Skip to Content
I gcás éigeandála: glaoigh ar 1800 372 999
English
Tacaíocht

Clárúchán

Cé chomh fada is a bheidh an cód fíoraithe bailí?

Beidh an cód fíoraithe bailí ar feadh 5 nóiméad.

An féidir liom an seoladh ríomhphoist a úsáidim a athrú tar éis dom clárú?

Is féidir. Más gá duit an seoladh ríomhphoist teagmhála a athrú, logáil isteach agus roghnaigh Mo Phróifíl, Mo Chuid Sonraí agus roghnaigh Cuir Sonraí Teagmhála in Eagar. Cuir isteach an seoladh ríomhphoist is mian leat a úsáid agus muid i dteagmháil leat.

Tá iarratas á dhéanamh agam le haghaidh áitreabh tráchtála agus áitreabh baile. An féidir liom é sin a dhéanamh in aon iarratas amháin?

Caithfidh. Agus tú cláraithe ar líne, féadfaidh tú iarratas a dhéanamh ar níos mó ná nasc amháin.

Tá mo phasfhocal dearmadta agam. Cén dóigh le pasfhocal nua a fháil?

Lean na céimeanna seo:

  • Ar an scáileán ‘Logáil isteach’, roghnaigh ‘Pasfhocal dearmadta’
  • Cuir isteach an seoladh ríomhphoist a d’úsáid tú agus tú ag clárú
  • Cliceáil ar ‘Seol cód fíoraithe’
  • Féach do theachtaireachtaí ríomhphoist leis an gcód fíoraithe a fháil. Fágfaidh an cód seo go mbeidh do chuid sonraí slán sábháilte
  • Cuir an cód seo isteach sa réimse a bhfuil an lipéad ‘Cód fíoraithe’ leis agus roghnaigh ‘Fíoraigh an cód’
  • Cruthaigh pasfhocal nua
Tá mé ag cur isteach ar níos mó ná nasc amháin. An gá dom clárú dóibh ceann ar cheann?

Ní gá. Agus tú cláraithe ar líne, féadfaidh tú iarratas a dhéanamh ar níos mó ná nasc amháin.

Agus mé cláraithe, cad iad na rudaí a bheidh mé in ann a chur i gcrích ar líne?

Agus tú cláraithe ar líne, beidh tú in ann na nithe seo a dhéanamh: 

  • Déan iarratas ar líne chun nasc nua a fháil d’áitreabh tí, gnó nó ilaonad
  • Déan iarratas ar líne chun an acmhainn atá ag nasc atá cheana ann a athrú
  • Déan iarratas ar líne chun áitreabh a nascadh arís má tá sé dínasctha le breis agus 2 bhliain
  • Rianaigh dul chun cinn aon iarratais ó chuirtear isteach é go dtí go mbeidh an chumhacht ar obair, i cás nasc níos ísle ná 100kVA
  • Faigh faisnéis maidir leis na riachtanais atá fós le sásamh (mar shampla, muid a chur ar an eolas go bhfuil an ducht seirbhíse faoi thalamh réidh agat) le gur féidir linn an nasc a shocrú.
Tá iarracht déanta agam an clárúchán a chur i gcrích ach tá teachtaireacht earráide ann.

Seiceáil an cód fíoraithe. Ní mhairfidh sé ach ar feadh cúig nóiméad. Mar sin, tá seans ann go bhfuil sé sin imithe. Más amhlaidh sin, cliceáil ar an gcnaipe chun an cód fíoraithe a sheoladh arís. Diomaite de sin, is féidir teagmháil a dhéanamh linn ar Customer.New.Connections@esb.ie.

An bhfuil uasteorainn ama ann chun an clárú ar líne a chur i gcrích?

Beidh an cód fíoraithe a sheolfaimid chuig do sheoladh ríomhphoist bailí ar feadh 5 nóiméad.

Cá fhad a thógann sé le clárú?

Tógfaidh sé cúpla nóiméad ort clárú. Beidh an clárú i gcrích nuair a dhéanfaidh tú do sheoladh ríomhphoist a chur isteach, an cód a chuirfimid chugat ar r-phost a fhíorú agus do phasfhocal a dheimhniú.

Cén t-eolas a bheidh de dhíth orm chun an clárú ar líne a chur i gcrích?

Beidh seoladh ríomhphoist de dhíth ort. Úsáidfidh tú é sin am ar bith is mian leat dul chun cinn an iarratais a sheiceáil. Nuair a bheidh do sheoladh ríomhphoist curtha isteach agat agus ‘Seol Cód Fíoraithe’ cliceáilte agat, beidh ort an cód sin a fháil ó do chuntas ríomhphoist agus a chur isteach ar leathanach an chlárúcháin. Nuair a bheidh an seoladh ríomhphoist agus an cód fíoraithe againn, beidh ort pasfhocal slán a chur isteach. Beidh tú cláraithe nuair a chliceálfaidh tú ar ‘Cláraigh’.

Cén chaoi ar féidir liom iarratas a dhéanamh ar líne le haghaidh Naisc ar Líne?

Sa chéad dul síos, caithfidh tú clárú le haghaidh Naisc ar Líne. Beidh fáil agat ar an bhfoirm iarratais ar líne ansin. Is féidir clárú le haghaidh Naisc ar Líne anseo.

Beidh seoladh ríomhphoist de dhíth ort. Úsáidfidh tú é sin am ar bith is mian leat dul chun cinn an iarratais a sheiceáil. Nuair a bheidh do sheoladh ríomhphoist curtha isteach agat agus ‘Seol Cód Fíoraithe’ cliceáilte agat, beidh ort an cód sin a fháil ó do chuntas ríomhphoist agus a chur isteach ar leathanach an chlárúcháin. Nuair a bheidh an seoladh ríomhphoist agus an cód fíoraithe againn, beidh ort pasfhocal slán a chur isteach. Beidh tú cláraithe nuair a chliceálfaidh tú ar ‘Cláraigh’.

Cé hiad na daoine is féidir iarratas a dhéanamh ar líne le haghaidh naisc ar líne?

Is féidir le custaiméirí tí agus custaiméirí tráchtála a bhfuil naisc de dhíth orthu le haghaidh forbraíochtaí aonair nó ilaonad, mar aon leis na custaiméirí siúd atá ag iarraidh go ndéanfar an toilleadh a athrú.

Is féidir le custaiméirí tí agus custaiméirí tráchtála iarratas a dhéanamh ar líne chun athnascadh a fháil más rud é go bhfuil an t-áitreabh dínasctha le dhá (2) bhliain nó níos faide.

Eolas eile uait? Táimid anseo le cabhrú leat.

Glaoigh orainn