Rialachais

Faoi shocruithe rialála arna bhfaomhadh ag an gCoimisiún um Rialáil Fóntas (CRU), is iad baill foirne de chuid ESB atá sannta d’aonad gnó ESB Networks, arna bhainistiú ag ESB Networks CGA (fochuideachta de chuid ESB), a dhéanann feidhmeanna ceadúnaithe ESB a chomhlíonadh mar úinéir na líonraí tarchurtha agus dáilte in Éirinn (Úinéir na Sócmhainní Tarchurtha agus Úinéir na Sócmhainní Dáilte). Comhlíonann aonad gnó ESB Networks feidhmeanna ESB Networks CGA mar an tOibritheoir Ceadúnaithe Córais Dáilte, leis. Tá tuilleadh faisnéise maidir leis na socruithe rialála sin (mar aon le cóipeanna de na ceadúnais iomchuí) ar fáil anseo

Tá tuilleadh eolais agus íoslódálacha dár gceadúnais, dár gcóid agus dár mbeartais leagtha amach thíos:

Cód Eangaí | Íoslódáil PDF

Cód Dáileacháin ESB Networks

ESB Networkd Cód Iompair um Chomhlíonadh | Íoslódáil PDF 

Ár gCód - An bealach a oibrímid | Íoslódáil PDF

Brústocaireacht BSL

Rochtain ar Fhaisnéis faoin gComhshaol agus RGCS ESB Networks  

ESB Networks agus Saoráil Faisnéise

Cóid Rialachais agus Beartais Ghrúpa

Deartar rialuithe inmheánacha chun a chinntiú go ndéantar na rudaí cearta, ar na cúiseanna cearta, ar an mbealach ceart, agus ag an am ceart. Ceaptar iad chun dearbhú réasúnta a thabhairt go ndéantar rioscaí a bhainistiú go cuí, agus go mbaintear cuspóirí amach. Déantar é seo trí bheartais, nósanna imeachta, treoirlínte oibriúcháin, treoracha, córais faisnéise agus próisis mhonatóireachta agus tuairiscithe.

Cé atá freagrach as Córas Rialaithe Inmheánaigh ESB Networks?

Tá freagracht iomlán ar Bhord ESB Networks CGA as athbhreithniú a dhéanamh ar bhonn bliantúil ar chóras rialuithe inmheánacha na Cuideachta (lena n-áirítear rialuithe airgeadais), agus as monatóireacht a dhéanamh ar a n-éifeachtúlacht.

Rialú Inmheánach

Tá an córas rialaithe inmheánaigh deartha chun cinnteacht réasúnta, ach ní ráthaíocht iomlán, a thabhairt i gcoinne riosca de mhíráitis ábhartha nó caillteanas. Chun a chinntiú go gcomhlíonann na rialuithe inmheánacha an reachtaíocht agus na rialacháin, tá struchtúr eagraíochtúil bunaithe lena mbaineann nósanna imeachta soiléire oibriúcháin agus tuairiscithe, línte freagrachta, teorainneacha údaraithe, leithscaradh dualgas agus údarás tarmligthe.

Creat Rialuithe Inmheánacha ESB Networks

Áirítear na nithe seo a leanas inár gcreat; 

• Cód Iompair Bord ESB Networks CGA | Íoslódáil PDF  a éilíonn ar gach comhalta Boird agus gach fostaí de chuid ESB Networks CGA na caighdeáin eiticiúla is airde a choinneáil agus iad i mbun gnó. 
• Struchtúr eagraíochtúil atá sainithe go soiléir agus lena mbaineann teorainneacha údaráis agus sásraí sainithe maidir le tuairisciú chuig leibhéil níos airde bainistíochta agus chuig Bord ESB Networks CGA a thacaíonn chun timpeallacht rialaithe láidir a chothabháil.
• Creat rialachais ESB Networks lena n-áirítear anailís riosca, athbhreithniú ar rialú airgeadais agus ráitis fhoirmiúla bliantúla um chomhlíonadh rialachais ó Stiúrthóir Bainistíochta ESB Networks.
• Sraith chuimsitheach beartas agus nósanna imeachta maidir le rialuithe oibriúcháin agus airgeadais.
• Bíonn faomhadh Bhord ESB Networks CGA ag teastáil de réir na leibhéal údaráis tharmligthe, agus déantar monatóireacht ghéar orthu ar bhonn leanúnach.
• Córais chuimsitheacha buiséadaithe lena mbaineann buiséad bliantúil arna fhaomhadh ag Bord ESB Networks CGA agus Bord BSL.
• Córas cuimsitheach tuairiscithe airgeadais.
• Seirbhís líne cabhraí rúnda BSL chun bealach rúnda, gan ainm más gá, a sholáthar don fhoireann chun calaois nó imní eiticiúil a thuairisciú.
• Beartas um Sceithireacht agus Nochtadh Cosanta
• Beartas Frithbhreabaireachta, Éillithe agus Calaoise

Monatóireacht ar Rialú Inmheánach

 Déanann niúchadh Inmheánach Ghrúpa BSL athbhreithniú córasach ar na rialuithe seo. Sna hathbhreithnithe seo, cuirtear béim ar na réimsí is mó riosca. Cinntíonn Bord ESB Networks CGA go bhfuil córas éifeachtach rialaithe inmheánaigh i bhfeidhm ar a ndéantar athbhreithniú agus monatóireacht ar bhonn rialta. Áirítear na nithe seo a leanas sa phróiseas a dhéanann athbhreithniú ar éifeachtúlacht an chórais rialaithe inmheánaigh:

• Feidhm ainmnithe bainistíochta riosca in ESB Networks. 
• Athbhreithniú agus breithniú a dhéanamh ar an bpróiseas athbhreithnithe riosca leathbhliantúil agus ar na nuashonruithe rialta ar bhainistíocht riosca.
• Athbhreithniú agus breithniú a dhéanamh ar dheimhniúcháin ón mbainistíocht ar oibriú sásúil agus éifeachtach na gcóras rialaithe inmheánaigh, idir chórais airgeadais agus chórais oibriúcháin.
• Athbhreithniú a dhéanamh ar chlár Iniúchta Inmheánaigh Ghrúpa BSL agus breithniú a dhéanamh ar a gcuid torthaí agus tuarascálacha.
• Chomh maith leis sin, tuairiscíonn Iniúchadh Inmheánach Ghrúpa BSL do Bhord ESB Networks CGA dhá uair sa bhliain maidir le stádas na saincheisteanna a ardaíodh roimhe sin óna dtuarascálacha féin agus ó thuarascálacha an iniúchóra sheachtraigh.

Athbhreithniú a dhéanamh ar thuarascálacha an iniúchóra sheachtraigh ina leagtar amach sonraí de shaincheisteanna rialaithe suntasacha a aithníodh, ag éirí as a chuid oibre mar iniúchóir. 

Tá bainistíocht riosca éifeachtach ríthábhachtach chun cuspóirí straitéiseacha ESB Networks a bhaint amach agus fás inbhuanaithe fadtéarmach an ghnó a chinntiú. I bhfianaise na n-athruithe gasta atá ar siúl in ESB Networks, tá sé níos tábhachtaí fós athmheasúnú a dhéanamh ar na rioscaí ar bhonn leanúnach agus straitéisí soiléire a chur i bhfeidhm chun iad a bhainistiú. Tá freagracht iomlán ar Bhord ESB Networks CGA as cur chuige ESB Networks i leith riosca, d’fhonn é féin a shásamh go bhfuil na córais bhainistíochta riosca a úsáidtear láidir agus inchosanta.

Go sonrach, tá Bord ESB Networks CGA freagrach as:

• chuige na Cuideachta i leith riosca d’fhonn í féin a shásamh go bhfuil na córais bhainistíochta riosca a úsáidtear sa Chuideachta láidir agus inchosanta.
• Tá freagracht iomlán ar Bhord ESB Networks CGA as athbhreithniú a dhéanamh, ar bhonn bliantúil, ar chóras rialuithe inmheánacha na Cuideachta (lena n-áirítear rialuithe airgeadais), agus as monatóireacht a dhéanamh ar a n-éifeachtúlacht.

Is mian le Bord DAC ESB Networks a chinntiú go bhfuil scileanna agus inniúlachtaí bainistíochta riosca leodhóthanach ar fáil sa ghnó agus go mbaintear leas as eolas agus taithí na foirne ar fad in ESB Networks a thuigeann na rioscaí a bhaineann le hoibríochtaí.

Is mian le Bord DAC ESB Networks a chinntiú go bhfuil scileanna agus inniúlachtaí bainistíochta riosca leodhóthanach ar fáil sa ghnó agus go mbaintear leas as eolas agus taithí na foirne ar fad in ESB Networks a thuigeann na rioscaí a bhaineann le hoibríochtaí.

Chun tuilleadh eolais a fháil ar ár bpróifíl riosca agus inghlacthacht riosca, léigh an tuarascáil bhliantúil is déanaí ó Bhord Soláthair an Leictreachais (2022)  esb-2022-annual-report-and-financial-statements.pdf

Chun tuilleadh eolais a fháil ar Inbhuanaitheacht agus Gníomhú ar son na hAeráide in ESB Networks, féach Gníomhú ar son na hAeráide agus Inbhuanaitheacht (esbnetworks.ie).

Tá sé ina bheartas ag BSL feidhm Iniúchta Inmheánaigh Ghrúpa BSL a fheidhmíonn de réir na gcaighdeán idirnáisiúnta is fearr a chur i bhfeidhm, agus tacaíocht a thabhairt di. Is feidhm neamhspleách oibiachtúil dearbhaithe agus chomhairliúcháin é Iniúchadh Inmheánach Ghrúpa BSL a bhfuil sé de chúram uirthi athbhreithniú a dhéanamh ar ghníomhaíochtaí na cuideachta thar gach réimse laistigh de Ghrúpa BSL, lena n-áirítear ESB Networks. Úsáideann Bord agus bainistíocht ESB Networks CGA an tseirbhís seo chun éifeachtacht na bpróiseas bainistíochta riosca, rialaithe agus rialachais in ESB Networks a mheas agus a fheabhsú. Tuairiscíonn Iniúchadh Inmheánach Ghrúpa BSL do Bhord ESB Networks CGA dhá uair sa bhliain maidir le stádas na saincheisteanna a ardaíodh roimhe sin óna dtuarascálacha féin agus ó thuarascálacha na n-iniúchóirí seachtracha. 

Chun Cairt Iniúchadh Inmheánach Ghrúpa BSL a léamh, níl le déanamh ach an nasc thíos a íoslódáil.

esb-group-internal-audit-charter-2022.pdf

Gníomhaíochtaí Brústocaireachta

I gcomhréir le Luachanna ESB Networks, déanaimid ár ndícheall oibriú ar bhealach a léiríonn ár gcuid ionracais, ag cloí le dlíthe agus rialacháin na hÉireann i gcónaí. Tá ESB Networks tiomanta dár ngníomhaíochtaí a dhéanamh ar bhealach oscailte trédhearcach.

Socruithe Trédhearcachta in Éirinn

Tá gníomhaíochtaí brústocaireachta in Éirinn faoi rialú ag an Acht um Brústocaireacht a Rialáil, 2015 (“an tAcht”).  Agus é ina chuideachta thráchtála leathstáit, bíonn ESB Networks i dteagmháil go rialta le reachtóirí agus le hoifigigh phoiblí eile maidir le hábhair a mbíonn tionchar acu ar ár ngnó.  Má ghlacann ESB Networks páirt i ngníomhaíochtaí brústocaireachta ar gá iad a nochtadh faoin Acht, tugtar faoi na gníomhaíochtaí sin ar bhealach trédhearcach agus de réir cheanglais an Achta.  Tá ESB Networks, mar chuid de Ghrúpa BSL, tar éis clárú leis an gCoimisiún um Chaighdeáin in Oifigí Poiblí agus déantar sonraí faoi ghníomhaíochtaí brústocaireachta ESB Networks a thuairisciú agus a chur ar fáil go poiblí trí chlár brústocaireachta an Choimisiúin um Chaighdeáin in Oifigí Poiblí. 

Trédhearcacht agus an AE

Ar leibhéal an AE, tá oibleagáidí trédhearcachta ar leith i bhfeidhm. Faoi na hoibleagáidí seo, éilítear ar eagraíocht clárú ar Chlár Trédhearcachta an AE más mian le lucht na heagraíochta sin tionchar a imirt ar cheapadh nó ar chur chun feidhme bheartais agus phróisis cinnteoireachta institiúidí an AE, agus má thugann an eagraíocht faoi aon cheann de na gníomhaíochtaí ábhartha. Chláraigh ESB Networks, mar chuid de Ghrúpa BSL, ar Chlár Trédhearcachta an AE agus mar sin, nochtar ar ardán an AE clár oibre teagmhálacha ar bith a bhíonn ann le hionadaithe ábhartha an AE, agus cuirtear aighneachtaí comhairliúcháin AE ar fáil chomh maith maidir le maoiniú nó deontas ar bith a fhaightear ar bhonn bliantúil.

Feidhmíonn ESB Networks laistigh de Scéim Teanga mar chuid de Ghrúpa BSL. Déanaimid ár ndícheall ceanglais an Achta a chomhlíonadh agus ár seirbhísí agus ár gcumarsáid a sholáthar dá réir sin.

In ESB Networks, is mór againn do phríobháideachas agus táimid tiomanta go hiomlán do do chuid faisnéise a choinneáil príobháideach. Ó thaobh faisnéis phearsanta a sholáthar agus a choinneáil, tá cearta suntasacha agatsa mar aon le freagrachtaí suntasacha a bheith orainne.

Tá sé tábhachtach go bhfuil a fhios agat go díreach mar a dhéanaimid leis an bhfaisnéis phearsanta a chuireann tú féin agus daoine eile ar fáil dúinn, na cúiseanna a bhailímid í agus an bealach a théann sé go léir i bhfeidhm ortsa. Chun tuilleadh eolais a fháil faoin gcaoi a ndéanann ESB Networks do shonraí pearsanta a bhainistiú, féach ar an mír Cosaint Sonraí (esbnetworks.ie) ar shuíomh gréasáin ESB Networks.

Más mian leat cóip de do shonraí a fháil, comhlánaigh iarratas agus cuir isteach é trínár bhfoirm iarratais ar líne.

Sonraí Teagmhála an Oifigigh Chosanta Sonraí:

Ríomhphost: dpo@esb.ie

Seoladh Poist: Oifigeach Cosanta Sonraí, BSL, 27 Sráid Mhic Liam Íochtarach, Baile Átha Cliath 2D02 KT9.

Rialacháin CE (Rochtain ar Fhaisnéis faoin gComhshaol) 2014 – 2018

Is údarás poiblí é ESB Networks CGA chun críocha Rialacháin na gComhphobal Eorpach (Rochtain ar Fhaisnéis faoin gComhshaol), 2007-2018. Faoi na Rialacháin um Rochtain ar Fhaisnéis faoin gComhshaol, tá tú i dteideal rochtain a iarraidh ar fhaisnéis faoin gcomhshaol atá á coinneáil ag ESB Networks CGA nó thar ceann ESB Networks CGA.

Chun tuilleadh eolais a fháil faoi Rochtain ar Fhaisnéis faoin gComhshaol, féach ar an gcéad leathanach eile ar ár suíomh gréasáin Iarratais ar Fhaisnéis Chomhshaoil (esbnetworks.ie).

Saoráil faisnéise

Baineann an tAcht um Shaoráil Faisnéise, 2014 le ESB Networks CGA ina cháil mar Oibreoir Ceadúnaithe an Chórais Dáileacháin (DSO). Faoin Acht um Shaoráil Faisnéise, tá sé de cheart ag daoine rochtain a iarraidh ar thaifid atá á coinneáil ag ESB Networks CGA nó thar ceann ESB Networks CGA faoin gceadúnas DSO. Chun tuilleadh eolais a fháil maidir le Saoráil Faisnéise agus conas iarratas a dhéanamh, féach ar an gcéad leathanach eile ar ár suíomh gréasáin ESB Networks agus an tSaoráil Faisnéise (esbnetworks.ie).

Tá an tseirbhís do chustaiméirí i gcroílár gach a ndéanaimid in ESB Networks. Cuirimid seirbhísí ar fáil do gach uile chustaiméir leictreachais, beag beann ar an soláthraí leictreachais a úsáideann siad. Táimid tiomanta éascaíocht a dhéanamh ar an aistriú i dtreo teicneolaíochtaí ísealcharbóin, ag tacú le gach custaiméir d’fhonn iad a chumhachtú chun páirt a ghlacadh sa mhargadh fuinnimh.

Chun tuilleadh eolais a fháil maidir le beartais chustaiméirí ESB Networks, féach anseo thíos: 

Cuntas ar Líne ESB Networks

Líonraí i dTreo na Neodrachta - Doiciméad Straitéise | Íoslódáil PDF

An Chairt Custaiméirí

Beartas maidir le Custaiméirí Leochaileacha

Ionad Náisiúnta Cúraim Custaiméirí ESB Networks

Tá ESB Networks CGA tiomanta do na caighdeáin is airde rialachais chorparáidigh, ionracas gnó agus rannpháirtíocht geallsealbhóirí ina chuid gníomhaíochtaí go léir.

Tá Bord ESB Networks CGA freagrach as athbhreithniú a dhéanamh ar chur chuige na Cuideachta i leith riosca d’fhonn a shásamh go bhfuil na córais bhainistíochta riosca a úsáidtear sa Chuideachta láidir agus inchosanta, agus athbhreithniú a dhéanamh ar bhonn bliantúil ar chóras rialuithe inmheánacha na Cuideachta (lena n-áirítear rialuithe  airgeadais) agus monatóireacht a dhéanamh ar a chuid éifeachtúlachta.

Is féidir tuilleadh eolais a fháil maidir le Bord ESB Networks CGA agus na téarmaí tagartha a bhaineann leis ag na naisc seo a leanas:

Ár mBord

Téarmaí Tagartha ESB Networks CGA | Íoslódáil PDF

Díríonn foireann ardbhainistíochta ESB Networks ar chur chun feidhme straitéis ESB Networks, ar fhorbairtí teicneolaíochta agus tráchtála, ar chláir a chur i gcrích, ar fheidhmíocht airgeadais agus iomaíoch, ar fhorbairt daoine agus ar rialachas agus forbairt eagraíochta trí bhainistiú agus oibríochtaí laethúla cúrsaí gnó ESB Networks.