Leictriú an teasa agus an iompair

Tá muidne in ESB Networks ag obair gan stad gan staonadh chun Éire a ullmhú don saol ísealcharbóin atá amach romhainn. Tá forbairt á déanamh ar an gcóras dáileacháin le go n-éascóidh sé an brú i dtreo córas fuinnimh ísealcharbóin ina dtiocfaidh 70% den leictreachas a ghintear ó fhoinsí ísealcharbóin faoin mbliain 2030. Chun é sin a bhaint amach, beidh orainn suas le 14 ghigeavata de ghiniúint in-athnuaite a nascadh leis na líonraí tarchurtha agus dáileacháin. Caithfidh an líonra dáileacháin a bheith in ann freastal ar suas le 936,000 feithicil leictreach ar ár mbóithre agus suas le 600,000 teaghlach a mbeidh teicneolaíocht teasa leictrigh suiteáilte iontu, teaschaidéil mar shampla.