Plocóid a Shreangú

1. Bain an clúdach agus scaoil na scriúnna ar ghreamán an chorda
2. Scaoil nó bain na scriúnna de na teirminéil phráis

1. Tomhais an fhleisc le taobh na plocóide agus bain an clúdach seachtrach di chomh fada le greamán an chorda. Bí cúramach agus ná gearr tríd an insliú daite ar na croíleacáin.
2. Más gá na croíleacáin dhaite a ghearradh siar, déan cinnte gur féidir leo dul chomh fada leis na teirminéil go fóill gan tarraingt go teann orthu. Fág an croíleacán talún (glas/buí) scaoilte go leor.
3. Bain thart ar 10 mm den insliú daite de gach croíleacán.

DONN chuig an teirminéal BEO

GORM chuig an teirminéal NEODRACH

GLAS/BUÍ chuig an teirminéal TALÚN

1. Brúigh an fhleisc isteach sa chlampa greama. Cinntigh nach bhfuil aon snáitheanna scaoilte ag aon cheann de na croíleacáin.
2. I gcás teirminéil chlampa, cas gach croíleacán timpeall ar an teirminéal cuí. Cuir an leicneán ar bharr na sreinge casta agus déan na cnónna scriú a theannadh go daingean.
3. I gcás teirminéil cholúin, lúb 5 mm den sreang lom casta ar ais uirthi féin agus cuir isteach go hiomlán i bpoll an teirminéil chuí í. Déan an scriú teirminéil a theannadh go daingean.
4. Déan scriúnna an ghreama corda a theannadh ansin agus déan cinnte go bhfuil an greim corda clampáilte ar chlúdach seachtrach iomlán an chábla.
5. Cuir fiús den mhéid cuí in ionad an fhiúis cartúis i bplocóidí 13 aimpéar.
6. Cuir an clúdach ar ais.

Más rud é go bhfuil plocóid mhúnlaithe ar fhearas, ní féidir í a oscailt ná a athshreangú. Má tá an phlocóid damáistithe nó lochtach, is féidir í a bhaint agus plocóid nua a chur ina háit.

Ba cheart an dá chroíleacán a nascadh leis na teirminéil chearta BEO agus NEODRACH; ní úsáidtear an teirminéal TALÚN ar chor ar bith sa chás seo.