. Tuilleadh eolais
Cén chaoi ar féidir liom mo MIC a athrú?
Lena fháil amach cén chaoi do MIC a mhéadú nó a laghdú, déan rogha thíos d'áitreabh baile nó d'áitreabh gnó agus lean na céimeanna.
Find out more
Céard is Uasacmhainn Iompórtála (MIC) ann?
Is éard is Uasacmhainn Iompórtála (MIC) ann ná an leibhéal uaséilimh leictreachais ar féidir le do nasc lenár líonra déileáil leis. Sonraítear an MIC i gcilea-voltaimpéar ach, i bhformhór na gcásanna, tá an luach seo cosúil le líon na gcileavataí ar féidir leis an nasc déileáil leis.
Cuirimid naisc ar fáil a fhreastalaíonn do roinnt mhaith leibhéil dhifriúla úsáide leictreachais. Nuair atá tú ag cur isteach ar nasc nua, caithfidh tú a shonrú cén leibhéal uaséilimh leictreachais a bheidh de dhíth ort. Luaitear an leibhéal sin, a dtugtar an MIC air, sa chomhaontú nasctha. Ansin déanaimid an líonra a dhearadh le modh nasctha a chur ar fáil de réir an MIC a comhaontaíodh.
Is féidir leat teacht ar do MIC agus do MEC (uasacmhainn iompórtála/uasacmhainn easpórtala) ar an leathanach ‘MPRN agus Socruithe Fógraí’ ar do Chuntas ar Líne ESB Networks.
Cén chaoi ar féidir liom a fháil amach céard é an MIC ceart do mo chuid riachtanas?
Ba cheart duit do chuid riachtanas leictreachais a phlé le Conraitheoir Leictreachais. Beidh do chonraitheoir nó do shainchomhairleoir in ann a dheimhniú céard é an MIC ceart do do chuid riachtanas. As ár dtaithí féin, bíonn sé i bhfad níos lú ná suim rátálacha cileavata an trealaimh atá beartaithe agat a shuiteáil i nach mór gach uile chás.
Is féidir leat teacht ar do MIC agus do MEC (uasacmhainn iompórtála/uasacmhainn easpórtala) ar an leathanach ‘MPRN agus Socruithe Fógraí’ ar do Chuntas ar Líne ESB Networks.
Cén fáth a bhfuil tábhacht leis an MIC?
- Socraíonn sé uasteorainn maidir leis an lód iomlán leictreachais is ceadmhach duit a úsáid.
- Beidh tionchar aige ar an méid a ghearrfar ort as an nasc.
- Má bhíonn an MIC ró-ard, beidh tú ag íoc as acmhainn nach bhfuil ag teastáil uait i ndáiríre.
- Má bhíonn an MIC ró-íseal, d'fhéadfadh sé nach n-oibreodh do chuid trealaimh i gceart agus go ngearrfaí táille ró-acmhainneachta ort.
Is féidir leat teacht ar do MIC agus do MEC (uasacmhainn iompórtála/uasacmhainn easpórtala) ar an leathanach ‘MPRN agus Socruithe Fógraí’ ar do Chuntas ar Líne ESB Networks.