An soláthar leictreachais a athnascadh in áitreabh atá díscortha

Seo an méid atá le déanamh agat chun bheith athnasctha:

• Is gá a bheith cláraithe le soláthraí leictreachais. Gheofar liosta iomlán de sholáthraithe leictreachais anseo.
• Uimhir Thagartha Mhéadarphointe (MPRN) an áitribh a bheith agat.
• Beidh ort a bheith ar an áitreabh maidin nó tráthnóna an athnasctha.  Más rud é nach mbeidh tú ar fáil, is féidir leat duine atá os cionn 18 mbliana d’aois a chur i d’áit.

An chéad chéim eile

Ba chóir duit teagmháil a dhéanamh leis an soláthraí leictreachais agus an MPRN a lua leis an athnascadh a ordú. Gheobhaidh tú coinne i dtréimhse, idir 9 r.n. agus 1 i.n. nó 1 i.n. agus 5 i.n. Cuirfidh an soláthraí an t-ordú athnasctha chuig ESB Networks chomh maith leis an tréimhse oibre atá ceaptha.

Tiocfaidh Teicneoir ó ESB Networks amach le linn na tréimhse ceaptha sin leis an athnascadh a chur i gcrích. Má thagann fadhb chun cinn, déanfaidh siad teagmháil leat an lá roimh an gcoinne. Má tharlaíonn nach gcloímid leis an dearbhú seo, íocfaimid €35 leat de réir mar atá leagtha amach inár gCairt Custaiméirí

Nuair a bheidh an t-athnascadh curtha i gcrích, gheobhaidh an soláthraí an léamh méadair ó ESB Networks lena chur in iúl dóibh tosú ar an timthriall billeála. 

Féach na Ceisteanna Coitianta má bhíonn tú ag iarraidh tuilleadh sonraí faoi bheith nasctha arís.

 Seo an méid atá le déanamh agat chun bheith athnasctha:

• Is gá a bheith cláraithe le soláthraí leictreachais. Gheofar liosta iomlán de sholáthraithe leictreachais anseo.
• Uimhir Thagartha Mhéadarphointe (MPRN) an áitribh.
• Deimhniú sreangaithe
• Ábalta le bheith ar an áitreabh maidin nó tráthnóna an athnasctha. Más rud é nach mbeidh tú ar fáil, is féidir leat duine atá os cionn 18 mbliana d’aois a chur i d’áit.

An chéad chéim eile

Ba chóir duit teagmháil a dhéanamh leis an soláthraí leictreachais agus an MPRN a lua leis an athnascadh a ordú.

Beidh deimhniú sreangaithe ag teastáil don athnascadh. Ba cheart socrú a dhéanamh le go dtiocfaidh conraitheoir cláraithe leictreachais chun féachaint ar an sreangú agus deimhniú sábháilteachta a thabhairt. Cuirfidh an conraitheoir leictreachais an deimhniú sreangaithe chuig Safe Electric a chuirfidh ESB Networks ar an eolas. Agus an fógra sin faighte, eiseofar an t-ordú don athnascadh.

Agus an t-ordú sin eisithe, tabharfaidh an córas atá againn an jab do Theicneoir de chuid ESB Networks a thabharfaidh cuairt ar an láithreán taobh istigh den ghnáth-thréimhse de 2 go 5 lá oibre leis an athnascadh a chur i gcrích.  Má tharlaíonn nach féidir leis an Teicneoir ó ESB Networks an t-athnascadh a chur i gcrích ar chúis éigin, déanfar ár bhFoireann Sceidealaithe teagmháil leat chun coinne eile a shocrú.

Gheobhaidh tú coinne i dtréimhse, idir 9 r.n. agus 1 i.n. nó 1 i.n. agus 5 i.n.  Tiocfaidh Teicneoir ó ESB Networks amach le linn na tréimhse ceaptha sin leis an athnascadh a chur i gcrích. Má thagann fadhb chun cinn, déanfaidh siad teagmháil leat an lá roimh an gcoinne. Má tharlaíonn nach gcloímid leis an dearbhú seo, íocfaimid €35 leat de réir mar atá leagtha amach inár gCairt Custaiméirí.

Nuair a bheidh an t-athnascadh curtha i gcrích, gheobhaidh an soláthraí an léamh méadair ó ESB Networks lena chur in iúl dóibh tosú ar an timthriall billeála.

Féach na Ceisteanna Coitianta má bhíonn tú ag iarraidh tuilleadh sonraí faoi bheith nasctha arís.

Má tá an soláthar san áitreabh díscortha le breis agus 2 bhliain, beidh ort iarratas a dhéanamh ar nasc nua.

Déan iarratas anseo

Más rud é nach féidir leat dul isteach ar ár n-ardán ar líne, seol ríomhphost chuig newconnectionswilton@esb.ie chun cuidiú a fháil.

Tá seans ann go mbeidh orainn cuairt a thabhairt ar an láithreán leis an gcás a mheas.  Mura mbíonn aon obair de dhíth le go mbeidh an pointe nasctha ag teacht leis na caighdeáin reatha, féadfar an soláthar san áitreabh a athnascadh tar éis táille athfhuinnmhithe a íoc agus deimhniú sreangaithe a fháil.

Más rud é nach bhfuil an pointe nasctha ag teacht leis na caighdeáin reatha, caithfear leis mar nasc nua agus gearrfar an táille iomlán as nasc nua. Gheobhaidh tú ár Ráiteas ar Tháillí anseo.

A luaithe a bheidh Uimhir Thagartha Mhéadarphointe (MPRN) nua agat, ba chóir duit clárú le do rogha soláthraí leictreachais.  Gheofar liosta iomlán soláthraithe anseo.

Chomh luath agus a bheidh an méadar suiteáilte agus an tseirbhís nasctha ag ESB Networks, iarr ar do chonraitheoir leictreachais an leictreachas a dhéanamh beo ag an lasc aonraithe.

Is féidir le ESB Networks socruithe a dhéanamh le háitreabh a athnascadh gan iarratas a fháil ó sholáthraí i gcás gur dínascadh an t-áitreabh ar chúiseanna sábháilteachta agus ar chuntar go gcuirfear an t-athnascadh i gcrích tráth nach déanaí ná 24 uair an chloig tar éis a dhínasctha. Tabhair faoi deara go bhféadfadh sé go mbeadh deimhniú ó chonraitheoir leictreachais ag teastáil lena dheimhniú go bhfuil an sreangú inmheánach sábháilte sula bhféadfar an t-athnascadh a dhéanamh. Mura bhféadfar an t-athnascadh a dhéanamh laistigh de 24 uair an chloig, beidh ort teagmháil a dhéanamh le do sholáthraí agus ordú athnasctha a iarraidh orthu.Beidh deimhniú ó chonraitheoir leictreachais ag teastáil mar sin féin.

Ní gá. Más áititheoir nua ar an áitreabh thú, is cuma cérbh é an soláthraí roimhe. Cláraigh le do rogha soláthraí agus iarr an t-athnascadh orthu. Mar chuid den phróiseas seo, téann an tOibreoir Córais um Chlárú Méadar (MRSO) i dteagmháil leis an soláthraí a bhí ann roimhe seo, más gá. Feidhm “imfhálaithe” laistigh de ESB Networks is ea an MRSO agus é freagrach as an bpróiseas um athrú soláthraí. 

Má rinneadh athrú ar an sreangú inmheánach agus gur gá an méadar a bhogadh anois, beidh ordú oibre um athrú seirbhíse ag teastáil de bhreis ar an ordú athnasctha. Déan teagmháil le do sholáthraí ar dtús agus iarr orthu iarratas ar athnascadh a chur chuig ESB Networks. Agus é sin déanta, déan teagmháil le ESB Networks leis an athrú seirbhíse a phlé. Le tuilleadh eolais a fháil maidir le hathruithe seirbhíse, breathnaigh ar Athruithe Seirbhíse.

Mura n-aontaítear coinne le do sholáthraí, a luaithe a gheobhaidh ESB Networks an t-ordú déanfaidh an córas atá againn an jab a shannadh do theicneoir de chuid ESB Networks go huathoibríoch, duine a thabharfaidh cuairt ar an láithreán taobh istigh den ghnáth-thréimhse (2 go 5 lá oibre) leis an athnascadh a dhéanamh. Má tharlaíonn ar chúis éigin nach féidir leis an teicneoir de chuid ESB Networks an t-athnascadh a chur i gcrích agus é ar an láithreán, déanfaidh ár bhfoireann sceidealaithe teagmháil leat le coinne eile a aontú.