Fógra Príobháideachais

Bailímid do shonraí pearsanta ionas gur féidir linn ár gcaidreamh leat a bhainistiú. Tá na gníomhaíochtaí seo a leanas san áireamh a dteastaímid sonraí pearsanta ina dtaobh:

• Bainistiú ar chomhaontú ceangail leictreachais
• Bainistiú ar oibriú sábháilte, slán agus iontaofa an chórais dáileacháin leictreachais
• Tógáil, forbairt agus bainistiú an líonra leictreachais in Éirinn
• Éascú ar oibriú iontaofa na margaí miondíola agus mórdhíola leictreachais
• Cloí leis na dualgais cheadúnaithe agus rialála a rialaíonn oibríochtaí an mhargaidh leictreachais

Cinntímid go bhfuil an fhaisnéis a bhailímid cuí chun na críocha a bhfaightear í.

Coinnímid ár gcórais, comhaid agus foirgnimh slán ach riachtanais dhlíthiúla agus treoir idirnáisiúnta slándála a chomhlíonadh. Cinntímid go dtugtar oiliúint ar an gcaoi le sonraí pearsanta a chosaint dár bhfoireann, agus d'aon duine a bhfuil teacht acu ar shonraí pearsanta a bhfuilimid freagrach astu. Cinntímid go n-aithníonn ár bpróisis go soiléir na riachtanais d’fhonn sonraí pearsanta a bhainistiú agus go bhfuil siad suas chun dáta. Déanaimid iniúchadh rialta ar ár gcórais agus próisis le cinntiú go leanaimid de bheith comhlíontach ó thaobh ár bpolasaithe agus ár ndualgas dlíthiúil.

Aithnímid in ESBN an tábhacht a bhaineann leis na Sonraí Pearsanta a gcuirtear faoinár gcúram. Féadfaidh sé go mbaileoimid agus go gcoinneoimid réimse faisnéise fút. Seo a leanas roinnt samplaí de na cineálacha faisnéise a d’fhéadfadh a bheith againn:

• Faisnéis fút agus faoi d'áitreabh; féadfar a áireamh sa mhéid sin faisnéis teagmhála agus faisnéis slándála phearsanta atá curtha ar fáil agat dúinn chun cabhrú linn tú a aithint go cruinn nuair a dhéanann tú teagmháil linn
• Eolas fút, an áit a bhfuil bonneagar leictreachais agat ar do thalamh nó gar dó
• Faisnéis faoin bhfuinneamh atá á úsáid faoi láthair agus a úsáideadh san am atá thart (a iompórtáladh ón eangach) agus a gineadh (a easpórtáladh chuig an eangach) ag d’áitreabh ar eatraimh laethúla agus 30 nóiméad, agus ar eatraimh laethúla agus míosúla.
• Sonraí faoi chomhaontuithe ceangail reatha agus roimhe seo, agus faoi na páirtithe ar bhain siad leo ag d'áitreabh
• Faisnéis faoin obair a cuireadh i gcrích ag d'áitreabh roimhe seo, nó atá beartaithe amach anseo.
• Faisnéis faoi do chuid idirghníomhaíochtaí linn, lena n-áirítear aon uair a thuairiscigh tú fabht nó éigeandáil
• Faisnéis faoi aon riachtanais speisialta atá nochta agat sa chás go bhfuil ríthábhacht ag baint le leanúnachas an tsoláthair leictreachais
• Taifeadtaí ar chomhráite gutháin leat
• Faisnéis a sholáthraíonn tú nuair a ghlacann tú páirt i suirbhéanna custaiméirí nó i dtaighde margaidh
• Íomhánna nó taifeadtaí CCTV nó ‘dashcam’ a gabhadh chun críocha slándála agus sábháilteachta
• Aon sonraí pearsanta eile a bhaineann leat a sholáthraíonn tú dúinn nó a ghinimid i dtaca lenár gcaidreamh leat, lena n-áirítear taifid ar aon toiliú a thug tú agus sonraí faoin úsáid a bhain tú as suíomh(anna) gréasáin ESB Networks
• Nuair a úsáideann tú ár suíomh gréasáin, bailíonn ár bhfianáin faisnéis faoi na leathanaigh a fhéachann tú orthu ar ár suíomh gréasáin agus conas a úsáideann tú iad, chomh maith le faisnéis faoin gcineál gléis, córais oibriúcháin agus brabhsálaí a úsáideann tú.  (Féach “Úsáid Fianán” thíos) Bailímid formhór na faisnéise seo go díreach ónár n-idirghníomhaíocht leat, nuair a dhéanann tú teagmháil linn i scríbhinn, ar an nguthán nó go leictreonach (tríd an ríomhphost, ar ár suíomh gréasáin, nó ar na meáin shóisialta). Is mar gheall ar ár seirbhísí a bheith á n-úsáid agat a bhailítear cuid den fhaisnéis. Féadfaimid faisnéis a bhailiú fút ó thríú páirtithe, amhail soláthraithe leictreachais, soláthraithe seirbhíse solúbthachta agus comhpháirtithe atá faoi chonradh mar chuid de ghnáthoibríochtaí an mhargaidh leictreachais.

Baineann ár suíomh gréasáin úsáid as ‘fianáin’ chun cabhrú linn eispéireas níos fearr a chur ar fáil d'úsáideoirí gach uair a thugann siad cuairt air. Is éard is fianán ann ná píosa beag téacs a chuirtear go díreach ar ghléas nuair a úsáidtear an gléas sin chun cuairt a thabhairt ar shuíomh gréasáin. Cabhraíonn sé seo linn eispéireas níos fearr a thabhairt don úsáideoir agus iad ag úsáid an tsuímh ghréasáin. Fanann an fhaisnéis a bhailíonn an fianán ar ghléas an úsáideora.

Bainimid úsáid as an bhfaisnéis a bhailítear ó fhianáin chun cabhrú le feabhas a chur ar eispéireas úsáideoirí ar ár suíomh gréasáin, chun críocha slándála, fógraíochta agus d’fhonn ábhar a phearsantú. Mar shampla, cabhraíonn fianáin linn a aithint go bhfuil cuairt tugtha roimhe seo ag gléas áirithe ar ár suíomh, rud a ligeann dúinn an t-eispéireas a chur in oiriúint bunaithe ar an stair brabhsála roimhe seo. Cabhraíonn sé linn chomh maith cinneadh a dhéanamh faoin gcineál faisnéise is cuí a léiriú don úsáideoir áirithe sin nuair a bhíonn siad i mbun brabhsála. Tá tuilleadh eolais le fáil inár bPolasaí Fianán thíos maidir leis na cineálacha fianán a úsáidimid agus an cuspóir atá leo.

Ní bhainimid úsáid as fianáin chun aon sonraí pearsanta a bhailiú le stóráil ar ár gcórais. Féadfaidh an t-úsáideoir an fianán agus an fhaisnéis a bhailítear leis a scriosadh ag am ar bith ach úsáid a bhaint as na socruithe ina mbrabhsálaí gréasáin.

Aon fhaisnéis a choinnímid, coinneofar é ar feadh an achair a theastaíonn sé chun an cuspóir atá lena bhailiú a chomhlíonadh agus chun ár ngnó agus ár gcearta a chosaint.  Iarrtar orainn cineálacha éagsúla faisnéise a choinneáil ar feadh tréimhse shonraithe ama chun go gcomhlíonfaí riachtanais dhlíthiúla.  Braithfidh an t-achar ama a choinnímid aon chuid de d'fhaisnéis phearsanta ar an gcineál faisnéise agus ar an gcríoch lena n-úsáidfear í.

Bainimid úsáid as faisnéis phearsanta ionas go bhféadfaimid, de réir ár gcomhaontuithe ceangail agus ár ndualgas ceadúnais, seirbhísí leictreachais a chur ar fáil duit. Féadfaidh sé go mbainfimid úsáid as sonraí pearsanta ar chuid de na bealaí seo a leanas:

• Taifid a dheimhniú agus a choinneáil i dtaca le ceangail leis an líonra leictreachais
• Monatóireacht a dhéanamh ar úsáid leictreachais
• Oibríochtaí a dhéanamh agus na hoibreacha riachtanacha a dhéanamh ar do mhéadar leictreachais
• Sonraisc a chruthú agus a sheoladh agus íocaíochtaí a bhailiú
• Iarratais ar fhaisnéis nó fiosruithe ginearálta a phlé agus freagra a thabhairt orthu
• Tacú le hoibriú an mhargaidh iomaíoch leictreachais in Éirinn
• Scrúdú a dhéanamh ar phátrúin agus treochtaí úsáide leictreachais ar fud an líonra leictreachais chun bonn eolais a chur faoi chinntí infheistíochta agus oibríochta
• Cur ar ár gcumas aon riachtanais dhlíthiúla nó rialála a chomhlíonadh
• Ár gcearta nó cearta aon tríú páirtí a chosaint nó a fhorfheidhmiú
• Éascaíocht a dhéanamh ar an sreabhadh faisnéise idir rannpháirtithe margaidh maidir le ceangail leictreachais
• Calaois agus coiriúlacht eile a bhrath agus a chosc
• Leasanna riachtanacha daoine aonair a chosaint
• Freagra a thabhairt ar iarratais ó na cúirteanna agus ó údaráis forfheidhmithe
• An tArd-Bhonneagar Méadar (AMI) a bhunú agus a choimisiúnú chun tacú le hoibriú Seirbhísí Cliste don Mhargadh Miondíola (taraifí ama úsáide ina measc)

Bailímid agus déanaimid próiseáil ar d'fhaisnéis phearsanta, de réir an Rialacháin Ghinearálta maidir le Cosaint Sonraí (RGCS) agus an Achta um Chosaint Sonraí 2018, faoi na bunúis dlí seo a leanas:

• Conradh a chomhlíonadh, mar shampla nuair a dhéanaimid bainistiú ar do nasc leictreachais;
• Comhlíonadh oibleagáid dhlíthiúil, mar shampla nuair a cheanglaítear orainn do chuid sonraí leictreachais a bhainistiú nó faisnéis a sholáthar d'údaráis phoiblí;
• Tasc poiblí a tarmligeadh chugainn a chomhlíonadh, mar shampla líonra an chórais dáilte leictreachais a bhainistiú agus riachtanais ár gceadúnais a chomhlíonadh;
• Ar mhaithe lenár leasanna dlisteanacha, mar shampla nuair a dhéanaimid teagmháil leat chun páirt a ghlacadh i suirbhéanna nó i ngrúpaí fócais, nó chun cosaint ar éilimh dhlíthiúla a dhéanamh.

Chun gur féidir linn gníomhaíochtaí áirithe a chur i gcrích agus úsáid á baint againn as do shonraí pearsanta, féadfaidh sé go mbeidh orainn do thoiliú a iarraidh. Nuair atá toiliú á iarraidh againn, cuirfimid roghanna ar fáil duit. Mar shampla, iarrfar ort an fearr leat bheith i dteagmháil linn ar an nguthán, tríd an bpost, tríd an ríomhphost, trí theachtaireacht téacs nó trí mheáin eile dhigiteacha.

Sa chás go dteastaíonn toiliú uainn, míneoimid an fáth agus cuirfimid eolas leordhóthanach ar fáil chun deis a thabhairt duit cinneadh a dhéanamh a bhfuil bonn eolais faoi.

Nuair a fhaighimid toiliú uait gníomhaíochtaí den chineál sin a chur i bhfeidhm, beidh sé de cheart agat an toiliú sin a tharraingt siar ag tráth ar bith ach teagmháil a dhéanamh linn.

Féadfaimid do shonraí pearsanta a roinnt nó a nochtadh le tríú páirtithe sna catagóirí seo a leanas:

• Rannpháirtithe sa mhargadh leictreachais: ós é gur muidne an tOibreoir Córais Dáileacháin agus an tOibreoir Córais Clárúcháin Méadair in Éirinn, iarrann an Coimisiún um Rialáil Fóntais in Éirinn (CRU) orainn faisnéis a chur ar fáil, a chomhordú nó a sholáthar do rannpháirtithe sa mhargadh leictreachais chun oibriú na Margaí Leictreachais Miondíola agus Mórdhíola a éascú. Is é an CRU a rialaíonn na riachtanais maidir le roinnt faisnéise sa phróiseas seo. Ní roinntear sonraí faoi ídiú fuinnimh ach amháin le comhpháirtithe sa mhargadh leictreachais más é gur iarr an custaiméir go ndéanfaí amhlaidh trína gcomhlacht soláthair leictreachais.

• Ní roinnfear do shonraí le Tríú Páirtí ach amháin má iarrann tú orainn é sin a dhéanamh: le dlíodóirí nó le hionadaithe eile a fheidhmíonn ar do shon, nó le hinstitiúidí airgeadais chun críocha fíoraithe féiniúlachta digitigh.

• Gníomhairí nó soláthraithe: is daoine nó cuideachtaí iad seo a bhfuil conarthaí againn leo chun táirgí nó seirbhísí a sholáthar a úsáidimid chun ár ngnó a stiúradh, lena n-áirítear bainistiú a dhéanamh ar ár gcaidreamh le custaiméirí. Féadfar a áireamh orthu seo: cuideachtaí a sheolann teachtaireachtaí dár gcustaiméirí, a dhéanann léamh méadair, seirbhísí suiteála agus cothabhála ár sócmhainní, agus cuideachtaí a dhéanann suirbhéanna maidir le sásamh agus taighde custaiméirí. 

• Comhairleoirí gairmiúla: féadfaidh sé go roinnfimid nó go nochtfaimid sonraí pearsanta do chomhairleoirí gairmiúla a fhéadfaimid a fhostú chun aon chríocha réasúnacha i ndáil lenár ngnó, lena n-áirítear cúnamh lenár gcearta a chosaint.

• Comhlachtaí seachtracha eile: i gcúinsí áirithe, d’fhéadfadh sé go gceanglófar orainn le dlí sonraí pearsanta a nochtadh chuig comhlachtaí seachtracha, amhail an Údarás Sláinte agus Sábháilteachta (HSA), údaráis áitiúla, ranna rialtais, an Phríomh-Oifig Staidrimh, na Coimisinéirí Ioncaim, an Coimisiún um Rialáil Fóntais nó An Garda Síochána.

I bhformhór na gcásanna, bíonn ár soláthraithe agus ár bpáirtithe gnó lonnaithe taobh istigh den Limistéar Eorpach Eacnamaíoch (LEE), ach i gcásanna áirithe d’fhéadfadh siad a bheith lonnaithe taobh amuigh den LEE. Ní roinnfimid ná ní nochtfaimid do na páirtithe seo ach amháin an fhaisnéis a theastaíonn uathu chun na táirgí nó seirbhísí a sholáthar, agus iarrfaimid ar na páirtithe sin a chinntiú go ndéanfar an fhaisnéis a chosaint go leordhóthanach i gcónaí. Má aistrítear sonraí pearsanta amach ón LEE, cinntímid go ndéantar na haistrithe sin go léir de réir an dlí cosanta sonraí agus go mbainfidh do shonraí tairbhe as an leibhéal céanna cosanta a bheadh acu agus iad á mbainistiú in Éirinn.

Déanann Oifigeach Cosanta Sonraí Ghrúpa ESB maoirsiú ar bhailiú agus ar úsáid do shonraí ag ESBN. Más mian leat teagmháil a dhéanamh lenár nOifigeach Cosanta Sonraí, is féidir ríomhphost a chur chuig dpo@esb.ie nó teagmháil a dhéanamh tríd an bpost leis an Oifigeach Cosanta Sonraí, ESB, 27 Sráid Mhic Liam Íochtarach, Baile Átha Cliath 2, D02 KT92.

Cé gur gá don ESB d'fhaisnéis phearsanta a ghabháil, a stóráil agus a phróiseáil d’fhonn réimse seirbhísí a chur ar fáil, tá réimse ceart agat lena ráthaítear go ndéanfar bainistiú cuí ar do chuid faisnéise. Tá mioneolas faoi do chearta, an uair atá feidhm leo agus ár bhfreagrachtaí i do leith ar fáil ar ár suíomh gréasáin.

Seo a leanas cuid de na cearta atá agat:

Rochtain a fháil ar d'fhaisnéis phearsanta agus cóipeanna den fhaisnéis sin: tá tú i dteideal cóip a fháil, ach iarratas a dhéanamh atá saor ó tháille, den fhaisnéis phearsanta a bhaineann leat atá á coinneáil againn. Tá roinnt teorainneacha ag baint leis an gceart seo. Mar shampla, má bhaineann na sonraí le duine eile agus mura bhfuil toiliú an duine sin againn, nó má tá na sonraí faoi réir pribhléide dlíthiúla. Sa chás go bhfuil sonraí ann nach bhféadfaimid a nochtadh, míneoimid é seo duit. Chun cóip de do shonraí a iarraidh, seol ríomhphost chuig dpo@esb.ie nó seol litir chuig an Oifigeach Cosanta Sonraí, ESB, 27 Sráid Fitzwilliam Íochtarach, Baile Átha Cliath 2, D02 KT92.

Cinntiú go bhfuil do shonraí cruinn: an aidhm atá againn ná cinntiú go bhfuil na sonraí atá gcoinneáil againn fút cruinn agus suas chun dáta. Ó am go ham, féadfaidh sé go ndéanfaimid teagmháil leat chun an fhaisnéis atá á coinneáil againn a fhíorú. Féadann tú teagmháil a dhéanamh linn chomh maith chun aon earráidí a thugann tú faoi deara a cheartú.

Toiliú a Dheonú nó a Bhaint: sa chás go dteastaíonn do thoiliú le haghaidh aon phróiseála, mar shampla, chun cumarsáid margaíochta dírí a chur ar fáil duit, míneoimid go soiléir céard lena aghaidh atá an toiliú, agus aon iarmhairtí a bhaineann le toiliú a thabhairt nó a dhiúltú, agus déanfaimid foráil nach bhféadtar toiliú a thabhairt ach amháin má fhaightear gníomh dearfach uait. Cinnteoimid chomh maith go mbeidh tú in ann aon toiliú den chineál sin a tharraingt siar ag am ar bith.

Próiseáil ar d'fhaisnéis a shrianadh: tá an ceart agat iarraidh orainn próiseáil ar d'fhaisnéis phearsanta a shrianadh i gcúinsí áirithe, mar shampla, má tá díospóid ann maidir le cearta chun gníomhaíochtaí sonracha próiseála a chur i gcrích, nó sa chás nach mian leat go scriosaimid sonraí. Tabharfaimid freagra pras ar d'iarratas agus cuirfimid míniú ar fáil sa chás nach bhféadaimid comhlíonadh le d’iarratas ina iomláine.

Do shonraí a scriosadh: i gcúinsí áirithe, féadfaidh sé go bhfuil an ceart agat cuid de d'fhaisnéis phearsanta, nó an fhaisnéis uile, a scriosadh ónár dtaifid. Is minic a thugtar “an ceart go ligfí i ndearmad” air seo. Féadfaidh sé seo tarlú, mar shampla, má choinnímid sonraí nach teastaíonn uainn a thuilleadh, nó má tharraingíonn tú toiliú siar. Má tá caidreamh agat linn fós, ní mór dúinn na sonraí a theastaíonn uainn chun an caidreamh seo a bhainistiú a choinneáil. Tabharfaimid freagra pras ar d'iarratas agus cuirfimid cúiseanna ar fáil sa chás go gcuirimid i gcoinne scriosadh a dhéanamh ar aon chuid de do shonraí pearsanta.

Do shonraí a bhogadh: sa chás go bhfuil sé indéanta go gcuirimid ar fáil í, tá an ceart agat cóip dhigiteach a fháil de na sonraí pearsanta a chuir tú ar fáil dúinn.

Más rud é, ar chúis ar bith, go bhfuil gearán agat faoin úsáid a bhainimid as d'fhaisnéis phearsanta, nó má tá tú míshásta ar bhealach ar bith leis an bhfaisnéis a chuirimid ar fáil duit, ba mhaith linn go ndéanfá teagmháil dhíreach linn ionas go bhféadfaimid aghaidh a thabhairt ar do ghearán. Is féidir teagmháil a dhéanamh linn ach na sonraí teagmhála thuas a úsáid. Chomh maith leis sin, is féidir teagmháil a dhéanamh leis an gCoimisiún um Chosaint Sonraí in Éirinn faoi aon ábhar den chineál seo ar 1890 252 231, nó tríd an ríomhphost ag info@dataprotection.ie nó tríd an bpost: An Coimisiún um Chosaint Sonraí, 21 Sráid Mhic Liam Íochtarach, Baile Átha Cliath 2, D02 RD28 . 

Tabharfaimid an fógra príobháideachais seo suas chun dáta ó am go ham. Tabharfaimid fógra maidir le haon athruithe ábhartha atá le déanamh ar ár suíomh gréasáin roimh ré, agus sa chás go bhfuil sé sin cuí, cuirfimid fógra chugat ag baint úsáide as na sonraí teagmhála a choinnímid i do leith chun na críocha seo. Molaimid duit athbhreithniú a dhéanamh ar an bhfógra seo ó am go ham le go mbeifeá ar an eolas faoin gcaoi a n-úsáidimid d'fhaisnéis.

Is éard is fianán ann ná píosa beag sonraí a iarrann suíomh gréasáin ar do bhrabhsálaí é a choinneáil ar do ríomhaire nó ar do ghléas móibíleach.

Cabhraíonn fianáin le suíomhanna gréasáin faisnéis chruinn faoi úsáideoirí na suíomhanna sin a bhailiú.  Ciallaíonn sé seo i gcoitinne go bhfuil sé níos éasca ort an gréasán a bhrabhsáil agus eispéireas pearsanta a bheith agat.

Déanann fianáin roinnt mhaith tascanna riachtanacha.  Mar shampla, déanann fianáin fhíordheimhnithe an t-úsáideoir a aithint nuair a dhéanann sé nó sí iarracht logáil isteach ar chuntas.  Cuireann cineálacha eile d’fhianáin de chumas ort siopadóireacht a dhéanamh ar líne agus míreanna a stóráil de réir mar a chuireann tú iad isteach i do chiseán siopadóireachta fíorúil.

Is féidir le fianáin a bheith sealadach (fianán seisiúin) nó buan (fianán seasmhach).

Stóráiltear fianáin sheisiúin i gcuimhne shealadach do ghléis - seachas ar an tiomántán crua - le linn duit a bheith ag brabhsáil ar shuíomh gréasáin.  Is gnách a scriostar na fianáin seo nuair a dhúnann tú an brabhsálaí.  Dá mbeifeá leis an mbrabhsálaí a athoscailt agus cuairt a thabhairt ar an suíomh gréasáin arís, ní ‘chuimhneodh’ an suíomh gur thug tú cuairt air roimhe seo.  Bíonn fianáin sheisiúin fós gníomhach go dtí go bhfágann tú an suíomh.

Stóráiltear fianáin dhianseasmhacha ar do thiomántán crua, agus bíonn siad dianseasmhach ó sheisiún go seisiún go dtí go scriosann tú iad, nó go dtí go mbaineann siad dáta socraithe éaga amach.  Féadtar faisnéis a stóráil i bhfianáin dhianseasmhacha, amhail sonraí logála isteach, leabharmharcanna, sonraí cárta creidmheasa agus socruithe agus téamaí roghnaithe – rud a chiallaíonn go mbíonn eispéireas níos tapúla agus níos réidhe agat ar líne.

An Chéadpháirtí: Cuirimid fianán ar do ghléas agus is muidne amháin a bhaineann úsáid as an bhfianán. Tá sonraí faoi fhianáin ESB Networks le fáil inár socruithe fianán.

Tríú Páirtí: Fianáin ar le heagraíochtaí eile iad (mar shampla ár gcomhpháirtithe fógraíochta) agus a úsáidtear ar ár suíomh gréasáin agus ar ár bhfeidhmchláir. Tá sonraí faoi fhianáin tríú páirtí le fáil inár socruithe fianán.

Chun liostaí fianán ESB Networks a fheiceáil: (cliceáil anseo)

Féadtar na fianáin ar ár suíomh gréasáin a ghrúpáil de réir ceithre chatagóir éagsúla.

Fianáin a bhfuil fíorghá ag baint leo: tá siad seo riachtanach le cur ar do chumas gluaiseacht timpeall ár suíomh gréasáin agus na gnéithe atá ann a úsáid.  Murach na fianáin seo, ní bheimis in ann na seirbhísí a d'iarr tú a chur ar fáil duit.

Fianáin Feidhmiúlachta: cuireann siad ar chumas ár suíomh gréasáin cuimhneamh ar na roghanna a rinne tú agus cabhrú chun eispéireas feabhsaithe agus níos pearsanta a chur ar fáil duit ar ár suíomh gréasáin.

Fianáin Feidhmíochta: cabhraíonn siad linn feabhas a chur ar ár suíomh gréasáin agus ar ár seirbhísí ar líne.  Bailíonn na fianáin seo faisnéis faoin gcaoi a bhfuil ár suíomh á úsáid, lena n-áirítear na leathanaigh sin is minice a dtugtar cuairt orthu.  Cabhraíonn sé seo linn eispéireas níos fearr a chur ar fáil d'úsáideoirí.  Tá na fianáin seo anaithnid – rud a chiallaíonn nach mbaileoidh siad faisnéis chun thú a aithint. Úsáidimid seirbhísí anailíse gréasáin amhail Google Analytics 4 agus Hotjar.

Fianáin Dhírithe agus Fógraíochta: úsáidtear na fianáin seo chun cuidiú linn tuiscint níos fearr a fháil ar ár bhfeachtais fógraíochta agus conas iad a dhéanamh níos ábhartha duit.  Féadfaidh ár gcomhpháirtithe fógraíochta na fianáin seo a shocrú trínár suíomh gréasáin. Féadfaidh na cuideachtaí sin iad a úsáid chun próifíl de na suimeanna atá agat a chur le chéile agus, bunaithe ar an eolas seo, fógraí ábhartha ar shuíomhanna eile a thaispeáint duit. 

Is féidir lenár suíomh gréasáin fianáin a sheoladh chuig do bhrabhsálaí gréasáin má cheadaíonn sainroghanna do bhrabhsálaí é.  Déanann mórán suíomhanna gréasáin é seo nuair a thugann úsáideoir cuairt orthu d’fhonn sreafaí tráchta ar líne a rianú. 

Déantar fianáin a mheasaimid go bhfuil fíorghá a chumasú má mheasaimid go bhfuil feidhmíocht ár suíomhanna agus ár bhfeidhmchlár gréasáin ag brath orthu. Éilíonn gach fianán eile a úsáidtear ar shuíomhanna gréasáin ESBN, lena n-áirítear tairseach cuntas custaiméirí, go ndéanfaí fianáin a chumasú.   Féadfaidh tú toiliú a thabhairt chun na fianáin seo a chumasú trí chliceáil ar “glac le gach fianán” nó toiliú a thabhairt d’úsáid catagóirí fianán ar leith trí chliceáil ar “socruithe fianáin” agus do rogha a shábháil.  Má dhéanann tú fianáin a dhíchumasú, féadfaidh sé nach mbeidh tú in ann leas a bhaint as cuid dár seirbhísí ar líne.  Má bhaineann tú úsáid as an suíomh gréasáin gan na socruithe a athrú, glacfaimid leis go bhfuil tú sásta na fianáin uile a fháil ar shuíomh gréasáin ESBN.

Nuair atá rogha déanta agat Fianáin Feidhmíochta nó Fianáin Dhírithe agus Fógraíochta a chumasú, féadfaidh do shonraí a roinnt leis na meáin shóisialta, le comhpháirtithe fógraíochta agus anailíseacha chun críocha anailíseacha agus/nó fógraíocht ábhartha a thaispeáint duit. Féadfaidh faisnéis a bhailíonn ár gcomhpháirtithe a stóráil ar a bhfreastalaithe, a d’fhéadfadh a bheith lonnaithe i dtríú tíortha. Tá liosta iomlán dár gcomhpháirtithe fógraíochta agus anailíseacha, agus ár gcomhpháirtithe sna meáin shóisialta le fáil faoi “Socruithe Fianán” ar ár suíomh gréasáin. Is féidir leat do chuid roghanna fianáin a athrú ag am ar bith tríd an nasc “Socruithe Fianáin” ar ár suíomh gréasáin.

Is féidir fianáin a rialú agus a scriosadh araon de réir mar is mian leat. Is féidir gach fianán atá ar do ríomhaire anois a scriosadh agus is féidir socruithe a chur i bhfeidhm ar fhormhór na mbrabhsálaithe chun iad a chosc. Má dhéanann tú é seo, áfach, féadfaidh sé go mbeidh ort coigeartú a dhéanamh ar roinnt sainroghanna gach uair a thugann tú cuairt ar shuíomh gréasáin agus féadfaidh sé nach n-oibreoidh roinnt seirbhísí agus feidhmeanna dá bharr.