An féidir liom Micrighineadóir, Mionghineadóir nó Gineadóir ar an Mionchóir a úsáid le linn gearradh cumhachta ar an líonra leictreachais?
 
Is iondúil go mbíonn na gineadóirí seo deartha chun múchadh nuair a bhíonn an soláthar ón líonra leictreachais dícheangailte.
 
Gné shábháilteachta é sin de na córais chosanta a bhíonn ina gcuid de ghléasanna dá leithéid. Cosnaíonn an ghné seo an gineadóir féin agus cinntíonn freisin nach gcruthóidh an gineadóir guais fhéideartha i gcás lochta tríd an líonra seachtrach leictreachais a dhéanamh beo.
 
Bíodh sin mar atá, is féidir gineadóirí áirithe a shuiteáil sa chaoi gur féidir iad a oibriú nuair a bhíonn an soláthar leictreachais dícheangailte. Leis an méid sin a dhéanamh, ní mór don áitreabh a bheith aonraithe go fisiciúil ón líonra seachtrach leictreachais. Ceanglas sábháilteachta é sin faoi Rialacháin Sreangaithe an Údaráis um Chaighdeáin Náisiúnta na hÉireann (NSAI) agus éilíonn sé lasc aistrithe agus athruithe eile ar shreangú inmheánach an áitribh le gur féidir an gineadóir oibriú go sábháilte. Le teacht ar a thuilleadh eolais faoi na gineadóirí seo, lena n-áirítear a mbeadh ag teastáil uait le hé seo a chumasú i d’áitreabh féin, déan teagmháil le leictreoir cláraithe de chuid Safe Electric, le cuideachta oiriúnach suiteála gineadóirí nó le monaróir trealaimh gineadóra go díreach.

Cinnte. Is féidir leat mionghineadóir a nascadh i dtreocheangal le ESB Networks ar chuntar go bhfuil na ceanglais atá sa doiciméad "Na Coinníollacha a Rialaíonn Nascadh agus Oibriú Mionghiniúna" comhlíonta agat.

Le heolas a chur ar an bpróiseas, léigh an doiciméad "Na Coinníollacha a Rialaíonn Nascadh agus Oibriú Mionghiniúna" (Íoslódáil an PDF | 503 KB).

Is é an táille iarratais chun iarratas a dhéanamh ar nasc ghineadóir are Scála Beag ná €995 móide CBL @ 23% (€1,223.85). Clúdaíonn an táille seo measúnú teicniúil ar an mionghineadóir ar an líonra leictreachais. Déanfar cinneadh de réir an mheasúnaithe theicniúil faoi cibé acu an gá do ESB Networks oibreacha nasctha a dhéanamh leis an ghineadóir a nascadh nó nach gá. Is é an custaiméir a íocfaidh as na hoibreacha sin. Aon oibreacha a bheidh ag teastáil, beidh siad luaite sa tairiscint nasctha agus eiseofar iarratas ar éarlais ag an am céanna leis an tairiscint nasctha. Caithfear an éarlais a íoc le bheith in ann glacadh leis an tairiscint nasctha agus dul ar aghaidh le nascadh an ghineadóra.

Seo thíos liosta neamh-uileghabhálach de na hoibreacha nasctha a dhéanann ESB Networks a d'fhéadfadh a bheith ag teastáil le Mionghineadóir a nascadh leis an líonra leictreachais:

• Claochladán a uasghrádú
• Cuid de líne lasnairde nó cábla faoi thalamh a uasghrádú

Ní íocfar. De réir na gcritéar incháilitheachta a thug an Coimisiún um Rialáil Fóntais isteach, má tá tú i dteideal méadar cliste, caithfidh méadar cliste a bheith agat má táthar chun íocaíocht a dhéanamh leat as a n-easpórtáiltear siar chuig an líonra ó d’áitreabh. Ní bheifeá i dteideal íocaíochta measta easpórtála sa chás sin. 

Tá.

Is féidir iarratas a dhéanamh ar Mhicrighiniúint trí phróiseas simplí "cuir in iúl agus suiteáil", rud a dhéantar trí Fhoirm NC6 (Íoslódáil an PDF | 144 KB) a chur isteach chuig ESB Networks. Is féidir an próiseas iarratais seo a úsáid le gineadóir aon phas a nascadh arb é 6 kVA a uasacmhainn easpórtála nó gineadóir trí phas a nascadh arb é 11 kVA a uasacmhainn easpórtála.

I gcás na Mionghiniúna, is féidir gineadóirí inbhéartóir-nasctha suas le 17 kVA ar a mhéad (aon phas) agus suas le 50kVA ar a mhéad (trí phas) a nascadh. Is féidir iarratas a dhéanamh sa chatagóir seo trí fhoirm NC7 a chur isteach chuig ESB Networks.

Is é an gineadóir is mó ar féidir iarratas a dhéanamh ina leith faoin bhFoirm Iarratais reatha maidir le Mionghineadóir (NC7) ná Gineadóir Inbhéartóir-Nasctha suas le 72 aimpéar (≈17kVA) aon phas nó 72 aimpéar (≈50kVA) trí phas.

Is féidir gineadóir níos mó a shuiteáil faoi phróisis mhalartacha déanta iarratais. Le tuilleadh eolais a fháil, téigh chuig Nasc Gineadóir In-Athnuaite agus Leabaithe.

Faoin bpróiseas déanta iarratais mionghiniúna, a luaithe a bheidh an Deimhniú gur Suiteáladh Mionghiniúint faighte ag ESB Networks, déanfaimid d’Uasacmhainn Easpórtála (MEC) a nuashonrú agus cuirfimid do sholáthraí leictreachais ar an eolas. Toisc nach bhfuil ESB Networks freagrach as ceannach ná díol leictreachais, beidh ort comhaontú a bheith agat le do Sholáthraí Leictreachais go gceannóidh sé an leictreachas a bheidh tú ag easpórtáil.

Le tuilleadh eolais a fháil maidir le cén chaoi a bhfaighidh custaiméirí íocaíocht as leictreachas easpórtáilte, agus cathain ba cheart dóibh a bheith ag súil leis sin, féach láithreán gréasáin an CRU ag Luach saothair d’fhéintomhaltóirí fuinnimh inathnuaite as leictreachas easpórtáilte.

Níl baint ar bith ag ESB Networks CGA le ceannach ná díol leictreachais.  Idir an custaiméir agus an soláthraí leictreachais atá siad sin.

Le tuilleadh eolais a fháil maidir le cén chaoi a bhfaighidh custaiméirí íocaíocht as leictreachas easpórtáilte, agus cathain ba cheart dóibh a bheith ag súil leis sin, féach láithreán gréasáin an CRU ag Luach saothair d’fhéintomhaltóirí fuinnimh inathnuaite as leictreachas easpórtáilte

I gcás go mbeidh gá le méadar nua leis an méid a easpórtáiltear a thomhas, sceidealófar an obair leis an méadar nua a shuiteáil faoin gClár um Méadrú Cliste atá ar bun faoi láthair.

Tá an Clár um Méadrú Cliste ag obair faoi láthair le gnáth-mhéadair aon phas 24 ur (MCC01) a athsholáthar. Faoi na rialacha reatha atá fógartha ag an CRU, má tá tú incháilithe méadar cliste a fháil le linn na céime seo den rolladh amach, beidh ort méadar cliste a bheith agat le híocaíocht a fháil as an méid fuinnimh a dhéanann tú a easpórtáil. I gcás go bhfuil custaiméir incháilithe do mhéadar cliste, déanfaidh ESB Networks a dhícheall méadar cliste a shuiteáil tráth nach déanaí ná ceithre mhí tar éis dó foirm iarratais bhailí maidir le micrighiniúint (NC7) a phróiseáil. Déanfaidh ESB Networks teagmháil leat roimh shuiteáil do mhéadair chliste. Le tuilleadh eolais a fháil maidir leis an gclár um méadrú cliste, féach an tUasghrádú chuig Méadair Chliste

Mura bhfuil tú incháilithe méadar cliste a fháil le linn na céime seo den rolladh amach, tá sé leagtha amach ag an CRU go n-íocfar thú bunaithe ar ríomh measta easpórtála go dtí go mbeidh méadar cliste oiriúnach ar fáil le haghaidh an chineáil naisc atá agat agus é suiteáilte mar chuid de rolladh amach céimnithe an Chláir um Méadú Cliste. Fógróidh an CRU sonraí faoin ríomh sin in am trátha.

Le tuilleadh eolais a fháil maidir le cén chaoi a bhfaighidh custaiméirí íocaíocht as leictreachas easpórtáilte, cathain ba cheart dóibh a bheith ag súil leis sin, agus cén sórt méadair a chaithfidh tú a bheith agat, féach láithreán gréasáin an CRU ag Luach saothair d’fhéintomhaltóirí fuinnimh inathnuaite as leictreachas easpórtáilte

Cé nach bhfuil fianaise maidir le Cead Pleanála ag teastáil uainn chun iarratas ar Ghiniúint ar Scála Beag a phróiseáil, is ar an gcustaiméir atá an dualgas a chinntiú go bhfuil an Cead Pleanála ceart i bhfeidhm de réir na comhairle contae áitiúil. 

Is féidir le custaiméirí a rinne iarratas roimhe seo ar MEC = 0 iarratas eile a dhéanamh ar Mhion-Ghiniúint. Má tá an próiseas iarratais roimhe seo curtha i gcrích, lena n-áirítear tástáil rathúil finné, is féidir leis an ngineadóir leanúint ar aghaidh ag feidhmiú faoi rialacha MEC=0 go dtí go gcuirfear an t-iarratas ar Mhion-Ghiniúint i gcríoch. Mura bhfuil an próiseas iarratais neamh-easpórtála curtha i gcrích, áfach, caithfear é seo a chealú agus iarratas nua a chur isteach maidir le Mion-Ghiniúint. Sa chás seo, ní féidir an gineadóir a nascadh go dtí go mbeidh tástáil finné déanta go rathúil.  

Is féidir Acmhainn Iomlán an Inbhéartóra Suiteáilte (TIIC) a bheith níos mó ná MEC an láithreáin in imthosca áirithe, trí leas a bhaint as Scéim Teorannú Easpórtála oiriúnach. Nuair a bhíonn Acmhainn Iomlán an Inbhéartóra Suiteáilte níos mó ná an MEC, ní mór Foirm Dearbhaithe Táirge an Déantóra um Scéim Teorannú Easpórtála a chur ar fáil - tá an teimpléad ar fáil anseo. Caithfidh an Déantóir an fhoirm seo a chomhlánú agus a shíniú. Nuair a bheidh an t-iarratas curtha isteach, cinnfear leibhéal an MEC atá ar fáil ar an líonra reatha, nó leagfar amach imlíne ar an obair athneartaithe a theastaíonn chun MEC ar leith a chumasú, trí staidéar teicniúil sonrach a dhéanamh ar an ngréasán áitiúil mar chuid den phróiseas. Féadfaidh athróga éagsúla amhail fad ón gclaochladán, an acmhainn atá ar fáil, armónaigh, éagothroime féideartha, etc. tionchar a imirt ar thorthaí an staidéir sin. Mar sin, molaimid do chustaiméirí fanacht go mbeidh an staidéar seo curtha i gcrích agus a dtairiscint naisc faighte acu sula ndéantar cinneadh ceangailteach maidir le mionsonraí deiridh a suiteála.  

Is féidir. Is féidir linn freastal ar iarratais NC7 ar Ghiniúint ar Scála Beag ag an am céanna agus athrú MIC, más rud é gur tháinig an t-iarratas ar athrú MIC isteach tríd an gcainéal iarratais ábhartha agus go bhfuil sé á phróiseáil. Is féidir tuilleadh eolais a fháil faoin mír ‘Do leibhéal Soláthair a Athrú’   www.esbnetworks.ie

Ní rachaidh an t-iarratas um Mion-Ghiniúint chun cinn ach amháin go comhthreomhar leis an iarratas ar mhéadú MIC agus beidh sé ag brath ar dhul chun cinn agus cur i gcrích an iarratais sin. 

Tabhair faoi deara: Ní chinntíonn méadú ar an MIC go mbeidh tú in ann an MEC iomlán atá uait a fháil. Ní féidir é sin a chinneadh ach amháin trí staidéar teicniúil sonrach a dhéanamh ar an líonra áitiúil, rud a dhéanfar mar chuid den phróiseas agus a chuirfidh bonn eolais faoin MEC atá ar fáil, nó faoi imlíne ar an obair athneartaithe a theastaíonn chun MEC sonrach a chumasú. Féadfaidh athróga éagsúla amhail fad ón gclaochladán, an acmhainn atá ar fáil, armónaigh, éagothroime féideartha, etc. tionchar a imirt ar thorthaí an staidéir sin. Mar sin, molaimid do chustaiméirí fanacht go mbeidh an staidéar seo curtha i gcrích agus a dtairiscint naisc faighte acu sula ndéantar cinneadh ceangailteach maidir le mionsonraí deiridh a suiteála.

Más rud é nach mbíonn an gineadóir riamh comhthreomhar leis an líonra leictreachais, nó nach bhíonn sé comhthreomhar leis ach amháin le haghaidh 3 nóiméad agus é ag casadh ar/as ar feadh tréimhse nach mó ná 5 nóiméad sa mhí, luaitear ar an bhfoirm iarratais iad mar Ghiniúint atá ann cheana. Ní áirítear an acmhainn giniúna suiteáilte a bhaineann leis an ngineadóir seo agus measúnú á dhéanamh ar leibhéal foriomlán na giniúna atá suiteáilte ar an láithreán chun críche Mion-Ghiniúna, Giniúna ar Scála Beag nó chun measúnú a dhéanamh ar Ghiniúint Iomlán Suiteáilte.

Is éard atá i gceist leis an téarma Uasacmhainn Easpórtála Theoranta (LMEC) ná na naisc um Micrighiniúint agus um Ghiniúint ar an Mionchóir atá ar fáil sna limistéir sin den líonra leictreachais ina  bhfuil líon mór nasc le gineadóirí easpórtála i bhfeidhm cheana féin, i gcoibhneas leis an acmhainn líonra leictreachais atá ar fáil ag leibhéil voltais níos airde sa suíomh sin. Ciallaíonn sé go bhfuil acmhainn theoranta ar fáil faoi láthair chun glacadh le tuilleadh nasc easpórtála. 

Ionas gur féidir a chinntiú go gcoinneofar sábháilteacht, cobhsaíocht agus iontaofacht na heangaí, is gá dúinn a leithéid seo de nasc a thairiscint i limistéir ina bhfuil acmhainn theoranta ar fáil ar an líonra leictreachais.  

Cuireann an LMEC srian ar mhéid na heaspórtála atá ar fáil ó naisc nua um Micrighiniúint agus Giniúint ar an Mionchóir nua suas go méid nach mó ná 6KVA (aon phas), 11kVA (trí phas), beag beann ar mhéid an chórais atá suiteáilte. Saintréithe teicniúla an naisc áitiúil is ea a chinneann na teorainneacha a bhaineann le méid an ghineadóra is féidir a shuiteáil. Go ginearálta, éileoidh tairiscintí naisc LMEC go suiteálfar Scéim Teorannaithe Easpórtála (ELS) chun easpórtáil an chórais a theorannú ag an Uasacmhainn Easpórtála ceadaithe (MEC) go méid nach mó ná 6KVA (aon phas), 11kVA (trí phas). Is féidir tuilleadh eolais faoi ELS a fháil anseo.  

Má bhaineann d'iarratas le limistéar LMEC, beidh Scéim Teorannaithe Easpórtála (ELS) éigeantach. Is féidir tuilleadh eolais faoi ELS a fháil anseo. Is féidir scéim ELS a chur i bhfeidhm ag baint úsáide as Athsheachadán Cumhachta Droim ar Ais nó as córas rialaithe ELS. Maidir le Córas Rialaithe ELS, beidh ort Foirm Dhearbhaithe Táirge na Scéime Teorannaithe Easpórtála a chur ar fáil ón Déantóir – is féidir an teimpléad a fháil anseo. Caithfidh an Déantóir an fhoirm seo a chomhlánú agus a shíniú. 

Éilíonn tairiscintí naisc LMEC go mbeidh easpórtáil an chórais teoranta  do na hUasacmhainní Easpórtála seo a leanas: 

6kVA más céim aon phas an nasc,  

Faoi láthair, níl tairiscintí Uasacmhainne Easpórtála Teoranta ar fáil ach amháin d'iarratasóirí atá ag lorg nasc faoi na Scéimeanna Mionghiniúna agus na Scéimeanna Giniúna ar an Mionchóir.  

Is féidir an t-eolas seo a fháil ar leathanach gréasáin Líonraí BSL dar teideal Léarscáil den Acmhainn atá ar Fáil agus tá míniú ar an léarscáil ar fáil sna Ceisteanna Coitianta maidir leis an Léarscáil Acmhainne. 

Is gá. Má tá tú incháilithe méadar cliste a fháil le linn na céime seo den rolladh amach, beidh ort méadar cliste a bheith agat le híocaíocht a fháil as an méid fuinnimh a dhéanann tú a easpórtáil. I gcás go bhfuil custaiméir i dteideal méadar cliste, déanfaidh ESB Networks a dhícheall méadar cliste a shuiteáil tráth nach déanaí ná ceithre mhí tar éis do ESB Networks foirm bhailí NC7 a phróiseáil.

Ní bheidh íocaíocht as easpórtáil ag dul duit le linn na tréimhse feithimh le méadar cliste a shuiteáil. Déanfaidh ESB Networks teagmháil leat roimh shuiteáil do mhéadair chliste. Le tuilleadh eolais a fháil maidir leis an gclár um méadrú cliste, féach An tUasghrádú chuig Méadair Chliste 

Mura bhfuil tú incháilithe méadar cliste a fháil le linn na céime seo den chlár, féadfar tú a íoc bunaithe ar ríomh measta easpórtála. 

Le tuilleadh eolais a fháil maidir le cén chaoi a bhfaighidh custaiméirí íocaíocht as leictreachas easpórtáilte, cathain ba cheart dóibh a bheith ag súil leis sin, agus cén sórt méadair a chaithfidh tú a bheith agat, féach láithreán gréasáin an CRU ag an nasc seo: Luach saothair d’fhéintomhaltóirí fuinnimh inathnuaite as leictreachas easpórtáilte - an Coimisiún um Rialáil Fóntais (cru.ie)