Faigh léarscáil ón tSuirbhéireacht Ordanáis (scála 1:2500-1:10560) ar a léirítear láthair an lóid nua neamh-mhéadraithe. Marcáil an suíomh cruinn le peann dearg.

Beidh plean láithreáin mionsonraithe (scála 1:100-1:500) ar a léirítear suíomh an lóid neamh-mhéadraithe nua ag teastáil uait freisin.

Déan iarratas ar líne 

Nó

Apply offline

Comhlánaigh Foirm Iarratais NC4 ó ESB Networks.  Is féidir leat an fhoirm iarratais ar nasc neamh-mhéadraithe nua nó athraithe (soilsiú poiblí san áireamh) (NC4) PDF | 581 KB a íoslódáil nó glao a chur ar 1800 372 757 nó +353 21 2386555 le cóip a iarraidh.

Breathnaigh ar an PDF

(PDF | 581 KB)

Seol an fhoirm chomhlánaithe (mar aon leis na doiciméid riachtanacha ar fad agus d'uimhir GMPRN reatha, más infheidhme) chuig UMR.dbase@esb.ie

Nó seol chuig an seoladh seo a leanas í:

Cláraitheoir na Nasc Neamh-Mhéadraithe (UMR)
ESB Networks CGA
Bóthar Mhainistir Laoise,
Port Laoise
Co. Laoise

Tabhair do d'aire: Is éard a dtagraíonn Uimhir Thagartha Ghrúp-Mhéadarphointe nó GMPRN dó ná grúpa nasc neamh-mhéadraithe atá ar aon chuntas amháin.

Ina dhiaidh sin, seolfaimid admháil chugat ina mbeidh uimhir thagartha agus na sonraí teagmhála le haghaidh na hoifige deartha de chuid ESB Networks a bheidh ag ullmhú do mheastacháin.

An Comhaontú GMPRN

Murar chuir tú GMPRN reatha isteach faoi Chéim 2 thuas, seolfaimid Comhaontú Nasctha GMPRN chugat tar éis dúinn d'iarratas a fháil. Ní mór é sin a shíniú agus a sheoladh ar ais sula bhféadfar leanúint ar aghaidh le próiseáil d'iarratais.

Leagtar amach sa Chomhaontú Nasctha GMPRN na freagrachtaí ar leith a bhaineann le naisc neamh-mhéadraithe faoi rialacha an mhargaidh soláthair leictreachais neamh-mhéadraithe. Tugtar sonraí ann freisin faoin GMPRN a cruthaíodh le haghaidh na nasc soilsithe phoiblí go léir laistigh den fhorbairt ábhartha.

Iarratais in Ainm Údaráis Áitiúil

I gcás iarratas atá á dhéanamh in ainm údaráis áitiúil, ní mór an Uimhir Thagartha Ghrúp-Mhéadarphointe (GMPRN) reatha a lua faoina bhfuil na naisc nua le grúpáil.

Iarratais in Ainm Tógálaí/Forbróra

Má dhéanann tógálaí/forbróir iarratas ar nasc neamh-mhéadraithe i gcomhair soilsiú poiblí ina ainm féin, tabharfar GMPRN nua dó. Éileofar air Comhaontú Nasctha GMPRN a chomhlánú agus a sheoladh ar ais freisin sula bhféadfar meastachán a eisiúint.

Más mian le húdarás áitiúil freagracht a ghlacadh as an soilsiú poiblí ina dhiaidh sin, ní mór don údarás teagmháil a dhéanamh lena sholáthraí leictreachais ar dtús agus an GMPRN a thabhairt dó. Ní mór don údarás áitiúil Comhaontú Nasctha GMPRN a chomhlánú ansin leis an aistriú a chur i gcrích.

Seolfaidh an oifig dheartha de chuid ESB Networks i do cheantar meastachán chugat ar chostas an naisc. Gheobhaidh tú na Téarmaí Nasctha agus Comhaontú Forlíontach freisin.

Beidh feidhm leis an gComhaontú Forlíontach i dteannta an Chomhaontaithe Nasctha GMPRN atá comhlánaithe agat cheana féin. Tugtar sonraí ann ar an MPRN le haghaidh gach pointe nasctha nua. Tugtar forbhreathnú freisin sa Chomhaontú Forlíontach ar sheoladh an phointe nasctha agus ar shonraí na lód atá le nascadh maidir le gach MPRN.

Chomh luath agus a bheidh do mheastachán agat, beidh tú in ann an íocaíocht a dhéanamh ar do rogha bealach.

Cuntas ar Líne ESB Networks

Ar líne

Íoc ar líne

Post 

Seol seic, dréacht bainc nó ordú poist chuig:

ESB Networks
Rannóg na gCuntas Infhála
Bóthar an tSáirséalaigh
SAORPHOST
Ceadúnas Uimh. FCK 724
Wilton
Corcaigh

Ríomhaistriú Airgid

Íoc trí Ríomhaistriú Airgid

Ní mór Comhaontú Forlíontach sínithe a chur isteach in éineacht leis an íocaíocht seo.

Nuair a bheidh na riachtanais thuas ar fad comhlíonta, féadfar an jab a údarú agus tosú ar an obair tógála.

Éilítear ar ESB Networks freisin sonraí ar na naisc nua (seachas i gcás GMPRN a bhí ann cheana) a fhoilsiú ar shuíomh gréasáin a bhfuil rochtain ag gach soláthraí leictreachais air.

Áirítear i measc na sonraí sin:

• GMPRN  
• MPRN
• Seoladh
• MIC
• Sonraí Lóid  

Tabhair do d'aire: Má dhéantar aon athrú eile ar an seoladh nó ar na sonraí lóid tar éis glacadh le meastachán, beidh meastachán nua ag teastáil  D'fhéadfadh sé go mbeadh moill ar sholáthar an naisc dá dheasca sin. Ní mór do ESB Networks gach athrú a dhéantar ar an seoladh agus ar na sonraí lóid a fhoilsiú ar an suíomh gréasáin ainmnithe.

GMPRN nua

Tá conradh le Soláthraí Leictreachais de dhíth ar gach custaiméir a bhfuil nasc neamh-mhéadraithe á lorg aige. Ní mór don soláthraí an GMPRN nua a chlárú le ESB Networks sula mbeidh cead ag ESB Networks nasc a dhéanamh.

GMPRN atá ann cheana

I gcás go mbaineann an nasc nua le GMPRN atá ag custaiméir cheana féin, beidh an uimhir sin cláraithe cheana féin ag soláthraí agus, dá bhrí sin, ní gá don chustaiméir an GMPRN sin a chlárú arís.

Ní mór an Deimhniú Críochnaithe Sreangaithe a chomhlánú ansin, ina luafar MPRN agus an t-ainm agus an seoladh a tugadh sa Chomhaontú Forlíontach.

Ba cheart don Chonraitheoir Leictreachais an deimhniú sin a sheoladh ar ais chuig a c(h)omhlacht rialála, agus cuirfidh an comhlacht sin in iúl do ESB Networks é nuair a bheidh an deimhniú bailíochtaithe. Tuilleadh eolais faoin bpróiseas deimhnithe

Tabhair do d'aire: Nuair a chuireann an comhlacht rialála in iúl do ESB Networks go bhfuil Deimhniú Críochnaithe Sreangaithe bailíochtaithe acu, glactar leis sin mar dheimhniú gur comhlánaíodh na riachtanais maidir leis an gComhéadan Custaiméara a leagtar amach sa Chód Cleachtais Náisiúnta (PDF | 3 MB).

Breathnaigh ar an PDF

Ionas gur féidir leanúint ar aghaidh leis an gclár tógála, ní mór duit a dheimhniú go bhfuil an ducht seirbhíse, an caibinéad méadair agus an chlais talún (nuair is gá) suiteáilte de réir shonraíocht ESB, agus go bhfuil siad réidh le húsáid. Is féidir téacs a sheoladh leis an bhfocal DUCT mar aon le d'uimhir MPRN chuig 087 7526666 lena dheimhniú go bhfuil gach rud ag teacht leis na sonraíochtaí.

Déanfar an nasc leictreachais a chríochnú ansin agus cuirfear an chumhacht ar siúl.