Suíomh cuaille nó líne atá ann cheana a athrú

Faigh léarscáil Suirbhéireachta Ordanáis (scála 1:2500-1:10560) de do shuíomh agus plean mionsonraithe láithreáin (scála 1:100-1:500) a léiríonn leagan amach aon fhoirgneamh nua nó aon fhoirgneamh atá ann cheana féin. Ansin úsáid peann dearg le suíomh cruinn na líne nó an chuaille atá le haistriú a mharcáil.

​I gcásanna ina n-éilítear ort cead pleanála a fháil don obair, ní mór duit sonraí faoin gcead sin a chur ar fáil.

Íoslódáil an Fhoirm Iarratais le Suíomh Cuaille nó Líne a Athrú (nw1) nó cuir glao ar 1800 372 757 (nó +353 21 2386555 lasmuighd'Éirinn) le cóip a iarraidh.

Seol an fhoirm chomhlánaithe, i dteannta na léarscáile suirbhéireachta ordanáis agus an phlean láithreáin, chuig:

ESB Networks CGA
Naisc Nua
Bóthar an tSáirséalaigh
Wilton
Corcaigh
T12 E367
Éire

Seolfar d'iarratas chuig Oifigeach Deartha i d'oifig áitiúil de chuid ESB Networks. Déanfaidh an tOifigeach Deartha an t-iarratas a mheas agus déanfaidh teagmháil leat ansin le plé a dhéanamh ar na chéad chéimeanna eile agus ar an táille, más bainteach.