Oideachas Sábháilteachta don Bhunscoil
Fan Slán, Fan Amach
Is éard atá in Fan Slán, Fan Amach ná clár a chuireann leanaí bunscoile ar an eolas faoi cén chaoi ar féidir leo fanacht slán sábháilte agus iad ag súgradh amuigh faoin spéir gar do chuaillí leictreachais agus línte lastuas.
Clár spraíúil, spreagúil, oideachasúil is ea é, a chuimsíonn pleananna ceachta agus gníomhaíochtaí trínár féidir le daltaí ó na Naíonáin Shóisearacha go dtí an 6ú Rang fáil amach faoi na buntáistí a bhaineann leis an leictreachas agus faoi cén chaoi ar féidir leo fanacht slán sábháilte agus iad gar dó.
Pleananna Ceachta Bunscoile
Tá sraith pleananna ceachta curtha i dtoll a chéile againn do na ranganna sóisearacha agus sinsearacha araon atá ceaptha tacú le snáithaonaid an Churaclaim agus le cuspóirí foghlama Churaclam na hEolaíochta.
Am Comórtais!
I gComórtas Póstaer Fan Slán, Fan Amach, iarrtar ar na daltaí póstaer a chruthú a léiríonn gach a bhfuil foghlamtha acu faoi na bealaí ar féidir leo fanacht slán sábháilte gar don leictreachas, chomh maith leis an eolas atá anois acu ar 6 leid sábháilteachta ESB Networks.
Ná heitilt eitleog ná drón gar do shreanga lastuas
Fan amach ó áiteanna a bhfeiceann tú comhartha contúirte
Ná téigh gar do shreang leagtha in aon chás. Cuir fios ar dhuine fásta.
Ná téigh suas ar phiolón in aon chás
Ná téigh ag iascaireacht gar do shreanga lastuas in aon chás
Ná téigh suas ar chrainn gar do shreanga lastuas in aon chás
Imir an cluiche!
Tástáil do chuid eolais sábháilteachta sa chluiche meaitseála dathanna seo
