Ceisteanna Coitianta

• Cad atá bainte amach faoin gclár go dtí seo agus an bhfuil pleananna seachadta leagtha amach ag an gclár?
• Tá pleananna seachadta an Chláir ‘Líonra Náisiúnta, Naisc Áitiúla’ ar fáil lena léamh anseo.
• Ó seoladh in 2021 é, thugamar isteach na chéad mhargaí solúbthachta áitiúla in Éirinn agus rinneamar an tsolúbthacht a mhéadú chun réitigh nua um shlándáil an tsoláthair a chur ar fáil.
  

• Le linn an chláir, chuireamar táirgí, seirbhísí agus tionscnaimh éagsúla ar fáil. Ina measc siúd, tá: 
• Cruthú na gcéad mhargaí solúbthachta áitiúla lena mbaineann réitigh solúbtha neamhshreinge. Tá na margaí seo á n-úsáid anois chun éileamh áitiúil ar an ngréasán leictreachais a bhainistiú agus chun ligean dúinn freagairt níos éifeachtaí a thabhairt ar lochtanna nó bristeacha líonra i dtrí shuíomh ar fud na tíre.
• Rialacha nua a fhorbairt maidir le margadh solúbthachta chun é a dhéanamh níos éasca do chustaiméirí páirt a ghlacadh sna chéad táirgí solúbthachta sin.
• Táirgí um éileamh solúbtha a thabhairt isteach do chustaiméirí tráchtála agus custaiméirí tí chun cabhrú le tacaíocht a thabhairt do chinnteacht an tsoláthair fuinnimh sna geimhrí atá le teacht.
• Teicneolaíocht nua a dhéanann éileamh agus giniúint a thuar chun é a dhéanamh níos éasca do chustaiméirí páirt a ghlacadh sa mhargadh mórdhíola agus Seirbhísí Córais DS3. 
• Monatóireacht, samhaltú agus mapáil líonra ísealvoltais feabhsaithe a dhéanamh ionas go mbeidh coinníollacha líonra áitiúil níos infheicthe. Cuidíonn sé seo le tithe agus le custaiméirí gnóthas beag páirt a ghlacadh i solúbthacht ar scála amach anseo.
• Forbairt chomhpháirteach ar shamhail oibriúcháin eangaí don todhchaí a chur chun cinn, bealaí oibre leis an eangach a chomhaontú don todhchaí – lena n-áirítear prótacail nua agus prótacail fheabhsaithe maidir le (i) monatóireacht agus réamhaisnéis, (ii) oibríochtaí margaidh, (iii) pleanáil oibriúcháin, agus (iv) gníomhachtú, seachadadh, agus athsheachaddh. 

• Chuaigh aiseolas ó pháirtithe leasmhara agus ó chustaiméirí i bhfeidhm go mór ar ár bplean ilbhliantúil a foilsíodh in 2023 (leagtha amach anseo). Leanfaidh an Clár ‘Líonra Náisiúnta, Naisc Áitiúla’ ar aghaidh ag cur táirgí agus seirbhísí solúbtha nua ar fáil i gcomhpháirtíocht le páirtithe leasmhara agus eagraíochtaí. Féachfaidh ár dtionscnaimh taighde custaiméara, oideachais agus earcaíochta le rannpháirtíocht agus feasacht custaiméirí ar na táirgí agus na seirbhísí seo a mhéadú. Tá tuilleadh eolais faoi sholúbthacht le fáil anseo.
• Tá na garspriocanna seo a leanas i measc na ngarspriocanna atáimid ag iarraidh a bhaint amach faoi láthair: 
• Táirge nua a sheoladh chun solúbthacht atá suíomhshonrach agus meántréimhseach (mar shampla suiteálacha stórála tráchtála) a spreagadh trí chonarthaí ilbhliantúla. 
• Táirgí nua a sheoladh a dhíríonn ar éileamh solúbtha ó úsáideoirí ollmhóra fuinnimh, ó chustaiméirí tionsclaíochta nó ó chustaiméirí tráchtála a bhfuil saoráidí teasa leictreacha acu faoi láthair nó beartaithe acu.
• Ceanglais chaighdeánacha teicneolaíochta um ullmhacht solúbthachta a thabhairt isteach le haghaidh suiteálacha iompair leictreacha nua, lena n-áirítear luchtairí feithiclí leictreacha poiblí agus príobháideacha.
• Forbairt tosaigh a dhéanamh ar tháirgí trasearnála, ag tosú le hanailís chomhoibríoch chun an acmhainneacht le haghaidh cúpláil leictreachais-gáis, leictreachais-teasa, leictreachais-iompair agus leictreachais-uisce a shainaithint.
• Bealaí chuig an margadh a chruthú do phobail fuinnimh le bheith rannpháirteach i margaí áitiúla solúbthachta.
• Naisc solúbtha a thabhairt isteach do chustaiméirí stórála agus éilimh.

Cuirfidh an clár Líonra Náisiúnta, Naisc Áitiúla ar ár gcumas le himeacht ama nasc níos gasta nó níos saoire a chur ar fáil do chustaiméirí atá ag iarraidh teicneolaíochtaí nua a nascadh (mar shampla gineadóirí in-athnuaite nó pointí luchtaithe d’fheithiclí leictreacha) má tá siad sásta a n-éileamh nó a n-aschur leictreachais a athrú ó am go chéile bunaithe ar na dálaí ar an gcóras áitiúil leictreachais. Fágfaidh sé freisin go mbeidh tithe, feirmeacha, gnóthais agus pobail in ann deiseanna a thapú le híocaíocht a fháil as a n-éileamh nó a n-aschur leictreachais a athrú bunaithe ar na dálaí ar an gcóras leictreachais.

I gceantair phíolótacha ar leith, beidh an deis ag custaiméirí gnó páirt a ghlacadh i nglaonna chun tairisceana ó dheireadh 2021 ar aghaidh. I gceantair phíolótacha ar leith, beidh an deis ag custaiméirí tí agus feirme páirt a ghlacadh agus beidh daoine á n-earcú ó dheireadh 2022 ar aghaidh. D'fhéadfaí tús a chur le rolladh amach níos leithne ag deireadh 2024, a chuirfeadh ar chumas tithe, feirmeacha agus gnóthas leas a bhaint as na deiseanna nua seo, ach ní dhéanfar an cinneadh cibé acu infheistíocht a dhéanamh nó gan í a dhéanamh ach amháin tar éis breathnú ar na tuairimí a chuirfidh ár bpáirtithe leasmhara in iúl inár gcomhairliúchán i Ráithe 4 2021.

Ní bheidh. Ceann de phríomhbhuntáistí an chláir ‘Líonra Náisiúnta, Naisc Áitiúla’ ná go gcuireann sé deiseanna ar fáil do thithe agus do ghnólachtaí nach bhfuil a gcumas giniúna féin acu páirt a ghlacadh. Custaiméirí a bheadh sásta a n-éileamh ar leictreachas a athrú ó am go chéile, nuair a bhíonn barrachas (nó ganntanas) fuinnimh in-athnuaite ann sa cheantar, cuir i gcás, beidh siadsan in ann páirt a ghlacadh freisin.

Braithfidh sé sin ar:

• Do sholáthraí leictreachais nó do chuideachta bainistíochta fuinnimh
• Cibé acu atá luchtaire nó inbhéartóir "cliste" agat cheana féin nó nach bhfuil
• Na teicneolaíochtaí atá agat i do theach cheana féin

Oibreoimid as lámha a chéile le soláthraithe leictreachais agus le cuideachtaí fuinnimh d’fhonn iad a spreagadh le tairiscintí simplí, caighdeánacha a chur ar fáil do chustaiméirí a bhfuil riachtanais agus dálaí éagsúla acu ó thaobh fuinneamh tí de.

Ó Mheán Fómhair 2021, tá sraith de chomhairliúcháin phoiblí eisithe ag an gClár ‘Líonra Náisiúnta, Naisc Áitiúla’ de chuid ESB Networks a chuir bonn eolais faoi threoir an chláir, lena n-áirítear, mar shampla, cé leis a mbeimid ag plé, conas a dhéanfar an plé sin, agus an luas agus na háiteanna a mbeidh an clár á chur i bhfeidhm.

Beidh neart deiseanna ann páirt a ghlacadh i gcláir phíolótacha. Sa cheathrú ráithe in 2021, sheolamar an chéad ghlao ar thairiscintí. Táimid ag moladh do chuideachtaí fuinnimh plé go díreach le custaiméirí a bheadh sásta páirt a ghlacadh i gcláir phíolóta a bheidh beo ó go mall in 2022. Sa ghlao ar thairiscintí in 2021-2022, is dócha nach mbeidh ach custaiméirí tráchtála ábalta páirt a ghlacadh, ar chúiseanna teicniúla. I rith na tréimhse go luath in 2022, rachaidh ESB Networks i mbun plé leatsa agus leis an gcuideachta fuinnimh atá agat maidir le riachtanais theicniúla agus teicneolaíochta don chlár píolótach a shásamh. 

In 2022, beimid ag seoladh tuilleadh glaonna ar thairiscintí. Arís, beimid ag moladh do chuideachtaí fuinnimh dul i mbun plé le custaiméirí sna háiteanna a mbeidh na cláir ar siúl agus tograí nuálacha éifeachtacha a fhorbairt chun freastal ar riachtanais theicniúla an chustaiméara. Sa ghlao ar thograí in 2022, beimid sa tóir go gníomhach ar thograí a mbeidh custaiméirí tí páirteach iontu.

Tá go leor deiseanna ann chun páirt a ghlacadh, mar shampla: 

Trí nascadh leis an eangach agus leictreachas in-athnuaite a ghiniúint. Ceann de na príomhchuspóirí atá leis an gClár ‘Líonra Náisiúnta, Naisc Áitiúla’ ná feabhas a chur ar éascaíocht agus luas na rochtana ar an nginiúint in-athnuaite nua. Más mian leat tuilleadh eolais a fháil faoi seo, déan teagmháil linn ag engagement@esbnetworks.ie. 

Is féidir leat páirt a ghlacadh inár dtionscnaimh. Is féidir le custaiméirí tí agus custaiméirí tráchtála leictreachais, mar shampla, a bheith páirteach trí laghdú a dhéanamh ar a n-úsáid leictreachais le linn buaic-uaireanta agus Buaic-Imeachtaí. 

Chun tuilleadh eolais a fháil faoinár bhfeachtas ‘An am maith é seo’, cliceáil anseo

Chun tuilleadh eolais a fháil faoinár dtionscnaimh ‘Beir Bua ar an mBuaic – Gnó’, cliceáil anseo. 

Fáiltímid roimh aiseolas agus táimid ag lorg custaiméirí agus páirtithe leasmhara i gcónaí le bheith páirteach trí chur lenár gcomhairliúcháin phoiblí. Tá tuilleadh eolais le fáil anseo faoi na comhairliúcháin.

Ó thaobh an tionscail fuinnimh de, fágfaidh sé seo go mbeidh deiseanna ann seirbhísí a chur ar fáil do thomhaltóirí agus úsáid níos mó a bhaint in Éirinn as an bhfuinneamh inathnuaite. Molfar do sholáthraithe, comhiomlánóirí agus cuideachtaí bainistithe fuinnimh tairiscintí nua do chustaiméirí a fhorbairt. Molfar do lucht ginte fuinnimh leas a bhaint as tairiscintí nua nasctha agus páirt a ghlacadh i margaí áitiúla, freagairt don éileamh agus stóráil, d’fhonn seoladh a laghdú.

Tá seans ann go mbeidh solúbthacht ann chun réiteach luachmhar a thairiscint ar réimse de dhúshláin éagsúla sna blianta atá le teacht. I gceantair áirithe, beidh solúbthacht ó thaobh an éilimh ag teastáil ionas nach gá an ghiniúint inathnuaite a laghdú agus aimsir ghrianmhar nó ghaofar ann. I gceantair eile, beidh solúbthacht ó thaobh an éilimh ag teastáil chun tacú le córas slán éifeachtúil leictreachais a fheidhmiú áiteanna a mbíonn cuid mhór carranna leictreacha á luchtú. Sa cheathrú ráithe in 2021, rinneamar réamh-mheastacháin mhionsonraithe ilbhliantúla a fhoilsiú leis na cineálacha solúbthachta agus leis an oiread solúbthachta a bhainfeadh amach luach do chustaiméirí agus don chóras leictreachais, thar thréimhse ilbhliantúil.

Beidh gá le córas ar thaobh an tomhaltóra agus ar thaobh an tionscail le go mbeidh ESB Networks in ann feidhmiú solúbtha ar na líonraí áitiúla a bhainistiú go slán sábháilte. Tá ESB Networks freagrach as na córais rialaithe oibriúcháin a chur i bhfeidhm mar aon leis an ardán margaidh a bheidh de dhíth chun tacú leo sin. Tá ESB Networks ag moladh go gníomhach do sholáthraithe fuinnimh agus do chuideachtaí bainistíochta fuinnimh (“comhiomlánóirí” san áireamh, mar shampla) na teicneolaíochtaí bainistíochta fuinnimh cuí a chur isteach ar thaobh an chustaiméara.

Tá treochlár beartaithe um sholáthar foilsithe againn mar fhreagairt ar na freagraí comhairliúcháin a fuaireamar agus tá sé ar fáil anseo.

Gné thábhachtach dúinn agus cláir á gcur i bhfeidhm againn is ea fadhbanna reatha a bhaineann le toilleadh na heangaí. Más rud é go bhfuil suíomhanna faoi leith faoi bhrú faoi láthair, tugtar tús áite dóibh sin le go mbeidh siad mar chuid de ghníomhaíochtaí píolótacha sna blianta atá le teacht. Táimid ag tabhairt faoin obair sin taobh leis na cláir atá ar bun ag ESB Networks faoi láthair leis an líonra a uasghrádú, a fhágfaidh go gcuirfear an toilleadh agus an chosaint ar fáil do chustaiméirí go tráthúil éifeachtúil.

Ceann de chuspóirí atá ag an gclár Líonra Náisiúnta Naisc Áitiúla ná éascaíocht agus luas na rochtana fheabhsú don ghiniúint inathnuaite nua, idir scála na micrighineadóirí go scála an fhóntais, ar na bealaí seo:

• Rochtain níos tapúla nó níos saoire a chur ar fáil ar ghineadóirí do pháirtithe a bheadh sásta a n-aschur a laghdú ó am go chéile faoi choinníollacha áirithe don líonra áitiúil
• Margaí solúbthachta logánta a thabhairt isteach ina mbeifí in ann freagairt don éileamh nó stóráil a fhoinsiú ionas le nach gá an ghiniúint a ísliú agus, mar sin, laghdú a bhaint amach ar a mhéad agus a mhinice a ndéantar gineadóirí inathnuaite a ísliú

Tabharfar iad sin isteach mar chuid de chláir phíolótacha ó 2023 ar aghaidh.

Tá údarás ag an gCoimisiún um Rialáil Fóntas (ní ESB Networks) cur chuige “bosca gainimh” a thabhairt nuair is gá. Má bhíonn cásanna ann ina bhfágfadh a leithéid go mbeimis in ann tabhairt faoi ghníomhaíochtaí tráthúla píolótacha, rachaidh ESB Networks i mbun plé leis an gCoimisiún de réir mar is iomchuí.

Gabhann ESB Networks air féin go gcuirfear an Clár ‘Líonra Náisiúnta, Naisc Áitiúla’ chun feidhme i gcomhréir le gach dlí príobháideachais sonraí is infheidhme, agus go mbeidh gach sonra pearsanta a bhaineann le custaiméirí slán sábháilte.