Aistriú chuig Córas Fuinnimh Ísealcharbóin

Mar chuid den Phlean Gníomhaithe ar son na hAeráide, tá ESB Networks ag obair le líonra a sholáthar a bheidh in ann 70% den ghiniúint leictreachais go léir a fháil ó fhoinsí in-athnuaite faoi 2030. Chun é sin a bhaint amach, beidh orainn suas le 14 ghigeavata de ghiniúint in-athnuaite a nascadh leis na líonraí tarchurtha agus dáileacháin.

Tá an mhicrighiniúint aitheanta sa phlean mar phríomhtheicneolaíocht a chumasóidh an t-aistriú seo de réir mar a bheidh níos mó agus níos mó custaiméirí ag cur teicneolaíochtaí micrighiniúna in-athnuaite, amhail grianphainéil fotovoltacha, lena dtithe agus lena ngnólachtaí.