Rianaigh do Nasc

Is éard a chiallaíonn sé ná go bhfuil an Comhaontú Nasctha sínithe agus an íocaíocht faighte againn agus go bhfuil tús curtha againn le Céim an deartha de do nasc.

Bíonn dearadh mionsonraithe le déanamh sa chéim seo mar aon le haon cheadanna nó ceadanna slí riachtanacha a fháil ó úinéirí talún. Agus na ceadanna sin faighte, is féidir tús a chur leis an nasc a thógáil. I gcásanna áirithe, beidh gá le cuaille nua a thógáil ar an láithreán, taobh istigh de 50 méadar ón gcaibinéad méadair lasmuigh. Léigh an Pacáiste Fáilte (a sheoltar leis an meastachán) chun tuilleadh eolais a fháil maidir le cá háit a gcuirtear caibinéad méadar lasmuigh.

Déantar na sonraí a athnuachan go luath ar maidin, Luan go hAoine. Más rud é go bhfuil aon athrú tagtha ar stádas do naisc, beidh sé sin le feiceáil an lá dár gcionn.

Is é is aidhm dúinn meastachán a sheoladh chugat taobh istigh de 7 lá oibre nuair nach gá cuairt a thabhairt ar do láithreán agus taobh istigh de 15 lá oibre nuair a theastaíonn cuairt ar an láithreán. Má theastaíonn cuairt ar an láithreán, déanfaidh an tOifigeach Innealtóireachta teagmháil leat.

Fógra Tábhachtach Sábháilteachta: Más rud é go bhfuil líne nó cábla leictreachais lastuas ag dul trasna an láithreáin, ná déan aon obair go dtí go mbeidh cead faighte agat ó Sheirbhísí Líonra ESB (Uimhir fóin 1800 372 757 nó +353 21 2386555

Má bhíonn duine nó meaisín i dteagmháil le líne, nó gar do theagmháil mar sin, d’fhéadfadh an bás a bheith mar thoradh air.

Déanann do leictreoir na sonraí ar an deimhniú a nuashonrú go leictreonach ar ardán Safe Electric. Cuireann Safe Electric ESB Networks ar an eolas ansin maidir le mionsonraí an deimhnithe. B’fhéidir go mbeadh suas le 2 lá oibre ann sula mbeadh sé sin le feiceáil ar an Rianaire.

Ar líne

Déan Íocaíocht ar Líne

Roghanna eile

Roghanna Íocaíochta

Más rud é nach dteastaíonn aon obair bhreise shuntasach, agus más rud é nach bhfuilimid ag brath ar thríú páirtithe, ba chóir go mbeadh an chumhacht nasctha agus ar siúl taobh istigh de sheachtain oibre. Beidh ár bhFoireann um Naisc Nua i dteagmháil leat leis an eolas is déanaí a thabhairt duit nó is féidir leatsa teagmháil a dhéanamh linn.

Cuir glao ar

1800 372 757

Tabhair do d’aire: níl san fhuireachas (comhaireamh anuas) ach meastachán. D’fhéadfadh níos mó ama a bheith i gceist i gcuid cásanna.

Beidh tú ábalta dul chun cinn an naisc a fheiceáil ar an Rianaire. I ‘Mo Liosta Gníomhartha’, gheobhaidh tú achoimre ar a bhfuil le déanamh agat féin le go ndéanfar dul chun cinn ar an nasc cumhachta.

Is éard is brí leis sin ná go bhfuilimid ag obair chun an bonneagar a thógáil chun na leictreachas a nascadh go sábháilte le d’áitreabh.

Ionas gur féidir linn céim na tógála a chur i gcrích, ní mór duit a dheimhniú go bhfuil an ducht seirbhíse faoi thalamh, an caibinéad méadair agus an chlais talún (nuair is gá) suiteáilte de réir shonraíocht ESB Networks.

Más rud é nach dteastaíonn aon obair bhreise shuntasach, is é is aidhm dúinn an nasc cumhachta a chur i gcrích laistigh de 12 sheachtain ó fhaighimid an Comhaontú Nasctha sínithe agus an íocaíocht uait. 60 lá a bheidh ann ar dtús. Cuirfear tús leis an gcomhaireamh síos ansin go dtí go nascfar an chumhacht. Ní bhaineann an comhaireamh síos ach le laethanta oibre, ní leis an deireadh seachtaine ná le laethanta saoire bainc ná poiblí.

Más rud é nach dteastaíonn aon obair bhreise shuntasach, agus más rud é nach bhfuilimid ag brath ar thríú páirtithe, ba chóir go mbeadh an chumhacht nasctha agus ar siúl taobh istigh de sheachtain oibre. Beidh ár bhFoireann um Naisc Nua i dteagmháil leat leis an eolas is déanaí a thabhairt duit nó is féidir leatsa teagmháil a dhéanamh linn.

Cuir glao ar

1800 372 757

Tabhair do d’aire: níl san fhuireachas (comhaireamh anuas) ach meastachán. D’fhéadfadh níos mó ama a bheith i gceist i gcuid cásanna.

1. Oscail www.cru.ie agus roghnaigh do rogha soláthraí.
CRU
2. Déan do MPRN (Uimhir Thagartha Mhéadarphointe) a chlárú leis an soláthraí leictreachais. Luaitear an MPRN ar bharr leathanach an Rianaire.
Mo MPRN a fháil

Má tá an Rianaire ag taispeáint gur eisíodh an meastachán - gheobhaidh tú ríomhphost. Léireoidh an ríomhphost sin cé acu ar cuireadh an meastachán sa phost nó an bhfuil sé ar fáil le hamharc air trí logáil isteach i do chuntas tairsí custaiméirí.

Is éard is ciall leis sin ná go bhfuilimid ag fanacht leis na nithe seo a fháil:

• Comhaontú Nasctha agus é sínithe
• An meastachán a bheith íoctha

Ní féidir leanúint ar aghaidh leis an iarratas ar nasc go dtí go mbeidh na nithe sin déanta.

Tá an chumhacht ar siúl againn chun d’áitribh. Ar chúiseanna sábháilteachta, beidh ar do chonraitheoir leictreach an lasc aonraitheora a bhaint chun an chumhacht a chur ar siúl. Más rud é go raibh uimhir fóin póca don Chonraitheoir Leictreach ar an deimhniú sreangaithe, chuireamar ar an eolas iad.

Is féidir rianú a dhéanamh ar naisc nua i gcás áitreabh aonair tí agus áitreabh aonair tráchtála níos ísle ná 100 kVA.

I gcásanna nach mbíonn aon obair shuntasach ag teastáil, tá sé mar aidhm ag ESB Networks an nasc a chur ag obair 60 lá gnó tar éis dúinn do Chomhaontú Nasctha sínithe agus an íocaíocht uait a fháil.

Leagtar amach na gealltanais ama atá againn ó thaobh méadraithe agus naisc de sa PDF de Chairt Custaiméirí ESB Networks. Ar choinníoll go ndearna tú iarratas agus gur íoc tú as an nasc 10 seachtaine ar a laghad sular cuireadh an tsuiteáil leictreach i gcrích, cuirfimid an nasc nua i gcrích taobh istigh de choicís i ndiaidh dúinn an deimhniú sreangaithe a fháil.

Cairt Custaiméirí ESB Networks

(PDF | 742 KB)

Tá an méid sin faoi réir na gcoinníollacha i litir an mheastacháin a shásamh (ceadanna slí, deimhniú sreangaithe, ducht seirbhíse faoi thalamh a bheith réidh) agus gan aon treisiú suntasach den líonra a bheith riachtanach.

Logáil isteach ar Naisc ar Líne, oscail an Rianaire, téigh chuig Mo chuid Gníomhartha agus deimhnigh go bhfuil an seirbhísiú curtha i gcrích ar an ducht. Glacfaidh sé suas le 2 lá oibre sula mbeidh an t-athrú sin le feiceáil ar an Rianaire.

Is éard is brí le ‘Oibreacha nasctha curtha siar’? ná go bhfuilimid ag fanacht le heolas nua uait chun an chéim seo den nasc a chur i gcrích. Féach ‘Mo Liosta Gníomhartha’ chun na gníomhartha a sheiceáil nach mór a dhéanamh chun obair ar do nasc a chur chun cinn.

Ionas gur féidir leanúint ar aghaidh le céim na tógála, ní mór duit a dheimhniú go bhfuil an ducht seirbhíse faoi thalamh, an caibinéad méadair agus an chlais talún (nuair is gá) suiteáilte de réir shonraíocht ESB Networks, agus go bhfuil siad réidh lena n-úsáid.

• Is féidir. Is féidir gach iarratas a chuirtear isteach ar líne a rianú ar an leathanach ‘Iarratais Nasctha’.
• Gheobhaidh tú liosta de na hiarratais ar fad atá agat ansin, mar aon le stádas gach iarratais.
• Más mian leat féachaint ar aon cheann de na hiarratais, is féidir é sin a dhéanamh ansin. Níl faisnéis rianaithe ar fáil ach amháin i gcás naisc nua in áitreabh tí agus áitreabh aonair tráchtála níos ísle ná 100 kVA.

Beidh tú in ann d’iarratas a rianú nuair a bheidh an fhoirm chomhlánaithe curtha isteach agat.

An dáta atá ar an Rianaire ná an dáta ar cuireadh an meastachán sa phost. Léireoidh an ríomhphost sin cé acu ar cuireadh an meastachán sa phost nó an bhfuil sé ar fáil le hamharc air trí logáil isteach i do chuntas tairsí custaiméirí. Tiocfaidh an meastachán sa phost taobh istigh de 2 lá oibre.